လံာ်ပှၤစံၣ်ညီၣ်ကွီၢ် 6:17 - Sgaw Karen Common Bible

¹⁷ စီၤကံးဒဧိၣ်စံးဝဲ, “နမ့ၢ်ဘၣ်သူၣ်ဘၣ်သးလၢယၤဒီးဟ့ၣ်ယၤ တၢ်အုၣ်သးတမံၤမံၤလၢနမ့ၢ်ယွၤနီၢ်နီၢ်တက့ၢ်.

လံာ်ပှၤစံၣ်ညီၣ်ကွီၢ် 6:17 Iomraidhean Croise

လံာ်စီၤပၤအခီၣ်ထံးတဘ့ၣ် 13:3

ဒီးဝံစံးအါထီၣ်ကဒီးဝဲ, “တၢ်လုၢ်လီၢ်အံၤကလီၤပှီၢ်ကွံာ်ဝဲ, ဒီးချါတဖၣ်လၢအအိၣ်လၢအဖီခိၣ်န့ၣ်ကလီၤပြံလီၤပြါကွံာ်ဝဲ ဒၣ်န့ၣ်လီၤ. တုၤနုၤတစု, နကသ့ၣ်ညါလၢယွၤကတိၤတၢ်ခီဖျိယၤန့ၣ်လီၤ.”

စံးထီၣ်ပတြၢၤ 86:17

ယွၤဧၢ, ဒုးနဲၣ်နတၢ်ဂ့ၤအတၢ်ပနီၣ်လၢယၤ ဒ်သိးပှၤလၢအသးဟ့ယၤတဖၣ်ကထံၣ်ဝဲ ဒီးကဘၣ်တၢ်မၤမဲာ်ဆှးအီၤ, မ့ၢ်လၢနမၤစၢၤတ့ၢ်လံယၤဒီး မၤမုာ်ထီၣ်က့ၤယၤအဃိန့ၣ်တက့ၢ်.

လံာ်တၢ်ဟးထီၣ်ကွံာ် 33:13

ခဲကနံၣ်အံၤနမ့ၢ်ဘၣ်သူၣ်ဘၣ်သးန့ၣ်ဒီးတဲဘၣ်ယၤလၢနတၢ်သုးတၢ် ကျဲၤဒ်သိးယကမၤနတၢ်မၤဒီးမၤတၢ်ဘၣ်နသးတက့ၢ်. သ့ၣ်နီၣ်ထီၣ်စ့ၢ်ကီးလၢနဃုထၢတ့ၢ်ပှၤကလုာ်အံၤလၢကကဲထီၣ်နတၢ် ဒၣ်နဲန့ၣ်တက့ၢ်.”

လံာ်တၢ်ဟးထီၣ်ကွံာ် 33:16

နမ့ၢ်တလဲၤဃုာ်တၢ်ဒီးပှၤဘၣ်န့ၣ်ပှၤတဂၤဂၤသ့ၣ်ညါဝဲ လၢနဘၣ်သူၣ်ဘၣ်သးလၢနပှၤဂီၢ်မုၢ်ဒီးယၤအံၤကသ့ဒ်လဲၣ်. နတၢ်အိၣ်ဆိးဒီးပှၤအံၤကဒုးလီၤဆီပှၤဒီးပှၤဂုၤပှၤဂၤလၢ ဟီၣ်ခိၣ်ချၢအံၤန့ၣ်လီၤ.”

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

လံာ်ပှၤစံၣ်ညီၣ်ကွီၢ် 6:18

တချုးလၢယဟဲစိာ်တၢ်လုၢ်မၤဘူၣ်တၢ်အီၣ်တၢ်အီတုၤဒံးဘၣ်ဒီး ဝံသးစူၤဟးထီၣ်ကွံာ်ဖဲအံၤတဂ့ၤ.” ယွၤအကလူးစံးဝဲဒၣ်, “ယကအိၣ်တုၤလၢနဟဲက့ၤတစုလီၤ.”