လံာ်ပှၤစံၣ်ညီၣ်ကွီၢ် 7:4 - Sgaw Karen Common Bible

⁴ တုၤနုၤတစု, ယွၤစံးဘၣ်စီၤကံးဒဧိၣ်, “နပှၤအိၣ်ဒံးဝဲအါကဲာ်ဆိးန့ၣ်လီၤ. လဲၤကိးအဝဲသ့ၣ်ဆူထံနံၤဒီးယကနီၤဖးအဝဲသ့ၣ်လၢနဂီၢ်ဖဲန့ၣ်လီၤ. ယမ့ၢ်တဲဘၣ်နၤလၢပှၤတဂၤကြၢးလဲၤဃုာ်တၢ်ဒီးနၤန့ၣ်အဝဲကလဲၤဝဲလီၤ. ယမ့ၢ်တဲလၢပှၤတဂၤတကြၢးလဲၤဃုာ်ဒီးနၤဘၣ်ဒီးတလဲၤဘၣ်ဝဲဘၣ်.”

လံာ်ပှၤစံၣ်ညီၣ်ကွီၢ် 7:4 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

စံးထီၣ်ပတြၢၤ 33:16

စီၤပၤတဘၣ်တၢ်မၤပူၤဖျဲးအီၤလၢ အသုးမုၢ်ဂီၢ်မုၢ်ဖးဒိၣ်အဃိဘၣ်. ပှၤသုးဖိတဘၣ်တၢ်မၤပူၤဖျဲးအီၤလၢ အဂံၢ်ဆူၣ်ဘါဆူၣ်အဃိဘၣ်.

စံးထီၣ်ပတြၢၤ 66:10

ကစၢ်ယွၤဧၢ, အဂ့ၢ်ဒ်အံၤ, နမၤကွၢ်တ့ၢ်လံပှၤလံ. နမၤပှံၢ်တ့ၢ်လံပှၤ ဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ.

စံးထီၣ်ပတြၢၤ 7:9

ကစၢ်ယွၤလၢအတီအလိၤ ဒီးမၤကွၢ် ပှၤကညီအသးအတၢ်ဆိကမိၣ်နၤဧၢ, ဒုးကတၢၢ်ကွံာ်ပှၤတတီတလိၤအတၢ်အၢတၢ်သီ, ဘၣ်ဆၣ်ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.

လံာ်ပှၤစံၣ်ညီၣ်ကွီၢ် 7:5

စီၤကံးဒဧိၣ်လဲၤကိးပှၤတဖၣ်န့ၣ်ဆူထံနံၤဒီးယွၤစံးဘၣ်အီၤ, “ပာ်လီၤဆီပှၤကိးဂၤဒဲးလၢအလ့ၣ်ထီၣ်ထံလၢအပျ့ၤဒ်ထွံၣ်တဒုအသိး ဒီးပှၤအဂၤတဖၣ်လၢအတီၤလီၤလၢအခီၣ်လ့ၢ်ခိၣ် ဒ်သိးအကအီထံန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 14:6

စီၤယိနၤသၣ်စံးဘၣ်ပှၤသးစၢ်ပိာ်ခွါတဂၤန့ၣ်, “မ်ပလဲၤခီဃီၤဆူပှၤတစူၢ်တနာ်ယွၤ, ပှၤဖလ့ၡသးဖိတဖၣ် အသူၣ်ဒဲလီၢ်တက့ၢ်. ဘၣ်သ့ၣ်သ့ၣ်ယွၤကမၤစၢၤပှၤလီၤ. အဝဲမ့ၢ်မၤစၢၤပှၤဒီးဖဲန့ၣ်ပမ့ၢ်အိၣ်စှၤဂၤသနာ်က့, တၢ်လၢအကတြီအီၤ ဒ်သိးကဟ့ၣ်ပှၤတၢ်မၤနၢၤန့ၣ်တအိၣ်ဘၣ်နီတမံၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 16:7

ဘၣ်ဆၣ်ဒီးယွၤစံးဘၣ်အီၤ, “ကနၣ်ဃုာ်အဂီၤထီဒီးဒိၣ်တၢ်ဂ့ၤ ဆံးအါဆံးအါန့ၣ်တဂ့ၤ. ယညိကွံာ်အီၤလီၤ. အဂ့ၢ်ဒ်အံၤ, ယတစံၣ်ညီၣ်တၢ်ဒ်ပှၤကညီစံၣ်ညီၣ်တၢ်အသိးဘၣ်. ပှၤကညီကွၢ်တၢ်အက့ၢ်အဂီၤလၢခိလီၤ. မ့မ့ၢ်ယကွၢ်အသူၣ်အသးန့ၣ်လီၤ.”