လံာ်ပှၤစံၣ်ညီၣ်ကွီၢ် 6:39 - Sgaw Karen Common Bible

³⁹ တုၤနုၤတစုစီၤကံးဒဧိၣ်စံးဘၣ်ကစၢ်ယွၤ, “သးဒိၣ်လၢ်ယၤတဂ့ၤ, ပျဲယကတိၤတၢ်ဆူညါထဲတဘျီဧိၤတက့ၢ်. ဝံသးစူၤပျဲယမၤကွၢ်ကဒီးတၢ်ဆူညါထဲတဘျီဧိၤလၢသိဆူၣ်န့ၣ်တက့ၢ်. အအံၤတဘျီန့ၣ်ပျဲသိဆူၣ်အိၣ်ဃ့ထီဒီးဟီၣ်ခိၣ်ဘၣ်စီၣ်ဝဲတက့ၢ်.”

လံာ်ပှၤစံၣ်ညီၣ်ကွီၢ် 6:39 Iomraidhean Croise

လံာ်တၢ်ကဲထီၣ်အခီၣ်ထံး 18:30

စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.” ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 18:32

ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.” ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.”

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.

မၤတၢ် 22:21

ကစၢ်စံးဘၣ်ယၤ, ‘လဲၤတက့ၢ်. အဂ့ၢ်ဒ်အံၤ, ယကဆှၢလီၤနၤဆူတၢ်လီၢ်အယံၤဆူပှၤကလုာ်ဂၤတဖၣ် အအိၣ်န့ၣ်လီၤ.’ ”

မၤတၢ် 28:28

လၢတၢ်န့ၣ်အဃိသုကဘၣ်သ့ၣ်ညါဒ်အံၤ, ကစၢ်ယွၤအတၢ်ကစီၣ်ဘၣ်ဃးတၢ်အုၣ်က့ၤခီၣ်က့ၤန့ၣ်, ဘၣ်တၢ်ဆှၢလံအီၤဆူပှၤကလုာ်ဂၤတဖၣ်အအိၣ်လံ. အဝဲသ့ၣ်ကဒိကနၣ်တၢ်လီၤ.”

လံာ်ပှၤစံၣ်ညီၣ်ကွီၢ် 6:38

ဒီးတၢ်မၤအသးဒ်န့ၣ်လီၤတံၢ်လီၤဆဲးလီၤ. ဖဲစီၤကံးဒဧိၣ်ဂဲၤဆၢထၢၣ်ဂီၤဂီၤလၢခံတနံၤန့ၣ် အဝဲဝံာ်သိဆူၣ်ဒီးမၤန့ၢ်ဝဲပစီၤထံပှဲၤလၢလီခီတဖျၢၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:40

ဒီးလၢမုၢ်နၤအဝဲန့ၣ်ကစၢ်ယွၤမၤဝဲတၢ်ဒ်န့ၣ်လီၤ. လၢခံတနံၤမုၢ်ဆ့ၣ်ထီၣ်န့ၣ်သိဆူၣ်ဃ့ထီဝဲလီၤ. မ့မ့ၢ်ဟီၣ်ခိၣ်န့ၣ်စုၣ်စီၣ်ဝဲဒီးပစီၤထံန့ၣ်လီၤ.