လံာ်ပှၤစံၣ်ညီၣ်ကွီၢ် 6:28 - Sgaw Karen Common Bible

²⁸ တုၤပှၤဝ့ၢ်ဖိဂဲၤထၢၣ်ဂီၤဂီၤလၢမုၢ်ဆ့ၣ်ထီၣ်တနံၤန့ၣ်, ထံၣ်ဘၣ်ဝဲလၢဘဧၤလးအတၢ်လုၢ်လီၢ်ဒီးအၡ့ရၤအတၢ်ပနီၣ် ဘၣ်တၢ်ကျီတဲာ်ကွံာ်အီၤ, ဒီးကျီၢ်ဖါခံဒုတဒုန့ၣ်ဘၣ်တၢ်ဆိၣ်ကဲၤထီၣ်အီၤလၢ တၢ်လုၢ်လီၢ်လၢတၢ်ဘှီထီၣ်အီၤအဖီခိၣ်ဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 6:28 Iomraidhean Croise

လံာ်စီၤပၤခံဘ့ၣ်တဘ့ၣ် 18:4

အဝဲမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်ယွၤ အလီၢ်တဖၣ်, မၤကၢ်လီၤကွံာ်လၢၢ်ထူၣ်တဖၣ်ဒီးကူာ်လီၤကွံာ်ကစၢ်မုၣ်အၡ့ရၤ အဂီၤန့ၣ်လီၤ. အဝဲမၤကၢ်လီၤကလဲကွံာ်စ့ၢ်ကီးဂုၢ်တိၢ်ဘီလၢစီၤမိၤၡ့မၤ န့ၢ်ဝဲလၢအဘၣ်တၢ်ကိးအီၤလၢနဃူၡတၣ်န့ၣ်လီၤ. လၢတၢ်မၤလၤကပီၤဂုၢ်တိၢ်ဘီန့ၣ်အဂီၢ်ကီၢ်အံၣ်စရ့လးအပှၤဂီၢ် မုၢ်ဆိၣ်ကဲၤထီၣ်တၢ်နၢမူတုၤလီၤလၢဆၢကတီၢ်အဝဲန့ၣ်လီၤ.

လံာ်ပှၤစံၣ်ညီၣ်ကွီၢ် 6:27

မၤသးဒ်န့ၣ်ဒီး, စီၤကံးဒဧိၣ်ကိးထီၣ်အခ့အပှၤ အဂၤတဆံဒီးမၤဝဲဒ်ယွၤစံးဘၣ်အီၤအသိးန့ၣ်လီၤ. မ့ၢ်လၢအဝဲပျံၤဘၣ်အဒူၣ်ဖိ ထၢဖိဒီးပှၤဝ့ၢ်ဖိတဖၣ်အဃိမၤဝဲလၢမုၢ်ဆါခီတဘူၣ်ဘၣ်, သတးဒီးမၤတၢ်န့ၣ်လၢ မုၢ်နၤအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:29

အဝဲသ့ၣ်သံကွၢ်လိာ်အသးတဂၤဒီးတဂၤ, “မတၤမၤတၢ်အံၤလဲၣ်.” အဝဲဃုသ့ၣ်ညါဝဲဒီးထံၣ်န့ၢ်ဝဲလၢစီၤယိၤအၣ်အဖိခွါစီၤကံးဒဧိၣ် မၤတၢ်အံၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:9

စီၤၡမူၤအ့လးမၤသံသိဖိတဒုဒီးဆူးကဲၤထီၣ်အီၤဒီဒု ဒ်တၢ်လုၢ်တၢ်ပာ်တမံၤဆူယွၤအအိၣ်လီၤ. အန့ၣ်ဝံၤဒီးအဝဲဘါထုကဖၣ်တၢ်ဆူယွၤအအိၣ်ဒ်သိးအကမၤစၢၤကီၢ်အံၣ်စရ့လး, ဒီးယွၤစံးဆၢအဝဲအတၢ်ထုကဖၣ်လီၤ.