လံာ်ပှၤစံၣ်ညီၣ်ကွီၢ် 6:26 - Sgaw Karen Common Bible

²⁶ ဘှီထီၣ်တၢ်လုၢ်လီၢ်ဂ့ၤဂ့ၤတခါလၢ ယွၤနကစၢ်ယွၤအဂီၢ်လၢတၢ်လီၤပှီၢ်အံၤအဖီခိၣ်တက့ၢ်. အန့ၣ်ဝံၤဒီးဟံးန့ၢ်ကျီၢ်ဖါခံဒုတဒုန့ၣ်ဒီးဆိၣ်ကဲၤထီၣ်အီၤဒီဒု ဒ်တၢ်လုၢ်မၤဘူၣ်တမံၤအသိး, သူကစၢ်မုၣ်အၡ့ရၤအပနီၣ်လၢနကျီတဲာ်ကွံာ်အီၤန့ၣ်ဒ်သ့ၣ်မုၣ်အသိးတက့ၢ်.”

လံာ်ပှၤစံၣ်ညီၣ်ကွီၢ် 6:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:18

မုၢ်တနံၤဃီန့ၣ်, စီၤကးလဲၤဝဲဆူစီၤဒၤဝံးအအိၣ်ဒီးစံးဘၣ်အီၤ, “လဲၤထီၣ်ဆူစီၤအၤရနၤအကြဲၢ်, ဒီးမၤထီၣ်တၢ်လုၢ်လီၢ်တခါ လၢယွၤအဂီၢ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 24:22

စီၤအၤရနၤစံးဝဲဒၣ်, “ဟံးန့ၢ်အီၤတက့ၢ်, တၢ်ဒိၣ်ကစၢ်စီၤပၤဧၢ. ဒီးဒ်နအဲၣ်ဒိးအသိးန့ၣ်, လုၢ်ထီၣ်တၢ်ဆူယွၤအအိၣ်တက့ၢ်. အအံၤဂီၤဖံးဖါတဖၣ်အိၣ်ဝဲလၢတၢ်ကဆူးကဲၤထီၣ်အီၤ ဒ်တၢ်လုၢ်တမံၤအသိးလၢတၢ်လုၢ်လီၢ်ဖီခိၣ်န့ၣ်လီၤ. အအံၤမ့ၢ်အနီၣ်ယိးဘိတဖၣ်ဒီးအနီၣ်တီၢ်ဘုတဖၣ် လၢတၢ်ကသူအီၤဒ်သ့ၣ်မုၢ်အသိးအဂီၢ်န့ၣ်လီၤ.”

လံာ်တၢ်ဟးထီၣ်ကွံာ် 34:13

အခိၣ်တလိာ်, မၤလီၤပှီၢ်ကွံာ်အဝဲသ့ၣ်အတၢ်လုၢ်လီၢ်တဖၣ်, မၤဟးဂီၤကွံာ်အလၢၢ်ထူၣ်စီဆှံတဖၣ်, ဒီးဒီၣ်တဲာ်ကွံာ်အဝဲသ့ၣ်အကစၢ်မုၣ်အၡ့ရၤအတၢ်ပနီၣ်တဖၣ်တက့ၢ်.

1 ကရံၣ်သူး 14:33

အဂ့ၢ်ဒ်အံၤ, ကစၢ်ယွၤတဘၣ်အသးလၢပကအိၣ်ဒီးတၢ်တၢထီၣ် တၢလီၤဘၣ်. မ့ၢ်အဘၣ်အသးလၢပကအိၣ်လၢတၢ်ဃူတၢ်ဖိးဒီးတၢ်မုာ်တၢ်ခုၣ် အပူၤလီၤ. ဒ်လၢယွၤအပှၤဂီၢ်မုၢ်အတၢ်အိၣ်ဖှိၣ်ခဲလၢာ်အပူၤအသိးန့ၣ်,

1 ကရံၣ်သူး 14:40

တၢ်ကိးမံၤဒဲးကြၢးဘၣ်တၢ်မၤအီၤလၢအလီၢ်အကျဲဒီးလၢအဂ့ၢ် အဝီန့ၣ်လီၤ.

လံာ်ပှၤစံၣ်ညီၣ်ကွီၢ် 6:25

ဒီးမုၢ်နၤအဝဲန့ၣ်ယွၤစံးဘၣ်စီၤကံးဒဧိၣ်, “ဟံးန့ၢ်နပၢ်အကျီၢ်ဖါတံၢ်ဒီးကျီၢ်ဖါတံၢ်အဂၤတဒုလၢအသးအိၣ်နွံနံၣ်, မၤလီၤပှီၢ်ကွံာ်နပၢ်အတၢ်လုၢ်လီၢ်လၢအမၤဝဲလၢဘဧၤလးအဂီၢ်ဒီး ကျီတဲာ်ကွံာ်တၢ်ပနီၣ်ဘၣ်ဃးဒီးကစၢ်မုၢ်အၡ့ရၤလၢအအိၣ်လၢ အကပၤန့ၣ်တက့ၢ်.

လံာ်ပှၤစံၣ်ညီၣ်ကွီၢ် 6:27

မၤသးဒ်န့ၣ်ဒီး, စီၤကံးဒဧိၣ်ကိးထီၣ်အခ့အပှၤ အဂၤတဆံဒီးမၤဝဲဒ်ယွၤစံးဘၣ်အီၤအသိးန့ၣ်လီၤ. မ့ၢ်လၢအဝဲပျံၤဘၣ်အဒူၣ်ဖိ ထၢဖိဒီးပှၤဝ့ၢ်ဖိတဖၣ်အဃိမၤဝဲလၢမုၢ်ဆါခီတဘူၣ်ဘၣ်, သတးဒီးမၤတၢ်န့ၣ်လၢ မုၢ်နၤအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:14

လ့ၣ်ကဟၣ်န့ၣ်ဟဲတုၤဆူပျီတပျီလၢအဘၣ်ဃးဒီးပှၤတဂၤလၢအမံၤ မ့ၢ်စီၤယိၤၡူလၢအအိၣ်လၢဝ့ၢ်ဘ့ၤသၡ့မ့ၣ်န့ၣ်, ဒီးလ့ၣ်န့ၣ်အိၣ်ကတီၢ်ဝဲဖဲလ့ဖးဒိၣ်တဖျၢၣ်အဃၢၤန့ၣ်လီၤ. ပှၤဂီၢ်မုၢ်ကျီလီၤကလဲကွံာ်လ့ၣ်လၢတၢ်ဘှီအီၤဒီးသ့ၣ်ဒီးမၤသံ ဂီၤဖံးမိၢ်တဖၣ်ဒီးဆူးကဲၤထီၣ်အီၤဒ်တၢ်လုၢ်မ့ၣ်အူတမံၤ ဆူယွၤအအိၣ်န့ၣ်လီၤ.