လံာ်ပှၤစံၣ်ညီၣ်ကွီၢ် 7:19 - Sgaw Karen Common Bible

¹⁹ စီၤကံးဒဧိၣ်ဒီးအပှၤတကယၤဟဲတုၤဆူတၢ်သူၣ်ထီၣ်အဒဲအလီၢ်အသရ့ၤ, တချုးဖးဖီမုၢ်အကတီၢ်ဖဲပှၤခိးတၢ်ဖိတဖၣ်လဲလိာ်အမူဒါဝံၤသီသီန့ၣ်လီၤ. တုၤနုၤတစုအဝဲသ့ၣ်အူထီၣ်ကွဲၤဒီးဒိသ့ၣ်ဖးသပၢၤလၢအဖီၣ်ဃာ်ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 7:19 Iomraidhean Croise

စံးထီၣ်ပတြၢၤ 2:9

နကတီၢ်ကၢ်အဝဲသ့ၣ်လၢနီၣ်တီၢ်ထး, နကမၤသ့ၣ်ဖးအဝဲသ့ၣ်ဒ် သပၢၤဟီၣ်ခိၣ်အက့အခီအသိးန့ၣ်လီၤ.”

စံးထီၣ်ပတြၢၤ 90:4

လၢနဂီၢ်အံၤအနံၣ်တကထိလီၤဂာ်ဒ်မုၢ်တနံၤအသိး, ဒ်မဟါတနံၤလၢအလဲၤပူၤကွံာ်တ့ၢ်လံဝဲ, ဒီးဒ်တၢ်ခိးအကတီၢ်တကတီၢ်လၢ မုၢ်နၤအသိးန့ၣ်လီၤ.

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်မးသဲ 25:6

ဒီးလၢဖးဖီမုၢ်န့ၣ်, တၢ်ကိးသတြီထီၣ်ဝဲ, ‘တလးမူးပိာ်ခွါဟဲလံ, ဟဲဒီးသဂၢၢ်အီၤတက့ၢ်.’

၁ သ့းစၤလနံ 5:2

အဂ့ၢ်ဒ်အံၤ, ကစၢ်အမုၢ်တနံၤကဟဲဝဲဒၣ်သတူၢ်ကလာ်ဒ် တၢ်ဘျၣ်ဟဲဝဲလၢမုၢ်နၤခီအသိးန့ၣ်, သုနီၢ်ကစၢ်ဒၣ်သုဝဲ သုသ့ၣ်ညါဂ့ၤဂ့ၤလီၤ.

လံာ်လီၣ်ဖျါ 16:15

“ဒိကနၣ်တက့ၢ်. ယဟဲယဲဒ်တၢ်ဘျၣ်တဂၤအသိးလီၤ. ပှၤတဂၤလၢအိၣ်စီၣ်မဲာ်စီၣ်နါဒီးကတီၤဃာ်အတၢ်ကူတၢ်သိး တဖၣ်ဒ်သိးအဝဲအသုတဟးဝ့ၤဝီၤအိၣ်ဘ့ၣ်ဆ့ဒီးမဲာ်ဆှး ဘၣ်လၢပှၤဂီၢ်မုၢ်ဂီၢ်ပၤအမဲာ်ညါတဂ့ၤအဂီၢ်န့ၣ်ဘၣ်ဆိၣ်ဂ့ၤဝဲလီၤ.”

လံာ်ပှၤစံၣ်ညီၣ်ကွီၢ် 7:16

အဝဲနီၤဖးလီၤအပှၤသၢဖုဒီးဟ့ၣ်လီၤပှၤတဂၤလၢကွဲၤတဖျၢၣ် ဒီးသပၢၤတဖျၢၣ်စုာ်စုာ်လၢအအိပူၤအိၣ်ဒီးဆှီန့ၣ်လီၤ.

လံာ်ပှၤစံၣ်ညီၣ်ကွီၢ် 7:18

ဖဲယၤဒီးပှၤအိၣ်ဒီးယၤတဖၣ်အူထီၣ်ကွဲၤန့ၣ်, အူထီၣ်သုကွဲၤဝးတရံးတၢ်သူၣ်ဒဲအလီၢ်ဒီးကိးပသူထီၣ်စံး, ‘လၢကစၢ်ယွၤဒီးစီၤကံးဒဧိၣ်အဂီၢ်လီၤ’ တက့ၢ်.”

လံာ်ပှၤစံၣ်ညီၣ်ကွီၢ် 7:20

ဒီးပှၤအဂၤခံဖုန့ၣ်မၤတၢ်တမံၤဃီဒ်န့ၣ်လီၤ. အဝဲသ့ၣ်ခဲလၢာ်စိာ်ဃာ်ဆှီလၢအစုစ့ၣ်, ကွဲၤလၢအစုထွဲဒီး ကိးပသူထီၣ်ဝဲ, “နးတဘ့ၣ်လၢယွၤဒီးစီၤကံးဒဧိၣ်အဂီၢ်” န့ၣ်လီၤ.