လံာ်ပှၤစံၣ်ညီၣ်ကွီၢ် 5:19 - Sgaw Karen Common Bible

¹⁹ ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.

လံာ်ပှၤစံၣ်ညီၣ်ကွီၢ် 5:19 Iomraidhean Croise

လံာ်တၢ်ကဲထီၣ်အခီၣ်ထံး 14:22

စီၤအၤဘြၣ်စံးဆၢဝဲဒၣ်, “ယဆိၣ်လီၤယသးသညူးသပှၢ်လၢယွၤ, တၢ်ထီကတၢၢ်ကစၢ်ယွၤ, ယွၤလၢအတ့လီၤမူခိၣ်ဒီးဟီၣ်ခိၣ်အမဲာ်ညါ,

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်စီၤပၤအခီၣ်ထံးတဘ့ၣ် 4:12

စီၤအဃံလူးအဖိခွါစီၤဘၤနါလၢဝ့ၢ်တဖၣ်လၢအမ့ၢ်ဝဲ, တၤနး, မကံးဒိၤဒီးကယဲၢ်တၢ်လီၢ်အိၣ်ဘူးဒီးဘ့ၤသၡၣ်, လၢအအိၣ်ဖဲဝ့ၢ်စၤရတါအကပၤဖဲဝ့ၢ်ယံးစရ့လးအကလံၤထံး, ဒီးယံၤတုၤလီၤလၢဝ့ၢ်အၤဘ့လးမဃိလးဒီးဝ့ၢ်ယၤကမၣ်,

လံာ်စီၤပၤခံဘ့ၣ်တဘ့ၣ် 23:29

ဖဲစီၤယိၤၡံယၤမ့ၢ်စီၤပၤအခါန့ၣ်, ကီၢ်အဲၤကူပတူးအစီၤပၤ နကိၤဆှၢဃီၤသုးမုၢ်တဖုဆူထံကျိဖရၤသးလၢကမၤစၢၤကီၢ်အၤ ၡူၢ်အစီၤပၤအဂီၢ်န့ၣ်လီၤ. စီၤယိၤၡံယၤဂုာ်ကျဲးစၢးတြီပှၤအဲၤကူပတူးဖိအသုးမုၢ်ဖဲ ဝ့ၢ်မကံးဒိၤဒီးဘၣ်တၢ်မၤသံကွံာ်အီၤလၢတၢ်ဒုးအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 35:22

ဘၣ်ဆၣ်စီၤယိၤၡံယၤပာ်လီၤတ့ၢ်အသးလၢကဒုးတၢ်န့ၣ်လီၤ. အဝဲဂ့ၢ်လိာ်လၢကဒိကနၣ်တၢ်လၢကစၢ်ယွၤစံးဝဲခီဖျိစီၤပၤနကိၤန့ၣ်လီၤ. လၢတၢ်န့ၣ်အဃိအဝဲပျိာ်လီၤဆီအသးဒီးလဲၤဝဲဆူတၢ်ဒုး အပူၤလၢမကံးဒိၤအပျီပူၤန့ၣ်လီၤ.

စံးထီၣ်ပတြၢၤ 44:12

နဆါကွံာ်နပှၤဂီၢ်မုၢ်ဒ် တၢ်အလုၢ်အပှ့ၤတအိၣ်ဘၣ်အသိး, နတဃ့တၢ်အပှ့ၤထဲတစဲးဧိၤလၢအဂီၢ်ဘၣ်.

လံာ်စီၤယိၤၡူ 17:11

လၢယံးစၣ်ကၢ်ဒီးအၤၡ့ၢ်အကီၢ်တဖၣ်အပူၤန့ၣ်, မနၤၡ့ၤအိၣ်ဒီးဝ့ၢ်ဘ့ၤသၡၣ်ဒီးဝ့ၢ်ယံးဘျၣ်ဃုာ်ဒီးဝ့ၢ်ဖိတဖၣ် လၢအအိၣ်ဝးတရံးအီၤ, ဃုာ်ဒီးဝ့ၢ်ဒိၢ်, (လၢပီၣ်လဲၣ်ကၢၢ်ခိၣ်) ဝ့ၢ်ဧ့ၣ်ဒိၢ်, ဝ့ၢ်တၤနး, ဝ့ၢ်မကံးဒိၤဒီးဝ့ၢ်ဖိတဖၣ်လၢအအိၣ်ဝးတရံးအီၤန့ၣ်လီၤ.

လံာ်လီၣ်ဖျါ 16:16

တုၤနုၤတစုသးတဖၣ်ဟဲဆှၢစီၤပၤတဖၣ်တပူၤဃီဖဲတၢ်လီၢ် တတီၤလၢအဘၣ်တၢ်ကိးအီၤလၢဧ့ၤဘြံၤ အကျိာ်လၢအၢ်မက့းဒိၣ် န့ၣ်လီၤ.

လံာ်လီၣ်ဖျါ 19:19

တုၤနုၤတစုယထံၣ်တၢ်ဒူတၢ်ဃိၤတဒုန့ၣ်ဒီးဟီၣ်ခိၣ် အစီၤပၤတဖၣ်, ဒီးအဝဲသ့ၣ်အသုးမုၢ်သံၣ်ဘိတဖၣ်ပာ်ဖှိၣ်ထီၣ်အသးဒ်သိး အကဒုးတၢ်ထီဒါပှၤတဂၤလၢအဒိးကသ့ၣ်န့ၣ်, ဒီးထီဒါ အဝဲဒၣ်အသုးမုၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:27

ဒီးမနၤၡ့ၤအဒူၣ်တနီၣ်ထီၣ်ကွံာ်ပှၤဂီၢ်မုၢ်လၢအအိၣ်ဝဲလၢဝ့ၢ် ဘ့ၤသၡၣ်, ဝ့ၢ်တၤနး, ဝ့ၢ်ဒိၢ်, ဝ့ၢ်ယံးဘျၣ်, ဝ့ၢ်မကံးဒိၤဒီးဝ့ၢ်ဖိလၢအအိၣ်ဘူး တဖၣ်အပူၤန့ၣ်ဘၣ်လီၤ. ဒီးပှၤကနၤဧၣ်ဖိတဖၣ်အိၣ်ဆိးဒီးအဝဲသ့ၣ်ဖဲတၢ်လီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:13

အဝဲကိးဖှိၣ်အလ့ၣ်ကဟၣ်ဒုးသုးထးအဆိခွံကယၤဒီးအပှၤတဖၣ်ခဲလၢာ်ဒီး ဆှၢအီၤစးထီၣ်လၢပှၤကလုာ်ဂၤတဖၣ်အဝ့ၢ်ဃရိၡ့းတုၤဆူ ထံကျိကံၡိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:30

“အဝဲသ့ၣ်လူၤဃုဒၣ်ထဲတၢ်တဖၣ်လၢကမၤန့ၢ်ဝဲ ဒီးနီၤဖးဝဲအဂီၢ်, ပိာ်မုၣ်ဖိတဂၤမ့တမ့ၢ်ခံဂၤလၢပှၤသုးဖိတဂၤ စုာ်စုာ်အဂီၢ်, တၢ်ကူတၢ်သိးအလုၢ်ဒိၣ်ပှ့ၤဒိၣ်လၢစီၤစံစရၤအဂီၢ်, တၢ်ဆးကံၣ်ဆးဝ့ၤအတၢ်ကယၢကယဲတဖၣ်လၢနီၢ်ပၤမုၣ်အကိာ်အဂီၢ်လီၤ.