လံာ်ပှၤစံၣ်ညီၣ်ကွီၢ် 6:23 - Sgaw Karen Common Bible

²³ ဘၣ်ဆၣ်ဒီးယွၤစံးဘၣ်အီၤ, “မ်တၢ်ဃူတၢ်ဖိးအိၣ်ဒီးနၤတက့ၢ်. ပျံၤတၢ်တဂ့ၤ. နတသံဘၣ်.”

လံာ်ပှၤစံၣ်ညီၣ်ကွီၢ် 6:23 Iomraidhean Croise

လံာ်တၢ်ကဲထီၣ်အခီၣ်ထံး 32:30

စီၤယၤကိာ်စံးဝဲ, “ယထံၣ်ဘၣ်လံကစၢ်ယွၤမဲာ်သကိးမဲာ်, ဒီးယမူဒံးယဲလီၤ.” အန့ၣ်ဒီးကိးန့ၢ်တၢ်လီၢ်န့ၣ်အမံၤလၢ ပနံၤအ့လးလီၤ.

လံာ်တၢ်ကဲထီၣ်အခီၣ်ထံး 32:31

မုၢ်ဟဲထီၣ်တ့ၢ်လံဖဲစီၤယၤကိာ်ဟးထီၣ်လၢပနံၤအ့လးလီၤ. ဒီးအဝဲဟးတကျဲၢ်တကျဲၢ်လၢအကံၣ်ဒုၣ်အဆၢလီၤတလံာ်အဃိလီၤ.

လံာ်တၢ်ကဲထီၣ်အခီၣ်ထံး 43:23

တၢ်ခ့တၢ်ပှၤစံးဘၣ်အီၤ, “ဘၣ်ယိၣ်တၢ်တဂ့ၤ, ပျံၤတၢ်တဂ့ၤ. သုကစၢ်ယွၤ, သုပၢ်အကစၢ်ယွၤကတ့ၢ်နုာ်က့ၤစ့လၢသုထၢၣ်တဖၣ် အပူၤလၢသုဂီၢ်န့ၣ်လီၤ. ယဒိးန့ၢ်ဘၣ်သုတၢ်ဟ့ၣ်ကဒါက့ၤလံ.” ဒီးဟဲက့ၤကိးစီၤစူၤမ့းအိၣ်ဆူအဝဲသ့ၣ်အအိၣ်လီၤ.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

လံာ်ဒၤနံးယ့လး 10:19

ဒီးစံးဘၣ်ယၤ, “ကစၢ်ယွၤအဲၣ်နၤလီၤ. မၤသးဒ်န့ၣ်ဒီး ပျဲတၢ်မၤကိၢ်မၤဂီၤနၤမ့ၢ်ဂ့ၤတၢ်မၤပျံၤမၤဖုးနၤမ့ၢ်ဂ့ၤအိၣ်နီ တမံၤတဂ့ၤ.” ဖဲအစံးတၢ်အံၤဝံၤဒီး, မၤသးဒ်ယဂံၢ်ယဘါဆူၣ်ထီၣ်န့ၢ်အလီၢ်ဒီးယစံးဘၣ်အီၤ, “တၢ်ဒိၣ်ဧၢ, တဲဘၣ်ယၤတၢ်လၢနကဘၣ်တဲယၤန့ၣ်တက့ၢ်. နမၤဆူၣ်ထီၣ်က့ၤယၤလီၤ.”

လံာ်ယိၤဟၣ် 14:27

တၢ်လၢယပာ်လီၤတဲာ်န့ၢ်သုမ့ၢ်တၢ်ဃူတၢ်ဖိးလီၤ. မ့ၢ်ယတၢ်ဃူတၢ်ဖိးဒၣ်ယဲလၢယဟ့ၣ်လီၤသုလီၤ. ယတဟ့ၣ်လီၤအီၤဒ်ဟီၣ်ခိၣ်ဟ့ၣ်တၢ်အသိးဘၣ်. တဘၣ်သူၣ်ကိၢ်သးဂီၤဒီးသးဘၣ်တံာ်တာ်တဂ့ၤ, ဒီးတဘၣ်ပျံၤတၢ်တဂ့ၤ.

လံာ်ယိၤဟၣ် 20:19

ဖဲမုၢ်ခီၣ်ထံးနံၤမုၢ်ဟါလီၤတ့ၢ်လံအကတီၢ်န့ၣ်, အပျဲၢ်အဘီၣ်တဖၣ်ပာ်ဖှိၣ်ထီၣ်အသးဒီးမ့ၢ်လၢ အဝဲသ့ၣ်ပျံၤဘၣ်ပှၤယူဒၤဖိအခိၣ်အနၢ်တဖၣ်အဃိ, တြဲၤတဖၣ်ဘၣ်တၢ်ကးတံာ်ဃာ်အီၤလီၤ. တုၤနုၤတစုယ့ၣ်ၡူးဟဲဒီးအိၣ်ဆၢထၢၣ်လၢအဝဲသ့ၣ်အသိး အကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

လံာ်ယိၤဟၣ် 20:26

တၢ်မၤအသးအံၤဝံၤလၢခံတနွံန့ၣ်, အပျဲၢ်အဘီၣ်တဖၣ်ပာ်ဖှိၣ်ကဒီးအသးလၢဟံၣ် အပူၤဒီးအအံၤတဘျီစီၤသိၤမါအိၣ်ဒီးအဝဲသ့ၣ် န့ၣ်လီၤ. တြဲၤတဖၣ်ဘၣ်တၢ်ကးတံာ်အီၤ, ဘၣ်ဆၣ် ယ့ၣ်ၡူးဟဲဒီးဆၢထၢၣ်လၢအဝဲသ့ၣ်အသိးအကျါဒီးစံး, “မ်တၢ်ဃူတၢ်ဖိးအိၣ်ဒီးသုတက့ၢ်.”

ရိမ့ၤ 1:7

လၢတၢ်န့ၣ်အဃိယကွဲးတၢ်ဆူသုဝဲခဲလၢာ်လၢအအိၣ် လၢဝ့ၢ်ရိမ့ၤအပူၤ, ပှၤလၢကစၢ်ယွၤအဲၣ်ဘၣ်အီၤဒီးကိးထီၣ်အီၤလၢ အကမ့ၢ်အပှၤဂီၢ်မုၢ်ဒၣ်ဝဲတဖၣ်အဂီၢ်အအိၣ်န့ၣ်လီၤ. ပပၢ်ကစၢ်ယွၤပပၢ်ဒီးကစၢ်ယ့ၣ်ၡူးခရံာ်ဟ့ၣ်သုတၢ်ဘျုး တၢ်ဖှိၣ်ဒီးတၢ်ဃူတၢ်ဖိးတက့ၢ်.

လံာ်ပှၤစံၣ်ညီၣ်ကွီၢ် 19:20

ပှၤသးပှၢ်န့ၣ်စံး, “ယတူၢ်လိာ်မုာ်သုလၢယဟံၣ်လီၤ. ယကအံးထွဲကွၢ်ထွဲသုလီၤ. တနၤအံၤသုမံလၢဝ့ၢ်ကျဲစၢၤအလီၢ်တအိၣ်ဘၣ်.”

လံာ်ပှၤစံၣ်ညီၣ်ကွီၢ် 6:22

တုၤနုၤတစု, စီၤကံးဒဧိၣ်သ့ၣ်ညါလီၤတံၢ်ဝဲလၢအထံၣ်ဘၣ်လံယွၤအကလူးန့ၣ်ဒီး စံးဝဲဒၣ်လၢတၢ်ပျံၤတၢ်ဖုးဖးဒိၣ်အပူၤ, “သ့တၢ်လၢာ်ကစၢ်, ယွၤဧၢ, ယထံၣ်ဘၣ်လံနကလူးမဲာ်သကိးမဲာ်လံ.”

လံာ်ပှၤစံၣ်ညီၣ်ကွီၢ် 6:24

စီၤကံးဒဧိၣ်ဘှီထီၣ်တၢ်လုၢ်လီၢ်တဖျၢၣ်ဖဲန့ၣ်လၢယွၤအဂီၢ်, ဒီးကိးဝဲအမံၤလၢ, “ယွၤၡၤလိၣ်” အခီပညီ, “ယွၤမ့ၢ်တၢ်ဃူတၢ်ဖိး” န့ၣ်လီၤ. (တၢ်လုၢ်လီၢ်န့ၣ်အိၣ်ဒံးဝဲဖဲဧိးဖြၤလၢအဘၣ်ဃး ဒီးအဘံၤဧ့စ့ၢ်အဒူၣ်အထၢန့ၣ်လီၤ.)