လံာ်ပှၤစံၣ်ညီၣ်ကွီၢ် 6:20 - Sgaw Karen Common Bible

²⁰ ဒီးကလူးန့ၣ်စံးဘၣ်အီၤ, “ပာ်ထီၣ်တၢ်ညၣ်ဒီးကိၣ်န့ၣ်လၢလၢၢ်အံၤအဖီခိၣ်ဒီးလူလီၤတၢ်ညၣ်အထံလၢအလိၤတက့ၢ်.” ဒီးစီၤကံးဒဧိၣ်မၤဝဲဒ်န့ၣ်အသိးလီၤ.

လံာ်ပှၤစံၣ်ညီၣ်ကွီၢ် 6:20 Iomraidhean Croise

လံာ်တၢ်ကဲထီၣ်အခီၣ်ထံး 18:3

ဒီးစံးဝဲ, “တၢ်ဒိၣ်သ့ၣ်ဧၢ, သုတအိၣ်ပတုာ်ဘၣ်ဒီးဝံသးစူၤ လဲၤပူၤကွံာ်ယဟံၣ်တဂ့ၤ. ယသးအိၣ်တူၢ်လိာ်သုလီၤ.

လံာ်ပှၤစံၣ်ညီၣ်ကွီၢ် 13:15

တသ့ၣ်ညါတ့ၢ်ဝဲလၢအမ့ၢ်ယွၤအကလူးအဃိ, စီၤမၤနိစံးဘၣ်အီၤ, “ဝံသးစူၤက့ၤဒံးနဲတဂ့ၤ, ပျဲပဖီထီၣ်မဲာ်တဲးလဲးသးစၢ်ဖိတဒုလၢနဂီၢ်တက့ၢ်.”

လံာ်ပှၤစံၣ်ညီၣ်ကွီၢ် 13:16

ဘၣ်ဆၣ်ဒီးကလူးန့ၣ်စံးဘၣ်အီၤ, “ယမ့ၢ်အိၣ်ဒံးဒီးယတအီၣ်နတၢ်အီၣ်ဘၣ်. ဘၣ်ဆၣ်ဒီးနမ့ၢ်သးအိၣ်ကတဲာ်ကတီၤအီၤဒီး, ဆူးကဲၤထီၣ်အီၤဒ်တၢ်လုၢ်မၤဘူၣ်တမံၤဆူယွၤအအိၣ်တက့ၢ်.”

လံာ်ပှၤစံၣ်ညီၣ်ကွီၢ် 13:19

မၤသးဒ်န့ၣ်ဒီး, စီၤမၤနိဟံးန့ၢ်မဲာ်တဲးလဲးသးစၢ်ဖိတဒု ဒီးကိၣ်ကမူၣ်တစဲးဒီးလုၢ်ထီၣ်အီၤလၢလၢၢ်တၢ်လုၢ်လီၢ်အဖီခိၣ်ဆူယွၤ, လၢအမၤတၢ်လီၤလးတဖၣ်န့ၣ်အအိၣ်လီၤ.

လံာ်ပှၤစံၣ်ညီၣ်ကွီၢ် 6:19

မၤသးဒ်န့ၣ်ဒီးစီၤကံဒဧိၣ်က့ၤနုာ်ဆူအဟံၣ်ပူၤဒီးဖီထီၣ် မဲာ်တဲးလဲးအစၢ်ဖိတဒုဒီးကိၣ်ကမူၣ်နာ်တဝာ်ဃၣ်ဃၣ်လၢကမၤဝဲ ကိၣ်တအိၣ်ဘၣ်ဒီးကိၣ်မံၣ်အဂီၢ်လီၤ. အဝဲဒၢနုာ်တၢ်ဖံးတၢ်ညၣ်လၢတီၣ်တဖျၢၣ်အပူၤဒီးတၢ်ညၣ်အထံလၢ သပၢၤတဖျၢၣ်အပူၤဒီးလဲၤစိာ်ဝဲဆူ ယွၤအကလူးအိၣ်လၢသ့ၣ်သ့ထိးဖၣ်အဖီလာ်ဒီးဟ့ၣ်အီၤလၢတၢ်န့ၣ် တဖၣ်လီၤ.

လံာ်ပှၤစံၣ်ညီၣ်ကွီၢ် 6:21

တုၤနုၤတစုယွၤအကလူးယူာ်ဃီၤအစုဒီးထိးဘၣ်တၢ်ညၣ်ဒီးကိၣ် န့ၣ်လၢနီၣ်ထိးဘိလၢအစိာ်ဃာ်ဝဲလၢအစုန့ၣ်လီၤ. ဒီးမ့ၣ်အူ ဟဲထီၣ်လၢလၢၢ်ပူၤဒီးအီၣ်ကွံာ်တၢ်ညၣ် ဒီးကိၣ်န့ၣ်လီၤ. အန့ၣ်ဝံၤဒီးကလူးန့ၣ်ဟါမၢ်ကွံာ်ဝဲဒၣ်လီၤ.