လံာ်ပှၤစံၣ်ညီၣ်ကွီၢ် 7:11 - Sgaw Karen Common Bible

¹¹ နကနၢ်ဟူတၢ်လၢအဝဲသ့ၣ်ကတိၤဝဲန့ၣ်လီၤ. တုၤနုၤတစုနကအိၣ်ဒီးတၢ်သးဒူလၢနကဒုးတၢ်အဂီၢ်န့ၣ်လီၤ.” မၤသးဒ်န့ၣ်ဒီးစီၤကံးဒဧိၣ်ဒီးအခ့အပှၤစီၤဖူရါလဲၤလီၤဆူ ဒုၣ်ဒါတဖၣ်အဒဲအသရ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:11 Iomraidhean Croise

လံာ်တၢ်ကဲထီၣ်အခီၣ်ထံး 24:14

ယကစံးဘၣ်အဝဲသ့ၣ်အကျါတဂၤ, ‘ဝံသးစူၤပာ်လီၤနသပၢၤထံဒီး ပျဲယအီထံတက့ၢ်.’ အဝဲမ့ၢ်စံးဝဲလၢ ‘အီတက့ၢ်, ဒီးယကဟဲစိာ်စ့ၢ်ကီးထံလၢနကီၤလၤအူးအဂီၢ်’ န့ၣ်, မ်အဝဲဒၣ်ကမ့ၢ်ပှၤတဂၤလၢနဃုထၢတ့ၢ်အီၤလၢနခ့နပှၤစီၤအံၤ စဲးအဂီၢ်န့ၣ်တက့ၢ်. တၢ်အံၤမ့ၢ်မၤအသးဒီးယကသ့ၣ်ညါလၢနဟံးဃာ်နတၢ်အၢၣ်လီၤဒီး ယကစၢ်စီၤအၤဘြၤဟၣ်န့ၣ်လီၤ.”

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤနဃ့မယၤ 6:9

အဝဲသ့ၣ်ဂုာ်ကျဲးစၢးမၤပျံၤပှၤဒ်သိးပကဆိကတီၢ်ကွံာ်တၢ်မၤ န့ၣ်လီၤ. ဒီးယဘါထုကဖၣ်ယဲ, “ကစၢ်ယွၤဧၢ, ခဲကနံၣ်အံၤဒုးဆူၣ်ထီၣ်ယၤတက့ၢ်.”

လံာ်တၢ်ဟးထီၣ်ကွံာ် 13:18

ဒီးလၢတၢ်န့ၣ်အဃိယွၤဆှၢတရံးပှၤဂီၢ်မုၢ်လၢပှၢ်မုၢ်ကနၢအကျဲဆူပီၣ်လဲၣ်ဂီၤန့ၣ်လီၤ. ဒီးပှၤအံၣ်စရ့လးဖိတဖၣ်ဟံးထီၣ်အစုကဝဲၤလၢတၢ်ဒုးတၢ်ယၤအဂီၢ်န့ၣ်လီၤ.

အ့းဖ့းစူး 3:16

ယဃ့ထုကဖၣ်ကစၢ်ယွၤ, ဒ်အလၤကပီၤထူးတီၤဝဲအသိးလၢအကဟ့ၣ်လီၤသုတၢ်စိတၢ် ကမီၤခီဖျိယွၤအသးဒ်သိးသုသးအဂံၢ်အဘါကဆူၣ်ထီၣ်ဝဲ အဂီၢ်,

အ့းဖ့းစူး 6:10

တၢ်ကတိၤလၢခံကတၢၢ်, အိၣ်ပှဲၤဒီးဂံၢ်ဘါလၢကစၢ်အပူၤဒီးလၢအစိကမီၤအဂံၢ် အဘါအပူၤတက့ၢ်.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:10

ဘၣ်ဆၣ်နမ့ၢ်ပျံၤလၢနကလဲၤထီၣ်ဒုးတၢ်ဒီးလဲၤလီၤဆူပှၤသူၣ်ဒဲ အလီၢ်န့ၣ်ဃုာ်ဒီးနခ့နပှၤစီၤဖူရါတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 14:12

အန့ၣ်ဝံၤဒီးအဝဲသ့ၣ်ကိးထီၣ်ဆူစီၤယိနၤသၣ်ဒီးပှၤသးစၢ် ပိာ်ခွါန့ၣ်အအိၣ်, “ဟဲထီၣ်ဆူအံၤတက့ၢ်. ပအိၣ်ဒီးတၢ်ဂ့ၢ်တနီၤလၢပအဲၣ်ဒိးတဲဘၣ်သုလီၤ.” စီၤယိၤနၤသၣ်စံးဘၣ်ပှၤသးစၢ်ပိာ်ခွါန့ၣ်, “ပိာ်ယခံတက့ၢ်. ယွၤဟ့ၣ်လီၤကီၢ်အံၣ်စရ့လးတၢ်မၤနၢၤလၢအဝဲသ့ၣ်အဖီခိၣ်လံ.”

လံာ်စီၤၡမူၤအ့လးအခီၣ်ထံးတဘ့ၣ် 23:16

စီၤယိၤနၤသၣ်လဲၤဆူအအိၣ်ဖဲန့ၣ်ဒီးဟ့ၣ်ဂံၢ်ဟ့ၣ်ဘါအီၤလၢ ကစၢ်ယွၤအတၢ်ဒီဒၣ်အိၣ်ပှိၤအီၤသပှၢ်တၢၢ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:6

အန့ၣ်ဝံၤဒီးစီၤဒၤဝံးသံကွၢ်ပှၤဃ့ၤသးဖိစီၤအဃံၤမ့လ့း, ဒီးစီၤယိၤအာ်အဒီပုၢ်ဝဲၢ်စီၤအဘံၡဲၤ (အဝဲသ့ၣ်အမိၢ်မ့ၢ်နီၢ်စရူၤယၤလီၤ), “သုဝဲခံဂၤအကျါမ့ၢ်မတၤကလဲၤဃုာ်ဒီးယၤဆူစီၤစီလူးအဒဲ လဲၣ်.” စီၤအဘံၡဲၤစံးဆၢဝဲ, “ယကလဲၤလီၤ.”