လံာ်ပှၤစံၣ်ညီၣ်ကွီၢ် 5:22 - Sgaw Karen Common Bible

²² တုၤနုၤတစုကသ့ၣ်တဖၣ်ဟဲဃ့ၢ်ပတ့ၢ်ပတီၤထီၣ်ဆူညါ, ယီၢ်လီၤဟီၣ်ခိၣ်လၢအခီၣ်မ့ၣ်ထးတဖၣ်လီၤ.

လံာ်ပှၤစံၣ်ညီၣ်ကွီၢ် 5:22 Iomraidhean Croise

လံာ်စီၤယိၤဘး 39:19

စီၤယိၤဘးဧၢ, ပှၤလၢအဒုးဂံၢ်ဆူၣ်ဘါဆူၣ်ကသ့ၣ်တဖၣ် ဒီးဟ့ၣ်အီၤအကိာ်ဆူၣ်တဖၣ်န့ၣ်မ့ၢ်နၤဧါ.

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

စံးထီၣ်ပတြၢၤ 33:17

တၢ်ဒုးသုးအကသ့ၣ်မ့ၢ်တၢ်မုၢ်လၢ်ကလီကလီ လၢတၢ်မၤနၢၤအဂီၢ်လီၤ. ဒီးလၢအတၢ်ဂံၢ်ဆူၣ်ဘါဆူၣ်ဒၣ်ဝဲန့ၣ် မၤပူၤဖျဲးအသးတသ့ဘၣ်.

လံာ်ယၡါယၤ 5:28

အပျၢ်တဖၣ်အကနၣ်အ့ၣ်ဝဲဒီးအချံၣ်တဖၣ်အိၣ်ကတဲာ်ကတီၤ အသးလၢကခးတၢ်အဂီၢ်လီၤ. အကသ့ၣ်တဖၣ်အခီၣ်မ့ၣ်ကိၤ ဝဲဒ်လၢၢ်မ့ၣ်အသိးဒီးအလ့ၣ်ကဟၣ်အလ့ၣ်ဖံဘၣ်တဖၣ်တရံးဝဲဒ် ကလံၤသဝံးအသိးလီၤ.

လံာ်ယံးရမံယၤ 47:3

အဝဲသ့ၣ် ကနၢ်ဟူကသ့ၣ်တဖၣ်အခီၣ်မ့ၣ်ထးယီၢ်တၢ်အသီၣ်, လ့ၣ်ကဟၣ်တဖၣ် ဃ့ၢ်သဖှိအသီၣ်, ဒီးလ့ၣ်ဖံဘၣ်တဖၣ်သီၣ်ရုၢ်ရုၢ်ရၢ်ရၢ်န့ၣ်လီၤ. ပၢ်တဖၣ်တဃၣ်ကဒါက့ၤဘၣ်အသးလၢအဖိတဖၣ်အဂီၢ်ဘၣ်. အဝဲသ့ၣ်အစုတဖၣ်ကလီၤစဲၤစၢ်အဲးစၢ်အီးလၢအဝဲသ့ၣ် အကပၤန့ၣ်လီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်ယဃ့းစက့လး 27:14

နဆါကွံာ် နတၢ်ဖိတၢ်လံၤတဖၣ်ဒ်သိး နကမၤန့ၢ်ကသ့ၣ်တဖၣ် လၢပှၤမၢအီၣ်အီၤ, ကသ့ၣ်ဒုးသုးတဖၣ်ဒီး ကသ့ၣ်လၤတဖၣ်လၢ အဟဲလၢ တိကးရမၤအပှၤဟံၣ်ဖိ အအိၣ်ဂီၢ်န့ၣ်လီၤ.

လံာ်မံကၤ 4:13

ယွၤစံးဝဲဒၣ်, “ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, လဲၤဒီးစံၣ်ညီၣ်သုဒုၣ်သု ဒါတဖၣ်တက့ၢ်. ယကဒုးဆူၣ်ထီၣ်သုဒ်ထးတဖၣ်ဂီၤဖံးတဒုလၢ အအိၣ်ဒီးအနၢၤ, အခီၣ်မ့ၣ်မ့ၢ်တိၤဘီတဖၣ်အသိးလီၤ. သုကမၤလီၤကလဲကွံာ်ပှၤအါကလုာ်ဒီးတၢ်ထူးတၢ်တီၤလၢအဝဲသ့ၣ်မၤ န့ၢ်ဝဲခီဖျိတၢ်ဂုာ်ဆူၣ်ပျီဆူၣ်န့ၣ်သုကဘၣ်ဟ့ၣ်ထီၣ်ဆူယၤ, ဟီၣ်ခိၣ်ဒီဘ့ၣ်အကစၢ်လီၤ.”