လံာ်ပှၤစံၣ်ညီၣ်ကွီၢ် 7:7 - Sgaw Karen Common Bible

⁷ ဒီးယွၤစံးဘၣ်စီၤကံးဒဧိၣ်, “ယကအုၣ်က့ၤခီၣ်က့ၤနၤဒီး ဟ့ၣ်နၤတၢ်မၤနၢၤလၢပှၤမံးဒယၣ်ဖိအဖီခိၣ်, ဃုာ်ဒီးပှၤသၢကယၤလၢအလ့ၣ်အီထံန့ၣ်လီၤ. တဲဘၣ်ပှၤအဂၤတဖၣ် လၢကက့ၤဆူဟံၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 7:7 Iomraidhean Croise

လံာ်ပှၤစံၣ်ညီၣ်ကွီၢ် 7:6

ပှၤအိၣ်ဝဲအဂၤသၢကယၤလၢအဒၢၣ်ထီၣ်ထံလၢအစုပူၤဒီးလ့ၣ်အီဝဲထံန့ၣ်လီၤ. ပှၤအဂၤခဲလၢာ်တီၤလီၤလၢအခီၣ်လ့ၢ်ခိၣ်ဒ်သိးအကအီထံအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 7:8

မၤသးဒ်န့ၣ်ဒီးစီၤကံးဒဧိၣ်ဆှၢက့ၤပှၤအံၣ်စရ့လးဖိအဂၤတဖၣ် ဆူဟံၣ်န့ၣ်လီၤ. ပာ်တ့ၢ်ဝဲထဲပှၤသၢကယၤဂၤဧိၤလၢအဟံးဃာ်ကယဲၢ်တၢ်အီၣ်တၢ်အီဒီးကွဲၤတဖၣ် လၢအစုပူၤန့ၣ်လီၤ. ပှၤမံးဒယၣ်ဖိအဒဲတဖၣ်အိၣ်လၢအဝဲသ့ၣ်အဖီလာ်လၢတၢ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:4

မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”