လံာ်ပှၤစံၣ်ညီၣ်ကွီၢ် 6:30 - Sgaw Karen Common Bible

³⁰ တုၤနုၤတစု, အဝဲသ့ၣ်စံးဘၣ်စီၤယိၤအၣ်, “ဟဲစိာ်နဖိခွါဖဲအံၤဒ်သိးပကမၤသံအီၤတက့ၢ်. အဝဲမၤလီၤပှီၢ်ဘဧၤလးအတၢ်လုၢ်လီၢ်ဒီးအၡ့ရၤအတၢ်ပနီၣ်အိၣ်လၢအဃၢၤန့ၣ်လံ.”

လံာ်ပှၤစံၣ်ညီၣ်ကွီၢ် 6:30 Iomraidhean Croise

လံာ်ယံးရမံယၤ 26:11

အန့ၣ်ဝံၤဒီး ပှၤလုၢ်တၢ်အခိၣ်တဖၣ်ဒီး ဝံတဖၣ်စံးဘၣ်ပှၤ ခိၣ်ပှၤနၢ်တဖၣ်ဒီး ပှၤဂီၢ်မုၢ်န့ၣ်, “ပှၤတဂၤအံၤကြၢးဘၣ်တၢ် စံၣ်ညီၣ်သံအီၤမ့ၢ်လၢ အဝဲကတိၤတၢ်ထီဒါ ပဝ့ၢ်အဃိန့ၣ်လီၤ. သုနၢ်ဟူအီၤလၢ သုနၢ်ဒၣ် သုဝဲန့ၣ်လီၤ.”

လံာ်ယံးရမံယၤ 50:38

မ်တၢ်ယီၤဃ့ကလီၤဘၣ်လၢ အထံကီၢ်အလိၤ, ဒီးမၤလီၤသံးကွံာ်အထံကျိတဖၣ်တက့ၢ်. ကီၢ်ဘၤဘူၤလိၣ်မ့ၢ် ကီၢ်တဘ့ၣ်လၢအပှဲၤဒီးတၢ်ဂီၤတၢ် ဖီၣ်လီၤပျံၤလီၤဖုး, လၢအဒုးပျုၢ်ထီၣ်ပှၤဂီၢ်မုၢ်န့ၣ်လီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

ဖံလံးပံၤ 3:6

ဒီးယသူၣ်ဆူၣ်သးဂဲၤယဲဒိၣ်မးတုၤဒၣ်လဲာ်ယမၤအၢမၤနး တၢ်အိၣ်ဖှိၣ်န့ၣ်လီၤ. ဖဲလၢအဘၣ်ဃးဒီးပှၤကညီတဂၤတီဝဲလိၤဝဲလၢအတၢ်စူၢ်တၢ်သိၣ် တၢ်သီအတၢ်မၤလိာ်တဖၣ်န့ၣ်, တၢ်ပာ်တၢ်ကမၣ်လၢယလိၤအလီၢ် တအိၣ်ဘၣ်.

လံာ်ပှၤစံၣ်ညီၣ်ကွီၢ် 6:29

အဝဲသ့ၣ်သံကွၢ်လိာ်အသးတဂၤဒီးတဂၤ, “မတၤမၤတၢ်အံၤလဲၣ်.” အဝဲဃုသ့ၣ်ညါဝဲဒီးထံၣ်န့ၢ်ဝဲလၢစီၤယိၤအၣ်အဖိခွါစီၤကံးဒဧိၣ် မၤတၢ်အံၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:31

ဘၣ်ဆၣ်ဒီးစီၤယိၤအၣ်စံးဘၣ်ပှၤလၢအဟဲထီဒါအီၤတဖၣ်န့ၣ်, “မ့ၢ်သုဆၢထၢၣ်လၢဘဧၤလးအဂီၢ်ဧါ. မ့ၢ်သုဒီဒၣ်အီၤဧါ. ပှၤတဂၤဂ့ၤတဂၤဂ့ၤလၢအဆၢထၢၣ်လၢဘဧၤလးအဂီၢ်န့ၣ် ကဘၣ်တၢ်မၤသံအီၤတချုးမုၢ်ဆ့ၣ်ထီၣ်န့ၣ်လီၤ. ဘဧၤလးမ့မ့ၢ်ကစၢ်ဒီး, မ်အဒီဒၣ်လီၤအသးတက့ၢ်. တၢ်လုၢ်လီၢ်လၢအဘၣ်တၢ်မၤလီၤပှီၢ်ကွံာ်အီၤန့ၣ်မ့ၢ်အဝဲအတၢ်လီၤ.”