လံာ်ပှၤစံၣ်ညီၣ်ကွီၢ် 5:26 - Sgaw Karen Common Bible

²⁶ အဝဲဟံးန့ၢ်ဒဲအနီၣ်ခိၣ်စူတဘိလၢအစုတခီ, ပှၤမၤတၢ်ဖိအခံၣ်ခူၣ်လၢအစုအဂၤတခီလီၤ. အဝဲတီၢ်စီၤစံစရၤဒီးမၤသ့ၣ်ဖးအခိၣ်ကု, ဒီးဆဲးဖျိးအနၢ်သက့ၤထံးလီၤ.

လံာ်ပှၤစံၣ်ညီၣ်ကွီၢ် 5:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:22

အန့ၣ်ဝံၤဒီး, ပိာ်မုၣ်န့ၣ်လဲၤဆူဝ့ၢ်အပှၤဂီၢ်မုၢ်အအိၣ်ဃုာ် ဒီးအဝဲအတၢ်ကူၣ်တၢ်ကျဲၤ, သတးဒီးအဝဲသ့ၣ်ကျီတဲာ်ကွံာ်စီၤၡဘၤအခိၣ်ဒီးကွံာ်ခီအီၤဆူ စီၤယိၤအာ်အအိၣ်လၢဝ့ၢ်ခိၣ်ဒူန့ၣ်လီၤ. စီၤယိၤအာ်အူထီၣ်ကွဲၤဒ်တၢ်ပနီၣ်တမံၤဒ်သိးအပှၤတဖၣ်ကဟးထီၣ် ကွံာ်လၢဝ့ၢ်န့ၣ်ဒီးအဝဲသ့ၣ်က့ၤကဒါက့ၤဆူဟံၣ်န့ၣ်လီၤ. ဒီးစီၤယိၤအာ်က့ၤကဒါက့ၤဆူဝ့ၢ်ယရူၤၡလ့ၣ်ဆူစီၤပၤအအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:21

စီၤစံစရၤလီၤဘှံးလီၤတီၤတုၤဒၣ်လဲာ်အဝဲမံဘၣ်အသးလၢတၢ်မံယိာ်အပူၤလီၤ. တုၤနုၤတစုနီၢ်ယဧ့လးဟံးန့ၢ်ခံၣ်ခူၣ်တဘိဒီးဒဲအနီၣ်စဲတဘိ ဝံၤလဲၤဝဲကယီကယီဆူအအိၣ် ဒီးတီၢ်နုာ်နီၣ်ခိၣ်စူန့ၣ်လိၤလိၤဖဲအနၢ်သက့ၤထံးတုၤအဖျိကွံာ် ဒီးဆဲးတံၢ်အသးလၢဟီၣ်ခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:25

စီၤစံစရၤဃ့အီထံ, ဘၣ်ဆၣ်ဒီးအဝဲဒုးအီအီၤတၢ်နုၢ်ထံ, အဝဲဟဲစိာ်န့ၢ်အီၤတၢ်နုၢ်ထံအလီၤသကၤလၢလီခီဃံလၤတဖျၢၣ်အပူၤလီၤ.

လံာ်ပှၤစံၣ်ညီၣ်ကွီၢ် 5:27

အဝဲလီၤဃံၤလၢအခီၣ်လ့ၣ်ခိၣ်, ဒီးမံလီၤဂၢၢ်တပၢၢ်လၢပိာ်မုၣ်န့ၣ်အခီၣ်ထံးလီၤ. လၢပိာ်မုၣ်အခီၣ်ထံးန့ၣ်လီၤဃံၤဝဲလၢအခီၣ်လ့ၣ်ခိၣ်, ဒီးလီၤဃံၤဝဲလီၤ. လီၤဃံၤဝဲလၢဟီၣ်ခိၣ်လိၤဒီးသံဝဲလီၤ.