လံာ်ပှၤစံၣ်ညီၣ်ကွီၢ် 7:8 - Sgaw Karen Common Bible

⁸ မၤသးဒ်န့ၣ်ဒီးစီၤကံးဒဧိၣ်ဆှၢက့ၤပှၤအံၣ်စရ့လးဖိအဂၤတဖၣ် ဆူဟံၣ်န့ၣ်လီၤ. ပာ်တ့ၢ်ဝဲထဲပှၤသၢကယၤဂၤဧိၤလၢအဟံးဃာ်ကယဲၢ်တၢ်အီၣ်တၢ်အီဒီးကွဲၤတဖၣ် လၢအစုပူၤန့ၣ်လီၤ. ပှၤမံးဒယၣ်ဖိအဒဲတဖၣ်အိၣ်လၢအဝဲသ့ၣ်အဖီလာ်လၢတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:8 Iomraidhean Croise

လံာ်ယၡါယၤ 27:13

တုၤမုၢ်တနံၤန့ၣ်ဟဲဝဲဒီး, ကွဲၤတဖျၢၣ်ကဘၣ်တၢ်အူထီၣ် အီၤလၢတၢ်ကိးက့ၤပှၤအံၣ်စရ့လးဖိခဲလၢာ်လၢဘၣ်တၢ်စိာ် မၢကဲကုၢ်အီၤလၢကီၢ်အၤၡူၢ်ဒီးကီၢ်အဲၤကူပတူးန့ၣ်လီၤ. အဝဲသ့ၣ်ကဟဲဒီးဘူၣ်ထီၣ်ဘါထီၣ်ယွၤလၢဝ့ၢ်ယရူၤၡလ့ၣ်, လၢအကစၢၢ်စီဆှံအလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:9

ဒီးလၢလါနွံလါတလါထီၣ်အသီတဆံအနံၤလၢအမ့ၢ်ဝဲတၢ်ပူၤဖျဲး အမုၢ်နံၤန့ၣ်သုဘၣ်ဒုးသီၣ်ကွဲၤအသီၣ်လၢသုကီၢ်ဒီကီၢ်ညါန့ၣ်လီၤ.

လံာ်တၢ်ဂံၢ် 10:9

ဖဲသုဒုးတၢ်ယၤတၢ်လၢသုကီၢ်ပူၤ, ဒီးသုကဘၣ်ဒီဒၣ်သုသးထီ ဒါသုဒုၣ်သုဒါလၢအဟဲဒုးတၢ်ဒီးသုအခါန့ၣ်, အူထီၣ်တၢ်ဒုးသုးအတၢ်ပနီၣ်လၢကွဲၤတဖၣ်အံၤတက့ၢ်. ယၤ, ယွၤသုကစၢ်ယွၤကမၤစၢၤသုဒီးအုၣ်က့ၤခီၣ်က့ၤသုလၢသု ဒုၣ်သုဒါတဖၣ်အစုပူၤန့ၣ်လီၤ.

လံာ်စီၤယိၤၡူ 6:20

သတးဒီးပှၤလုၢ်တၢ်အခိၣ်တဖၣ်အူထီၣ်အကွဲၤန့ၣ်လီၤ. တုၤပှၤဂီၢ်မုၢ်နၢ်ဟူကွဲၤအသီၣ်ဒီး, အဝဲသ့ၣ်ကိးပသူထီၣ်လၢအကလုၢ်ဖးဒိၣ်ဒီးဝ့ၢ်အခိၣ်ဒူတဖၣ် လီၤပှီၢ်ကွံာ်ဝဲန့ၣ်လီၤ. အန့ၣ်ဒီး, သုးမုၢ်သံၣ်ဘိဒီဖုလဲၤထီၣ်လိၤလိၤဆူဝ့ၢ်ပူၤဒီးမၤန့ၢ်အီၤန့ၣ်လီၤ.

လံာ်စီၤယိၤၡူ 6:4

ပှၤလုၢ်တၢ်အခိၣ်နွံဂၤ, တဂၤကစိာ်ကွဲၤတဖျၢၣ်စုာ်စုာ်, ကဘၣ်လဲၤတၢ်လၢတၢ်အၢၣ်လီၤအီလီၤ အတလါအမဲာ်ညါန့ၣ်လီၤ. ဒီးလၢနွံသီတသီန့ၣ်, နၤဒီးနသုးဖိတဖၣ်ကဘၣ်လဲၤတရံးဝ့ၢ်န့ၣ်နွံဝီဖဲပှၤလုၢ်တၢ် အခိၣ်တဖၣ်အူထီၣ်ကွဲၤအခါန့ၣ်လီၤ.

လံာ်ပှၤစံၣ်ညီၣ်ကွီၢ် 3:27

ဖဲအဝဲတုၤဆူကီၢ်အ့ဖရဲၣ်ကစၢၢ်ကလိဒီး, အဝဲအူထီၣ်ကွဲၤဒ်သိးကကိးဃီၤကီၢ်အံၣ်စရ့လးအပှၤပိာ်ခွါတဖၣ်လၢကလဲၤထီၣ်ဒုးတၢ်အဂီၢ်လီၤ. ဒီးအဝဲဆှၢပှၤတဖၣ်န့ၣ်ဆူတၢ်ပၢၤခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:33

ဒီးကယဲၢ်ပှၤမံးဒယၣ်ဖိခဲလၢာ်, ပှၤဧမၤလ့းဖိဒီးပှၤအဒူၣ်တဖၣ်လၢမဲးမုၢ်ခိၣ်ပာ်ဖှိၣ်ထီၣ်အသး, ဒီးခီဂာ်ထံကျိယၢ်ဒ့ၣ်ဒီးသူၣ်လီၤအဒဲဖဲ ယံးစရ့လးအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:7

ဒီးယွၤစံးဘၣ်စီၤကံးဒဧိၣ်, “ယကအုၣ်က့ၤခီၣ်က့ၤနၤဒီး ဟ့ၣ်နၤတၢ်မၤနၢၤလၢပှၤမံးဒယၣ်ဖိအဖီခိၣ်, ဃုာ်ဒီးပှၤသၢကယၤလၢအလ့ၣ်အီထံန့ၣ်လီၤ. တဲဘၣ်ပှၤအဂၤတဖၣ် လၢကက့ၤဆူဟံၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.