လံာ်ပှၤစံၣ်ညီၣ်ကွီၢ် 7:1 - Sgaw Karen Common Bible

¹ ဘၣ်တနံၤ, စီၤကံးဒဧိၣ်ဒီးအပှၤတဖၣ်ဆၢထၢၣ်ဂီၤဂီၤဒီး သူၣ်ထီၣ်အဒဲဖဲထံထီၣ်ပၢၢ်ဃရိးအကပၤန့ၣ်လီၤ. ပှၤမံးဒယၣ်ဖိအဒဲတခီ အိၣ်လၢအကလံၤစိးတကပၤ ဖဲတၢ်လူၢ်မိၤရံအခီၣ်ထံးတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:1 Iomraidhean Croise

လံာ်တၢ်ကဲထီၣ်အခီၣ်ထံး 12:6

စီၤအၤဘြၣ်လဲၤခီဖျိထံကီၢ်န့ၣ်တုၤအဟဲတုၤဖဲသ့ၣ်စီဆှံ တထူၣ်လၢကစၢၢ်မိၤရံယၤ, တၢ်လီၢ်စီဆှံတတီၤလၢဝ့ၢ်ၡက့ၣ်န့ၣ် လီၤ. (အကတီၢ်ဖဲန့ၣ်ပှၤကနၤဧၣ်ဖိသ့ၣ်တဖၣ်အိၣ်ဒံးဝဲလၢကီၢ်န့ၣ် အပူၤလီၤ.)

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:25

ပှၤဝ့ၢ်ဃရိးဖိစီၤၡမၤဒီးစီၤအလံကၤ,

စံးထီၣ်ပတြၢၤ 83:9

မၤအဝဲသ့ၣ်ဒ်နမၤပှၤမံးဒယၣ်ဖိအသိး, ဒီးဒ်စီၤစံစရၤ, ဒီးစီၤယၤဘံၣ်လၢထံကျိကံၡိၣ် အသိးန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်သိၣ်လီၤသီလီၤတၢ် 11:30

(ကစၢၢ်ခံဖျၢၣ်အံၤအိၣ်ဝဲလၢထံကျိယၢ်ဒ့ၣ်, အမုၢ်နုာ်, ဖဲပှၤကနၤဧၣ်ဖိတဖၣ်လၢအအိၣ်ဆိးဖဲယၢ်ဒ့ၣ်အတြီၤပူၤ, အလီၢ်ကဝီၤပူၤန့ၣ်လီၤ. အဝဲသ့ၣ်အိၣ်ဝဲဒၣ်လၢမုၢ်နုာ်တကပၤ, တယံၤကဲာ်ဆိးဘၣ်ဒီးကီၢ်မိၤရံယၤအသ့ၣ်စီဆှံ တဖၣ်လၢအအိၣ်ဖဲဝ့ၢ်ကံးလကၤလးအကပၤဘၣ်န့ၣ်လီၤ.)

လံာ်စီၤယိၤၡူ 3:1

မုၢ်ဆ့ၣ်ထီၣ်တနံၤန့ၣ်, စီၤယိၤၡူဒီးအပှၤအံၣ်စရ့လးဖိခဲလၢာ်ဂဲၤဆၢထၢၣ်ဂီၤဂီၤ, ဟးထီၣ်ကွံာ်လၢသူၣ်ဒဲလီၢ်ၡံးတံၣ်, ဒီးလဲၤဝဲဆူထံ ကျိယၢ်ဒ့ၣ်ဒီးဖဲန့ၣ်အဝဲသ့ၣ်အိၣ်ခိး တၢ်လၢကခီဂာ်ဝဲအဂီၢ်န့ၣ်လီၤ.

လံာ်စီၤယိၤၡူ 6:12

လၢခံတဂီၤ, စီၤယိၤၡူဆၢထၢၣ်ဝဲဂီၤဂီၤ, ဒီးပှၤလုၢ်တၢ်အခိၣ်တဖၣ်ဒီးပှၤ သုးဖိတဖၣ်လဲၤတရံးဝ့ၢ်ခံဘျီတဘျီဒ်အမၤတ့ၢ်ဝဲလၢအပူၤကွံာ်တသီအသိး,

လံာ်ပှၤစံၣ်ညီၣ်ကွီၢ် 6:32

စးထီၣ်ဖဲန့ၣ်စီၤကံးဒဧိၣ်ဘၣ်တၢ်သ့ၣ်ညါအီၤဒ်စီၤယရူၤဘဧၤလးလီၤ. အဂ့ၢ်ဒ်အံၤစီၤယိၤအၣ်စံး, “မ်ဘဧၤလးဒီဒၣ်လီၤအသးတက့ၢ်. တၢ်လုၢ်လီၢ်လၢဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အတၢ်လီၤ.”

လံာ်ပှၤစံၣ်ညီၣ်ကွီၢ် 6:33

ဒီးကယဲၢ်ပှၤမံးဒယၣ်ဖိခဲလၢာ်, ပှၤဧမၤလ့းဖိဒီးပှၤအဒူၣ်တဖၣ်လၢမဲးမုၢ်ခိၣ်ပာ်ဖှိၣ်ထီၣ်အသး, ဒီးခီဂာ်ထံကျိယၢ်ဒ့ၣ်ဒီးသူၣ်လီၤအဒဲဖဲ ယံးစရ့လးအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:40

ဒီးလၢမုၢ်နၤအဝဲန့ၣ်ကစၢ်ယွၤမၤဝဲတၢ်ဒ်န့ၣ်လီၤ. လၢခံတနံၤမုၢ်ဆ့ၣ်ထီၣ်န့ၣ်သိဆူၣ်ဃ့ထီဝဲလီၤ. မ့မ့ၢ်ဟီၣ်ခိၣ်န့ၣ်စုၣ်စီၣ်ဝဲဒီးပစီၤထံန့ၣ်လီၤ.

လံာ်ပှၤစံၣ်ညီၣ်ကွီၢ် 8:29

ဒီးစီၤကံးဒဧိၣ်က့ၤကဒါက့ၤဆူအဟံၣ်ဒၣ်ဝဲဒီးအိၣ်ဝဲဆိးဝဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:1

ပှၤဖလ့ၡသးဖိတဖၣ်ဟဲပာ်ဖှိၣ်ထီၣ်အသုးမုၢ်သံၣ်ဘိခဲလၢာ်ဖဲ ဝ့ၢ်အဖ့းဖဲပှၤအံၣ်စရ့လးဖိတဖၣ်သူၣ်အဒဲဖဲတၢ်တြီၤယံးစရ့ လးအထံထီၣ်ပၢၢ်န့ၣ်လီၤ.