လံာ်ပှၤစံၣ်ညီၣ်ကွီၢ် 6:37 - Sgaw Karen Common Bible

³⁷ ဂ့ၤလံ. ယကပာ်လီၤသိဆူၣ်တနီၤလၢဟီၣ်ခိၣ်အလိၤဖဲပယီၢ်ဘုကၠူၣ်အလီၢ်လီၤ. လၢမုၢ်ဆ့ၣ်ထီၣ်န့ၣ်ပစီၤထံမ့ၢ်အိၣ်ဒၣ်ထဲလၢသိဆူၣ်အလိၤဒီး မ့ၢ်တအိၣ်လၢဟီၣ်ခိၣ်လိၤဘၣ်ဒီး ယကသ့ၣ်ညါလၢနကသူယၤလၢ တၢ်အုၣ်က့ၤခီၣ်က့ၤအံၣ်စရ့လးအဂီၢ်န့ၣ်လီၤ.”

လံာ်ပှၤစံၣ်ညီၣ်ကွီၢ် 6:37 Iomraidhean Croise

လံာ်တၢ်ကဲထီၣ်အခီၣ်ထံး 24:14

ယကစံးဘၣ်အဝဲသ့ၣ်အကျါတဂၤ, ‘ဝံသးစူၤပာ်လီၤနသပၢၤထံဒီး ပျဲယအီထံတက့ၢ်.’ အဝဲမ့ၢ်စံးဝဲလၢ ‘အီတက့ၢ်, ဒီးယကဟဲစိာ်စ့ၢ်ကီးထံလၢနကီၤလၤအူးအဂီၢ်’ န့ၣ်, မ်အဝဲဒၣ်ကမ့ၢ်ပှၤတဂၤလၢနဃုထၢတ့ၢ်အီၤလၢနခ့နပှၤစီၤအံၤ စဲးအဂီၢ်န့ၣ်တက့ၢ်. တၢ်အံၤမ့ၢ်မၤအသးဒီးယကသ့ၣ်ညါလၢနဟံးဃာ်နတၢ်အၢၣ်လီၤဒီး ယကစၢ်စီၤအၤဘြၤဟၣ်န့ၣ်လီၤ.”

စံးထီၣ်ပတြၢၤ 72:6

မ်စီၤပၤကလီၤဂာ်ဒ်တၢ်စူၤလၢအဟဲလီၤလၢ စံာ်ပျီလၢတၢ်ကူးအီၤဝံၤ ဒ်တၢ်သဖှံၣ်လီၤလၢအမၤဘၣ်စီၣ် ဟီၣ်ခိၣ်အသိးန့ၣ်တက့ၢ်.

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.

လံာ်မးသဲ 15:24

ယ့ၣ်ၡူးစံးဆၢတၢ်ဒီးစံး, “ယဘၣ်တၢ်ဆှၢလီၤဒၣ်ယၤဆူသိဖိလၢအလီၤမၢ်လၢအမ့ၢ် ပှၤအံၣ်စရ့လးဖိအဒူၣ်အထၢတဖၣ်အအိၣ်လီၤ.”

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 6:17

စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

လံာ်ပှၤစံၣ်ညီၣ်ကွီၢ် 6:36

တုၤနုၤတစု, စီၤကံးဒဧိၣ်စံးဘၣ်ကစၢ်ယွၤ, “နစံးလၢနပာ်လီၤတ့ၢ်နသးလၢနကသူယၤလၢတၢ်နအုၣ်က့ၤခီၣ်က့ၤအံၣ်စရ့လးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:38

ဒီးတၢ်မၤအသးဒ်န့ၣ်လီၤတံၢ်လီၤဆဲးလီၤ. ဖဲစီၤကံးဒဧိၣ်ဂဲၤဆၢထၢၣ်ဂီၤဂီၤလၢခံတနံၤန့ၣ် အဝဲဝံာ်သိဆူၣ်ဒီးမၤန့ၢ်ဝဲပစီၤထံပှဲၤလၢလီခီတဖျၢၣ်န့ၣ်လီၤ.