လံာ်ပှၤစံၣ်ညီၣ်ကွီၢ် 7:13 - Sgaw Karen Common Bible

¹³ ဖဲစီၤကံးဒဧိၣ်လဲၤတုၤန့ၣ်, အဝဲနၢ်ဟူပှၤတဂၤတဲဘၣ်အတံၤ သကိးလၢတၢ်မံမီၢ်တယုၢ်အဂ့ၢ်န့ၣ်လီၤ. အဝဲစံး, “ယမံမီၢ်လၢဘုမုယီၤအကိၣ်တလိၣ်ဟဲတလ့ၣ်လီၤအသး ဆူပသူၣ်ဒဲအလီၢ်ဒီးဘၣ်ဒိဒဲတဖျၢၣ်လီၤ. ဒီးဒဲန့ၣ်လီၤပှီၢ်ကွံာ်ဝဲအိၣ်ဒါလီၤအသးဘံၣ် သလၣ်လၢဟီၣ်ခိၣ်လိၤလီၤ.”

လံာ်ပှၤစံၣ်ညီၣ်ကွီၢ် 7:13 Iomraidhean Croise

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:31

ပှၤခိၣ်ပှၤနၢ်လၢခံတဂၤန့ၣ်မ့ၢ်ဝဲစီၤဧးနးအဖိခွါစီၤၡးမကၢ်န့ၣ်လီၤ. အဝဲစ့ၢ်ကီးမၤပူၤဖျဲးပှၤအံၣ်စရ့လးဖိခီဖျိအမၤသံပှၤ ဖလ့ၡသးဖိအဂၤဃုကယၤ လၢနီၣ်ဆဲးကျီၢ်တဘီန့ၣ်လီၤ.

လံာ်ပှၤစံၣ်ညီၣ်ကွီၢ် 4:21

စီၤစံစရၤလီၤဘှံးလီၤတီၤတုၤဒၣ်လဲာ်အဝဲမံဘၣ်အသးလၢတၢ်မံယိာ်အပူၤလီၤ. တုၤနုၤတစုနီၢ်ယဧ့လးဟံးန့ၢ်ခံၣ်ခူၣ်တဘိဒီးဒဲအနီၣ်စဲတဘိ ဝံၤလဲၤဝဲကယီကယီဆူအအိၣ် ဒီးတီၢ်နုာ်နီၣ်ခိၣ်စူန့ၣ်လိၤလိၤဖဲအနၢ်သက့ၤထံးတုၤအဖျိကွံာ် ဒီးဆဲးတံၢ်အသးလၢဟီၣ်ခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:9

နီၢ်ဒဘိရၤစံးဆၢဝဲဒၣ်, “ဂ့ၤလံ. ယကလဲၤဒီးနၤလီၤ. ဘၣ်ဆၣ်ဒီးနတမၤန့ၢ်တၢ်မၤနၢၤအတၢ်လၤကပီၤအံၤဘၣ်. အဂ့ၢ်ဒ်အံၤ, ကစၢ်ယွၤကဟ့ၣ်လီၤစီၤစံစရၤဆူပိာ်မုၣ်တဂၤအစုပူၤန့ၣ်လီၤ.”

လံာ်ပှၤစံၣ်ညီၣ်ကွီၢ် 6:15

စီၤကံးဒဧိၣ်စံးဆၢဝဲဒၣ်, “ဘၣ်ဆၣ်ဒီးယအုၣ်က့ၤခီၣ်က့ၤအံၣ်စရ့လးကသံဒ်လဲၣ်. ယဒူၣ်ဖိထၢဖိမ့ၢ်ပှၤအဂံၢ်အဘါစၢ်ကတၢၢ်လၢမနၤၡ့ၤအဒူၣ်အကျါန့ၣ်လီၤ. ဒီးယမ့ၢ်ပှၤအဆံးကတၢၢ်လၢယဒူၣ်ဖိထၢဖိလၢအကါတဒိၣ်ဘၣ် အကျါန့ၣ်လီၤ.”

လံာ်ပှၤစံၣ်ညီၣ်ကွီၢ် 7:12

ဒီးပှၤမံးဒယၣ်ဖိ, ပှၤဧမၤလ့းဖိဒီးပှၤမဲးမုၢ်ခိၣ်အဒူၣ်တဖၣ် ရၤလီၤအသးလၢတၢ်ပျီပူၤဒ်ဒွဲၣ်ဧိၤတြၤဧိၤအဖုအဂီၢ်အသိး န့ၣ်လီၤ. အဝဲသ့ၣ်အိၣ်ဒီးကီၤလၤအူးအါမးဒ်မဲးဧိၤဟီၣ်ဧိၤလၢပီၣ် လဲၣ်ကၢၢ်နံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 7:14

အတံၤသကိးစံးဆၢအီၤ, “တၢ်န့ၣ်မ့ၢ်ပှၤအံၣ်စရ့လးဖိ စီၤယိၤအၣ်အဖိခွါစီၤကံးဒဧိၣ်အနးန့ၣ်လီၤ. အခီပညီအဂၤတအိၣ်ဘၣ်. ကစၢ်ယွၤဟ့ၣ်လီၤအီၤတၢ်မၤနၢၤလၢပှၤမံးဒယၣ်ဖိဒီးပဝဲသုးမုၢ် ဒီဖုညါအဖီခိၣ်လံ.”

လံာ်ပှၤစံၣ်ညီၣ်ကွီၢ် 8:10

စီၤစ့ဘၤဒီးစီၤစးလမူနၤအိၣ်ဝဲလၢဝ့ၢ်ကၢ်ကိၢ်ဃုာ်ဒီး အသုးမုၢ်သံၣ်ဘိတဖၣ်န့ၣ်လီၤ. လၢပှၤမဲးမုၢ်ခိၣ်အဒူၣ်အသုးမုၢ်သံၣ်ဘိဒီဖုညါအကျါန့ၣ် ပှၤအိၣ်တ့ၢ်ထဲအဂၤတကလးယဲၢ်ကထိဧိၤန့ၣ်လီၤ. ပှၤသုးဖိအဂၤတကလီၢ်ခံကလးန့ၣ်ဘၣ်တၢ်မၤသံတ့ၢ်လံအီၤန့ၣ်လီၤ.