လံာ်ပှၤစံၣ်ညီၣ်ကွီၢ် 6:33 - Sgaw Karen Common Bible

³³ ဒီးကယဲၢ်ပှၤမံးဒယၣ်ဖိခဲလၢာ်, ပှၤဧမၤလ့းဖိဒီးပှၤအဒူၣ်တဖၣ်လၢမဲးမုၢ်ခိၣ်ပာ်ဖှိၣ်ထီၣ်အသး, ဒီးခီဂာ်ထံကျိယၢ်ဒ့ၣ်ဒီးသူၣ်လီၤအဒဲဖဲ ယံးစရ့လးအတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:33 Iomraidhean Croise

လံာ်တၢ်ကဲထီၣ်အခီၣ်ထံး 29:1

ဒီးစီၤယၤကိာ်လဲၤဆူညါကွ့ၢ်ကွ့ၢ်ဒီးလဲၤဝဲလိၤလိၤဆူကီၢ် လၢမုၢ်ထီၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 18:45

လၢတစိၢ်ဖိအတီၢ်ပူၤန့ၣ်မူကပိာ်လိၤဘၣ်တၢ်ကးဘၢအီၤလၢတၢ် အၢၣ်ခံးသူတဖၣ်, ကလံၤအူထီၣ်တၢ်ဒီးတၢ်စးထီၣ်ဟဲစူၤလီၤဒိၣ်ဒိၣ်ကလဲာ်လီၤ. စီၤအၤဃာ်ဒိးထီၣ်အလ့ၣ်ကဟၣ်ဒီးစးထီၣ်က့ၤကဒါက့ၤဆူဝ့ၢ်ယံး စရ့လးန့ၣ်လီၤ.

လံာ်စီၤပၤအခီၣ်ထံးတဘ့ၣ် 21:1

လၢစီၤပၤအၤဃာ်အနီလၢဝ့ၢ်ယံးစရ့လးအကပၤန့ၣ်စီၤနၤဘိး အစပံးလီၢ်အိၣ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:30

စီၤၡလိၤမိၤကူၣ်သ့န့ၢ်ဒံးပှၤကူၣ်ဘၣ်ကူၣ်သ့တဖၣ်လၢကီၢ်မုၢ် ထီၣ်အပူၤမ့ၢ်ဂ့ၤ, ပှၤကူၣ်ဘၣ်ကူၣ်သ့တဖၣ်လၢကီၢ်အဲၤကူပတူးအပူၤမ့ၢ်ဂ့ၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:19

အဝဲသ့ၣ်လဲၤထီၣ်ဒုးတၢ်ထီဒါပှၤဟၤကၢ်ဖိအဒူၣ်လၢအမ့ၢ်ပှၤယ တူၢ်, ပှၤနၤဖံၣ်, ဒီးပှၤနိဒာ်ဖိတဖၣ်န့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

စံးထီၣ်ပတြၢၤ 3:1

ယွၤဧၢ, ယအိၣ်ဒီးယဒုၣ်ယဒါအါမး, ဒီးပှၤဂဲၤဆၢထၢၣ်ထီဒါယၤအိၣ်အါဂၤလီၤ.

လံာ်ယဃ့းစက့လး 25:4

မ့ၢ်လၢသုသူၣ်ဖှံသးညီအဃိ, ယကပျဲပှၤအဒူၣ်တဖၣ်လၢမုၢ်ထီၣ် ပှၢ်မုၢ်ကနၢတခီမၤနၢၤသုန့ၣ်လီၤ. အဝဲသ့ၣ်ကသူၣ်ထီၣ်အဒဲတဖၣ်လၢကီၢ်အပူၤဒီးသူၣ်လီၤအတၢ်အိၣ်တၢ် ဆိးအလီၢ်ဖဲန့ၣ်လီၤ. အဝဲသ့ၣ်ကအီၣ်တၤသူတၤသၣ်ဒီးကအီတၢ်နုၢ်ထံလၢအကြၢးမ့ၢ်သု တၢ်န့ၣ်လီၤ.

လံာ်ဟိၤၡ့ 1:5

ဒီးလၢယံးစရ့လးအတြီၤပူၤန့ၣ်, ဖဲအဆၢကတီၢ်အဝဲန့ၣ်ယကမၤ ဟးဂီၤကွံာ် ကီၢ်အံၣ်စရ့လးအသုးမုၢ်အဂံၢ်အဘါအစိကမီၤန့ၣ်လီၤ.”

လံာ်စီၤယိၤၡူ 17:16

အဝဲသ့ၣ်စံးဆၢဝဲ, “ကစၢၢ်ကလိအကီၢ်အံၤတလၢလၢပဂီၢ်ဘၣ်. ဘၣ်ဆၣ်ဒီးပှၤကနၤဧၣ်ဖိလၢပျီတဖၣ်န့ၣ်အိၣ်ဒီးလ့ၣ်ကဟၣ်ထးဒီးဒ်န့ၣ်အသိး, ပှၤလၢအအိၣ်လၢဝ့ၢ်ဘ့ၤသၡၣ်ဒီးဝ့ၢ်ဖိဝးတရံးအီၤတဖၣ်ဒီးပှၤ လၢအအိၣ်လၢဝ့ၢ်ယံးစရ့လးအကစၢၢ်ကဆူးတဖၣ်န့ၣ်အိၣ်စ့ၢ်ကီးဒီး လ့ၣ်ကဟၣ်ထးလီၤ.”

လံာ်စီၤယိၤၡူ 19:18

ဒီးအကီၢ်န့ၣ်ပၣ်ဃုာ်ဒီးယံးစရ့လး, ယံးစူးလိး, ၡူန့ၣ်,

လံာ်စီၤယိၤၡူ 3:16

ထံန့ၣ်အိၣ်ပတုာ်ဝဲဒီးအိၣ်ဖှိၣ်စိထီၣ်အသးလၢတၢ်လီၢ်အယံၤဖဲ ဝ့ၢ်အၤဒၣ်လၢအအိၣ်ဘူးဒီးစၤရတၣ်န့ၣ်လီၤ. ထံလၢအယွၤလီၤဝဲဆူပီၣ်လဲၣ်သံန့ၣ်တယွၤလီၤလၢၤဘၣ်အဃိပှၤ ဂီၢ်မုၢ်တဖၣ်ခီဂာ်တၢ်ဆူဝ့ၢ်ယရံၤဃိသ့ဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 6:3

တဘျီလၢ်လၢ်ဖဲပှၤအံၣ်စရ့လးဖိတဖၣ်သူၣ်လီၤဖျးလီၤတၢ်ချံတမံၤမံၤန့ၣ်, ပှၤမံးဒယၣ်ဖိတဖၣ်ဟဲဃုာ်ဒီးပှၤဧမၤလ့းဖိဒီးပှၤအဒူၣ်တဖၣ် လၢအအိၣ်လၢမဲးမုၢ်ခိၣ်, ဒီးဒုးအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 7:1

ဘၣ်တနံၤ, စီၤကံးဒဧိၣ်ဒီးအပှၤတဖၣ်ဆၢထၢၣ်ဂီၤဂီၤဒီး သူၣ်ထီၣ်အဒဲဖဲထံထီၣ်ပၢၢ်ဃရိးအကပၤန့ၣ်လီၤ. ပှၤမံးဒယၣ်ဖိအဒဲတခီ အိၣ်လၢအကလံၤစိးတကပၤ ဖဲတၢ်လူၢ်မိၤရံအခီၣ်ထံးတၢ်ပျီပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:24

ဒီးစီၤကံးဒဧိၣ်ဆှၢလီၤပှၤစိာ်တၢ်ကစီၣ်တဖၣ်သကုၤအ့ဖရဲၣ်အတၢ် လူၢ်ဒီခိၣ်လၢအကစံး, “ဟဲလီၤဒီးဒုးပှၤမံးဒယၣ်ဖိတဖၣ်တက့ၢ်. ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ်တုၤဃီၤဆူဝ့ၢ်ဘ့ၤသဘါရၤ လၢတၢ်တြီဃာ်ပှၤမံးဒယၣ်ဖိဒ်သိးအသုတဟဲခီဂာ်အီၤ တဂ့ၤန့ၣ်တက့ၢ်.” အ့ဖရဲၣ်အပှၤပိာ်ခွါတဖၣ်ဘၣ်တၢ်ကိးဖှိၣ်အီၤ တပူၤဃီဒီးအဝဲသ့ၣ်ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ် ပၢၢ်လၢဝ့ၢ်ဘ့ၤသဘါရၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:8

မၤသးဒ်န့ၣ်ဒီးစီၤကံးဒဧိၣ်ဆှၢက့ၤပှၤအံၣ်စရ့လးဖိအဂၤတဖၣ် ဆူဟံၣ်န့ၣ်လီၤ. ပာ်တ့ၢ်ဝဲထဲပှၤသၢကယၤဂၤဧိၤလၢအဟံးဃာ်ကယဲၢ်တၢ်အီၣ်တၢ်အီဒီးကွဲၤတဖၣ် လၢအစုပူၤန့ၣ်လီၤ. ပှၤမံးဒယၣ်ဖိအဒဲတဖၣ်အိၣ်လၢအဝဲသ့ၣ်အဖီလာ်လၢတၢ်ပျီပူၤန့ၣ်လီၤ.