လံာ်ပှၤစံၣ်ညီၣ်ကွီၢ် 7:5 - Sgaw Karen Common Bible

⁵ စီၤကံးဒဧိၣ်လဲၤကိးပှၤတဖၣ်န့ၣ်ဆူထံနံၤဒီးယွၤစံးဘၣ်အီၤ, “ပာ်လီၤဆီပှၤကိးဂၤဒဲးလၢအလ့ၣ်ထီၣ်ထံလၢအပျ့ၤဒ်ထွံၣ်တဒုအသိး ဒီးပှၤအဂၤတဖၣ်လၢအတီၤလီၤလၢအခီၣ်လ့ၢ်ခိၣ် ဒ်သိးအကအီထံန့ၣ်တက့ၢ်.”

လံာ်ပှၤစံၣ်ညီၣ်ကွီၢ် 7:5 Iomraidhean Croise

လံာ်စီၤပၤအခီၣ်ထံးတဘ့ၣ် 17:13

စီၤအ့ၤလံယၤစံးဘၣ်အီၤ, “ကိၢ်တၢ်တဂ့ၤ. လဲၤဒီးကတဲာ်ကတီၤသုတၢ်အီၣ်တက့ၢ်. ဘၣ်ဆၣ်မၤဆိကိၣ်အဆံးဖိတလိၣ်လၢတၢ်လၢအအိၣ်ဒီးနၤအပူၤဒီး ဟဲစိာ်တၢ်န့ၣ်ဆူယအိၣ်, ဝံၤဒီးကတဲာ်ကတီၤတၢ်လၢအအိၣ်တီၢ်န့ၣ်လၢနဂီၢ်ဒီးနဖိခွါအဂီၢ်န့ၣ်တက့ၢ်.

စံးထီၣ်ပတြၢၤ 110:7

စီၤပၤကအိတၢ်လၢထံကျိလၢကျဲကပၤ ဒီးအဂံၢ်အဘါကဆူၣ်ထီၣ်က့ၤဝဲ, ဒီးအဝဲကဂဲၤဆၢထၢၣ်လၢတၢ်မၤနၢၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:4

တုၤနုၤတစု, ယွၤစံးဘၣ်စီၤကံးဒဧိၣ်, “နပှၤအိၣ်ဒံးဝဲအါကဲာ်ဆိးန့ၣ်လီၤ. လဲၤကိးအဝဲသ့ၣ်ဆူထံနံၤဒီးယကနီၤဖးအဝဲသ့ၣ်လၢနဂီၢ်ဖဲန့ၣ်လီၤ. ယမ့ၢ်တဲဘၣ်နၤလၢပှၤတဂၤကြၢးလဲၤဃုာ်တၢ်ဒီးနၤန့ၣ်အဝဲကလဲၤဝဲလီၤ. ယမ့ၢ်တဲလၢပှၤတဂၤတကြၢးလဲၤဃုာ်ဒီးနၤဘၣ်ဒီးတလဲၤဘၣ်ဝဲဘၣ်.”

လံာ်ပှၤစံၣ်ညီၣ်ကွီၢ် 7:6

ပှၤအိၣ်ဝဲအဂၤသၢကယၤလၢအဒၢၣ်ထီၣ်ထံလၢအစုပူၤဒီးလ့ၣ်အီဝဲထံန့ၣ်လီၤ. ပှၤအဂၤခဲလၢာ်တီၤလီၤလၢအခီၣ်လ့ၢ်ခိၣ်ဒ်သိးအကအီထံအဂီၢ်န့ၣ်လီၤ.