လံာ်ပှၤစံၣ်ညီၣ်ကွီၢ် 6:10 - Sgaw Karen Common Bible

¹⁰ ယတဲဘၣ်သုလၢယမ့ၢ်ယွၤ, သုကစၢ်ယွၤဒီးသုတကြၢးဘူၣ်ထီၣ်ဘါထီၣ်ပှၤအမိၢ်ဖိတဖၣ်လၢသုအိၣ်သုဆိးလၢအကီၢ်ပူၤခဲအံၤ, အကစၢ်တဖၣ်ဘၣ်န့ၣ်လီၤ. ဘၣ်ဆၣ်ဒီးသုတဒိကနၣ်ဘၣ်ယၤဘၣ်.”

လံာ်ပှၤစံၣ်ညီၣ်ကွီၢ် 6:10 Iomraidhean Croise

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 17:33

လၢတၢ်န့ၣ်အဃိ, အဝဲသ့ၣ်ဘူၣ်ထီၣ်ဘါထီၣ်ယွၤ, ဘၣ်ဆၣ်အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးအဝဲသ့ၣ်အကစၢ်ဒၣ်ဝဲ တဖၣ်ဒ်ထံကီၢ်လၢအဝဲသ့ၣ်ဟဲက့ၤဝဲအတၢ်လုၢ်တၢ်လၢ်တဖၣ်အိၣ်ဝဲ အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:7

ၡၤမရံလီၤကွံာ်ဝဲ, မ့ၢ်လၢပှၤအံၣ်စရ့လးဖိတဖၣ်မၤတ့ၢ်တၢ် ဒဲးဘးထီဒါယွၤအဝဲသ့ၣ်အကစၢ်ယွၤ, လၢအမၤပူၤဖျဲးတ့ၢ်အဝဲသ့ၣ်လၢကီၢ်အဲၤကူပတူးအစီၤပၤအစု ပူၤဒီးဒုးဟးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤ, အဃိန့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်,

လံာ်စီၤနဃ့မယၤ 9:29

နဟ့ၣ်ပလီၢ်တ့ၢ်အဝဲသ့ၣ်လၢကစူၢ်နတၢ်သိၣ်လိတဖၣ်, ဘၣ်ဆၣ်လၢတၢ်ပာ်ကဖၢလၢသးအပူၤ, အဝဲသ့ၣ်တၢၤကွံာ်နတၢ်သိၣ်တၢ်သီတဖၣ်ဖဲ တၢ်တိၢ်န့ၢ်ဖံးဃာ်နတၢ်သိၣ်တၢ်သီလၢ ပှၤယူဒၤဖိအဂီၢ်မ့ၢ်ကျဲဆူတၢ်မူအခါန့ၣ်လီၤ. အဝဲသ့ၣ်ထီဒါနၤ, လၢအတၢ်သးကိၤဒီးအခိၣ်ကိၤ အပူၤဂ့ၢ်လိာ်လၢကစူၢ်နၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 34:12

မၤတၢ်အၢၣ်လီၤအီလီၤဒီးပှၤဂီၢ်မုၢ်လၢသုလဲၤနုာ်ဆူအထံအကီၢ်ပူၤန့ၣ်နီတမံၤတဂ့ၤ. အဂ့ၢ်ဒ်အံၤ, တၢ်န့ၣ်ကဲထီၣ်တၢ်သံအပျံၤသကွီၤလၢသုဂီၢ်သ့ဝဲဒၣ်လီၤ.

လံာ်တၢ်ဟးထီၣ်ကွံာ် 34:14

ဘါထီၣ်ကစၢ်အဂုၤအဂၤနီတဂၤတဂ့ၤ. အဂ့ၢ်ဒ်အံၤ, ယၤ, ယွၤအံၤယဝံသးစူၤပှၤလၢထိၣ်အသးထဲသိးဒီးယၤတဖၣ်တကဲဘၣ်.

တၢ်ကတိၤဒိ. 5:13

ပတဒိကနၣ်တ့ၢ်ပသရၣ်တဖၣ်ဘၣ်. ဒီးပတကနၣ်ဃုာ်အဝဲသ့ၣ်တဖၣ်နီ တစဲးဘၣ်.

လံာ်ယံးရမံယၤ 10:2

အဝဲစံးဝဲဒၣ်, “ပိာ်ထွဲကျဲတဖၣ်လၢပှၤကလုာ်ဂၤတဖၣ်ပိာ်ဝဲန့ၣ်တဂ့ၤ. တၢ်ထံၣ်တဖၣ်လၢမူကပိာ်လိၤလၢသုညီနုၢ်ထံၣ်န့ၣ် မ့ၢ်မၤပျံၤမၤဖုးတ့ၢ်ပှၤကလုာ်ဂၤတဖၣ်ဒၣ်လဲာ်, ပျဲအမၤတံာ်တာ်သုတဂ့ၤ.

လံာ်ယံးရမံယၤ 17:23

အဝဲသ့ၣ်အမိၢ်ပၢ်ဖံဖုလၢပျၢၤတဖၣ်တဒိကနၣ်ယၤမ့ၢ်ဂ့ၤ, တကနၣ်ဃုာ်ယၤမ့ၢ်ဂ့ၤန့ၣ်ဘၣ်. အခိၣ်တလိာ်အဝဲသ့ၣ် အခိၣ်ကိၤထီၣ်န့ၣ်လီၤ. အဝဲသ့ၣ်တအဲၣ်ဒိးစူၢ်ယၤမ့ၢ်ဂ့ၤ, မၤလိန့ၢ်တၢ်လၢယၤမ့ၢ်ဂ့ၤန့ၣ်ဘၣ်.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 3:25

ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 42:21

ဒီးခဲအံၤယတဲဘၣ်သု, ဘၣ်ဆၣ်ဒီး တၢ်ကိးမံၤဒဲးလၢယွၤ ကစၢ်ယွၤမၢလီၤယၤလၢ ယကတဲဘၣ်သုန့ၣ် သုတစူၢ်အီၤဘၣ်.

လံာ်ယံးရမံယၤ 43:4

လၢတၢ်န့ၣ်အဃိ, စီၤယိဃၤနၣ်မ့ၢ်ဂ့ၤ, သုးမုၢ်အသုးခိၣ်သုး နၢ်တဖၣ်မ့ၢ်ဂ့ၤ, ပှၤဂီၢ်မုၢ်မ့ၢ်ဂ့ၤ, တစူၢ်ယွၤအတၢ်မၤလိာ်ဒ်သိး ကအိၣ်လီၤတဲာ်လၢ ကီၢ်ယူဒၤအပူၤ, နီတဂၤဘၣ်.

လံာ်ယံးရမံယၤ 43:7

အဝဲသ့ၣ်တစူၢ်ယွၤအတၢ်မၤလိာ်ဘၣ်ဒီးလဲၤနုာ်ဆူကီၢ်အဲၤကူပတူးအပူၤ, ပၢၢ်တုၤလၢဝ့ၢ်တၤပါန့ၤန့ၣ်လီၤ.

လံာ်ယံးရမံယၤ 9:13

ယွၤစံးဆၢတၢ်ဒီးစံးဝဲ, “တၢ်အံၤမၤတ့ၢ်အသးမ့ၢ်လၢယပှၤ ဂီၢ်မုၢ်ပာ်လီၤတဲာ်ကွံာ်တၢ်သိၣ်လိလၢယဟ့ၣ်တ့ၢ်အဝဲသ့ၣ်အဃိလီၤ. အဝဲသ့ၣ်တစူၢ်ယၤမ့ၢ်ဂ့ၤတမၤတ့ၢ်တၢ်လၢယစံးဘၣ်တဲဘၣ်အဝဲသ့ၣ် မ့ၢ်ဂ့ၤန့ၣ်ဘၣ်.

လံာ်စဖါနယၤ 3:2

တဒိကနၣ်တ့ၢ်ဘၣ်ယွၤမ့ၢ်ဂ့ၤ, တတူၢ်လိာ်တ့ၢ် အတၢ်သိၣ်တၢ်ဘျၢမ့ၢ်ဂ့ၤန့ၣ်ဘၣ်. တပာ်ဘၣ်အတၢ်နာ်လၢယွၤမ့ၢ်ဂ့ၤ, ဃ့အတၢ်မၤစၢၤမ့ၢ်ဂ့ၤန့ၣ်ဘၣ်.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

လံာ်စီၤယိၤၡူ 24:15

သုမ့ၢ်တသးအိၣ်မၤအတၢ်ဘၣ်ဒီး, ဃုထၢလၢမုၢ်မဆါတနံၤအံၤပှၤ လၢသုကမၤအတၢ်န့ၣ်တက့ၢ်. သုကဃုထၢကစၢ်တဖၣ်လၢသုမိၢ်ပၢ်ဖံဖုလၢပျၢၤတဖၣ်မၤအတၢ်လၢ ထံမိၢ်ပှၢ်ဝၢ်ဘးခီ, မ့တမ့ၢ်ပှၤအမိၢ်ဖိလၢသုအိၣ်သုဆိး လၢအကီၢ်ပူၤအကစၢ်တဖၣ်ဧါ. မ့မ့ၢ်ယဲဒၣ်အံၤဒီးယပှၤဟံၣ်ဖိ, ပကမၤယွၤအတၢ်လီၤ.”

လံာ်ပှၤစံၣ်ညီၣ်ကွီၢ် 2:2

သုတဘၣ်မၤတၢ်အၢၣ်လီၤအီလီၤဒီးပှၤဂီၢ်မုၢ်အိၣ်လၢကီၢ်အံၤ အပူၤဘၣ်. သုကဘၣ်မၤလီၤပှီၢ်ကွံာ်အတၢ်လုၢ်လီၢ်တဖၣ်လီၤ. ဘၣ်ဆၣ်ဒီးသုတမၤဒ်ယစံးတ့ၢ်သုအသိးဘၣ်. သုမၤတၢ်လၢ အထီဒါယၤတခီလီၤ.

လံာ်ပှၤစံၣ်ညီၣ်ကွီၢ် 6:9

ယအုၣ်က့ၤခီၣ်က့ၤသုလၢပှၤအဲၤကူပတူးဖိတဖၣ်အစုပူၤဒီးလၢ ပှၤဂီၢ်မုၢ်လၢအဒုးတၢ်ထီဒါသုလၢကီၢ်အံၤအပူၤန့ၣ်လီၤ. ယဟီထီၣ်ကွံာ်အဝဲသ့ၣ်ဖဲသုဟဲထီၣ်ဒုးတၢ်, ဒီးယဟ့ၣ်လီၤသုလၢအဝဲသ့ၣ်အကီၢ်န့ၣ်လီၤ.