လံာ်ပှၤစံၣ်ညီၣ်ကွီၢ် 7:9 - Sgaw Karen Common Bible

⁹ လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:17

သုတဘၣ်ဒုးတၢ်ဒုးအံၤဘၣ်. မ့မ့ၢ်ထဲဟံးန့ၢ်သုလီၢ်တဖၣ်ဒီး ခိးတၢ်တက့ၢ်. သုကထံၣ်ဘၣ်လၢယွၤဟ့ၣ်သုတၢ်မၤနၢၤန့ၣ်လီၤ. ပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, မၤယံာ်မၤနီၢ်သုသးဒီးပျံၤတၢ်တဂ့ၤ. လဲၤထီၣ်ဆူတၢ်ဒုးတ က့ၢ်. ဒီးယွၤကအိၣ်ဒီးသုလီၤ.”

လံာ်စီၤယိၤဘး 4:13

ဒီးဒ်တၢ်မံမီၢ်ပျီၢ်သီအၢအသိးမၤတံာ်တာ်ယတၢ်မံန့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:13

တုၤပှၤကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်က့ၤဝံၤအလီၢ်ခံဒီး ယွၤအကလူးတဂၤလီၣ်ဖျါထီၣ်အသးလၢစီၤယိၤသးလၢတၢ်မံမီၢ် အပူၤဒီးစံးဝဲ, “ဂဲၤဆၢထၢၣ်, ကိးထီၣ်ဖိသၣ်ဒီးအမိၢ်န့ၣ်ဝံၤဃ့ၢ်ပူၤဖျဲးကွံာ်သုသးဆူ ကီၢ်အဲၤကူပတူးဒီးအိၣ်ဖဲန့ၣ်တုၤယမၢနဟးထီၣ်တစုန့ၣ်တက့ၢ်. အဂ့ၢ်ဒ်အံၤ စီၤပၤဟ့ၤရိာ်ကမၢလီၤပှၤလၢကဃုဖိသၣ်အံၤဒ်သိး အကမၤသံအီၤအဂီၢ်လီၤ.”

မၤတၢ် 27:23

အဂ့ၢ်ဒ်အံၤ, ဖဲနၤလၢအပူၤကွံာ်န့ၣ်, ကစၢ်ယွၤလၢယမ့ၢ်အတၢ်ဒီး ယဘါအီၤတဂၤအကလူးဟဲဆူယအိၣ်,

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 11:6

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. အဂ့ၢ်မ့ၢ်လၢခဲမုၢ်ဆ့ၣ်ဒ်သိးအံၤအဆၢကတီၢ်န့ၣ်ယကမၤသံအဝဲ သ့ၣ်ခဲလၢာ်ဒီးဟ့ၣ်လီၤအီၤလၢအံၣ်စရ့လးအစုပူၤအဃိန့ၣ် လီၤ. သုကဘၣ်ကျီတဲာ်အကသ့ၣ်တဖၣ်အခီၣ်ထူၣ်ဒီးဒွဲၣ်အူ ထီၣ်အလ့ၣ်ကဟၣ်တဖၣ်လၢမ့ၣ်အူန့ၣ်လီၤ.”

လံာ်စီၤယိၤၡူ 2:24

ဒီးစံးဝဲဒၣ်, “ပသ့ၣ်ညါလီၤတံၢ်လၢယွၤဟ့ၣ်လီၤပှၤထံကီၢ်ဒီဘ့ၣ်လံ. ပှၤဖဲန့ၣ်ခဲလၢာ်ပျံၤပှၤဒိၣ်မးန့ၣ်လီၤ.”

လံာ်ပှၤစံၣ်ညီၣ်ကွီၢ် 20:28

ပှၤဂီၢ်မုၢ်သံကွၢ်ယွၤ, “ဂ့ၤပလဲၤထီၣ်ဒုးကဒီးပဒီပုၢ်ဝဲၢ် ပှၤဘံၣ်ယၤမံၣ်ဖိတဖၣ်ဧါ. မ့တမ့ၢ်ပကဘၣ်ဆိကတီၢ်လဲၣ်.” ဒီးယွၤစံးဆၢဝဲဒၣ်, “ဒုးတက့ၢ်. ခဲမုၢ်ဆ့ၣ်တနံၤန့ၣ်ယကဟ့ၣ်သုလၢတၢ်မၤနၢၤလၢအဝဲသ့ၣ် အဖီခိၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်ပှၤစံၣ်ညီၣ်ကွီၢ် 3:28

အဝဲစံးဝဲ, “ပိာ်ယခံတက့ၢ်. ယွၤဟ့ၣ်လီၤသုတၢ်မၤနၢၤလၢ သုဒုၣ်သုဒါပှၤမိၤအးဖိတဖၣ်အဖီခိၣ်လံ.” မၤသးဒ်န့ၣ်ဒီးအဝဲသ့ၣ်ပိာ်ထီၣ်စီၤအ့ဟူာ်အခံ ဒီးမၤန့ၢ်တၢ်လီၢ်တတီၤဖဲပှၤမိၤအးဖိတဖၣ်ကခီထံကျိယၢ်ဒ့ၣ်န့ၣ်လီၤ. အဝဲသ့ၣ်တပျဲဘၣ်ပှၤကခီဂာ်တၢ်နီတဂၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:10

ဘၣ်ဆၣ်နမ့ၢ်ပျံၤလၢနကလဲၤထီၣ်ဒုးတၢ်ဒီးလဲၤလီၤဆူပှၤသူၣ်ဒဲ အလီၢ်န့ၣ်ဃုာ်ဒီးနခ့နပှၤစီၤဖူရါတက့ၢ်.

လံာ်ပှၤစံၣ်ညီၣ်ကွီၢ် 7:8

မၤသးဒ်န့ၣ်ဒီးစီၤကံးဒဧိၣ်ဆှၢက့ၤပှၤအံၣ်စရ့လးဖိအဂၤတဖၣ် ဆူဟံၣ်န့ၣ်လီၤ. ပာ်တ့ၢ်ဝဲထဲပှၤသၢကယၤဂၤဧိၤလၢအဟံးဃာ်ကယဲၢ်တၢ်အီၣ်တၢ်အီဒီးကွဲၤတဖၣ် လၢအစုပူၤန့ၣ်လီၤ. ပှၤမံးဒယၣ်ဖိအဒဲတဖၣ်အိၣ်လၢအဝဲသ့ၣ်အဖီလာ်လၢတၢ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:8

စီၤယိနၤသၣ်စံးဘၣ်အီၤ, “ဂ့ၤလံ, ပကလဲၤခီဂာ်တၢ်ဒီးပျဲ ပှၤဖလ့ၡသးဖိတဖၣ်ထံၣ်ပှၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”