လံာ်ပှၤစံၣ်ညီၣ်ကွီၢ် 6:31 - Sgaw Karen Common Bible

³¹ ဘၣ်ဆၣ်ဒီးစီၤယိၤအၣ်စံးဘၣ်ပှၤလၢအဟဲထီဒါအီၤတဖၣ်န့ၣ်, “မ့ၢ်သုဆၢထၢၣ်လၢဘဧၤလးအဂီၢ်ဧါ. မ့ၢ်သုဒီဒၣ်အီၤဧါ. ပှၤတဂၤဂ့ၤတဂၤဂ့ၤလၢအဆၢထၢၣ်လၢဘဧၤလးအဂီၢ်န့ၣ် ကဘၣ်တၢ်မၤသံအီၤတချုးမုၢ်ဆ့ၣ်ထီၣ်န့ၣ်လီၤ. ဘဧၤလးမ့မ့ၢ်ကစၢ်ဒီး, မ်အဒီဒၣ်လီၤအသးတက့ၢ်. တၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အဝဲအတၢ်လီၤ.”

လံာ်ပှၤစံၣ်ညီၣ်ကွီၢ် 6:31 Iomraidhean Croise

လံာ်စီၤပၤအခီၣ်ထံးတဘ့ၣ် 18:27

တုၤလီၤလၢမုၢ်ထူၣ်အကတီၢ်န့ၣ်, စီၤအ့ၤလံယၤစးထီၣ်မၤလီၤ နံၤဘၣ်ဖၣ်လဲအဝဲသ့ၣ်ဒီးစံးဝဲ, “ဘါထုကဖၣ်ဒိၣ်ထီၣ်တက့ၢ်. အဝဲမ့ၢ်ကစၢ်တဂၤလီၤ. ဘၣ်သ့ၣ်သ့ၣ်ကမ့ၢ်အဝဲအိၣ်လၢတၢ်ဆိကမိၣ်ယိာ်ပူၤမ့ၢ်ဂ့ၤ, အတၢ်ဖံးတၢ်မၤအါမ့ၢ်ဂ့ၤလီၤ. မ့တမ့ၢ်ဘၣ်ဒီးဘၣ်သ့ၣ်သ့ၣ်အဝဲ ကအိၣ်ဒီးတၢ်လဲၤတၢ်က့ၤတပူၤပူၤလီၤ. မ့တမ့ၢ်ဘၣ်န့ၣ်ကမ့ၢ်အဝဲမံဘၣ်အသးဒီးသုကဘၣ်ထိၣ်ဂဲၤထီၣ်အီၤ လီၤ.”

လံာ်စီၤပၤအခီၣ်ထံးတဘ့ၣ် 18:29

အဝဲသ့ၣ်ကိးကလူဒိၣ်ထီၣ်ဒံးဒ်ပှၤအပျုၢ်တဖၣ်အသိးတုၤလီၤလၢ မုၢ်ဃ့ၢ်လီၤပှၤလုၢ်တၢ်ပာ်တၢ်အကတီၢ်, ဘၣ်ဆၣ်တၢ်စံးဆၢတဟဲနီတမံၤဘၣ်, တၢ်တနၢ်ဟူဘၣ်တၢ်အသီၣ်နီတမံၤစ့ၢ်ကီးဘၣ်.

လံာ်စီၤပၤအခီၣ်ထံးတဘ့ၣ် 18:40

စီၤအ့ၤလံယၤမၤလိာ်ပှၤဂီၢ်မုၢ်စံးဝဲ, “ဖီၣ်ဃာ်ဘဧၤလးအ ဝံတဖၣ်တက့ၢ်. ပျဲပူၤဖျဲးအဝဲသ့ၣ်နီတဂၤတဂ့ၤ.” ပှၤဂီၢ်မုၢ်ဖီၣ်ဃာ်အဝဲသ့ၣ်ခဲလၢာ်ဒီးစီၤအ့ၤလံယၤဆှၢဃီၤ အဝဲသ့ၣ်ဆူထံကျိဖိကံၡိၣ်ဒီးမၤသံကွံာ်အဝဲသ့ၣ်န့ၣ်လီၤ.

လံာ်တၢ်ဟးထီၣ်ကွံာ် 23:2

ဖဲပှၤအါဂၤမၤတၢ်ကမၣ်မ့ၢ်ဂ့ၤ, ဖဲအဝဲသ့ၣ်ဟ့ၣ်တၢ်အုၣ်အသးလၢ ကဘိးကဒါတၢ်စံၣ်ညီၣ်တီမ့ၢ်ဂ့ၤန့ၣ်, ပိာ်ထွဲအခံတဂ့ၤ.

လံာ်ယၡါယၤ 41:23

စံးဘၣ်တဲဘၣ်ပှၤတၢ်လၢကဟဲထီၣ်ဆူခံဆူညါတဖၣ်န့ၣ်တက့ၢ်. အန့ၣ်ဒီးပကသ့ၣ်ညါလၢသုမ့ၢ်ကစၢ်တဖၣ်လီၤ. မၤတၢ်အဂ့ၤတမံၤမံၤ, မ့တမ့ၢ်, ဟဲစိာ်တၢ်တတၢးတနါ တနီၤတက့ၢ်. မၤပှဲၤပှၤဒီးတၢ်ပျံၤတၢ်ဖုးဒီးတၢ်ကမၢကမၣ်တက့ၢ်.

လံာ်ယၡါယၤ 46:1

တၢ်အံၤမ့ၢ်တၢ်အကတၢၢ်လၢကီၢ်ဘၤဘူၤလိၣ်အကစၢ်တဖၣ်အဂီၢ်လီၤ. ဘ့လးဒီးနဘိတဖၣ်, တဘျီဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဘၣ်ဆၣ်ဒီးခဲအံၤန့ၣ်ဘၣ်တၢ်ပဒၢးထီၣ်အီၤလၢကသ့ၣ်ယီၤတဖၣ် အလိၤ ဒီးမ့ၢ်တၢ်ဝံဃၢလၢဆၣ်ဖိကီၢ်ဖိလၢအလီၤဘှံးလီၤတီၤတဖၣ် အဂီၢ်န့ၣ်လီၤ.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 10:5

တၢ်ဂီၤတၢ်ဖီၣ်ဒ်န့ၣ်အသိးတဖၣ်လီၤဂာ်ဒီးတၢ်ဂီၤတဖၣ်လၢအမၤပျံၤ ထိၣ်ဧိၤလံၣ်ဧိၤလၢတၢ်ပာ်လီၤအီၤလၢဒံမုၣ်သၣ်အပျီပူၤန့ၣ်လီၤ. အဝဲသ့ၣ်ကတိၤတၢ်တသ့ဘၣ်. အဝဲသ့ၣ်ဘၣ်တၢ်စိာ်ဆှၢအီၤ မ့ၢ်လၢဟးတသ့ဘၣ်အဃိလီၤ. ပျံၤအဝဲသ့ၣ်တဂ့ၤ, အဝဲသ့ၣ်မၤဘၣ်ဒိဘၣ်ထံးသုတသ့နီတမံၤဘၣ်. ဒီးအဝဲသ့ၣ်မၤဂ့ၤသုတသ့စ့ၢ်ကီးနီတမံၤဘၣ်.”

လံာ်တၢ်ဂံၢ် 14:6

ဒီးစီၤနိၣ်အဖိခွါစီၤယိၤၡူဒီးစီၤယဖူန့ၤအဖိခွါစီၤ ကၤလ့း, လၢပှၤလဲၤကွၢ်ဟုၣ်ကွၢ်စုးတၢ်တဖၣ်အကျါခံဂၤန့ၣ်ဖှီယာ် အတၢ်ကူတၢ်သိးတဖၣ်လၢတၢ်သးအုးအပူၤ,

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

လံာ်ပှၤစံၣ်ညီၣ်ကွီၢ် 6:30

တုၤနုၤတစု, အဝဲသ့ၣ်စံးဘၣ်စီၤယိၤအၣ်, “ဟဲစိာ်နဖိခွါဖဲအံၤဒ်သိးပကမၤသံအီၤတက့ၢ်. အဝဲမၤလီၤပှီၢ်ဘဧၤလးအတၢ်လုၢ်လီၢ်ဒီးအၡ့ရၤအတၢ်ပနီၣ်အိၣ်လၢအဃၢၤန့ၣ်လံ.”

လံာ်ပှၤစံၣ်ညီၣ်ကွီၢ် 6:32

စးထီၣ်ဖဲန့ၣ်စီၤကံးဒဧိၣ်ဘၣ်တၢ်သ့ၣ်ညါအီၤဒ်စီၤယရူၤဘဧၤလးလီၤ. အဂ့ၢ်ဒ်အံၤစီၤယိၤအၣ်စံး, “မ်ဘဧၤလးဒီဒၣ်လီၤအသးတက့ၢ်. တၢ်လုၢ်လီၢ်လၢဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အတၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.