လံာ်ပှၤစံၣ်ညီၣ်ကွီၢ် 5:14 - Sgaw Karen Common Bible

¹⁴ အဝဲသ့ၣ်ဟဲဝဲလၢအ့ဖရဲၣ်, ပှၤတဖၣ်လၢအိၣ်ဆိးဝဲလၢကီၢ်ဧမၤလ့း, လၢဘံၣ်ယၤမံၣ်အဒူၣ်ဒီးအပှၤဂီၢ်မုၢ်အလီၢ်ခံလီၤ. သုးခိၣ်ဖးဒိၣ်တဖၣ်ဟဲဝဲလၢကီၢ်မၤကံၢ်, ဒီးသုးခိၣ်သုးနၢ်တဖၣ်ဟဲဝဲလၢကီၢ်စဘူလိၣ်လီၤ.

လံာ်ပှၤစံၣ်ညီၣ်ကွီၢ် 5:14 Iomraidhean Croise

လံာ်တၢ်ကဲထီၣ်အခီၣ်ထံး 35:22

ဖဲစီၤယၤကိာ်အိၣ်ဝဲဆိးဝဲလၢကီၢ်န့ၣ်အခါ, စီၤရူၤဘ့ၣ်လဲၤမံဃုာ်ဒီးနီၢ်ဘံၤလဟၤ, လၢအမ့ၢ်အပၢ်အသံၣ်မါ ကျါတဂၤန့ၣ်လီၤ. စီၤယၤကိာ်နၢ်ဟူတၢ်န့ၣ်ဒီးအသးကဲၤထီၣ်ဝဲဒၣ်န့ၣ်လီၤ. စီၤယၤကိာ်အိၣ်ဒီးအဖိခွါတဆံခံဂၤန့ၣ်လီၤ.

လံာ်တၢ်ကဲထီၣ်အခီၣ်ထံး 35:23

နီၢ်လ့ၤအၤအဖိခွါတဖၣ်မ့ၢ်ဝဲ, စီၤရူၤဘ့ၣ် (စီၤယၤကိာ်အဖိ ဝဲၢ်ကိ) စီၤစူၤမ့းအိၣ်, စီၤလ့ၤဝံ, စီၤယူဒၤ, စီၤယံးစၣ်ကၢ်ဒီး စီၤစဘူလိၣ်လီၤ.

လံာ်တၢ်ကဲထီၣ်အခီၣ်ထံး 35:24

နီၢ်ရၤဃ့လးအဖိခွါတဖၣ်မ့ၢ်ဝဲ, စီၤယိၤသးဒီးစီၤဘံၣ်ယၤ မံၣ်န့ၣ်လီၤ.

စံးထီၣ်ပတြၢၤ 68:27

ဒူၣ်အဆံးကတၢၢ်, ဘံၣ်ယၤမံၣ်ဟဲလၢညါ, ဝံၤဒီးယူဒၤအခိၣ်အနၢ်တဖၣ်ဒီး အဝဲသ့ၣ်အကရူၢ်လၢ စဘူလိၣ်ဒီးနးသၤလံ အပှၤခိၣ်ပှၤနၢ်တဖၣ် ပိာ်ထွဲထီၣ်အခံန့ၣ်လီၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ပှၤစံၣ်ညီၣ်ကွီၢ် 12:15

တုၤနုၤတစု, အဝဲသံဒီးဘၣ်တၢ်ခူၣ်လီၤအီၤဖဲဝ့ၢ်ပံးရသိၣ်အိၣ် လၢကီၢ်အ့ဖရဲၣ်ဖဲပှၤဧမၤလ့းဖိအကစၢၢ်ကလိန့ၣ်လီၤ.

လံာ်ပှၤစံၣ်ညီၣ်ကွီၢ် 3:13

ဒီးစီၤပၤဧ့းကလိၣ်ပာ်ဖှိၣ်အသးဒီးပှၤအမိၢ်ဖိ, ဒီးပှၤဧမၤလ့းဖိ, ဒီးမၤနၢၤပှၤအံၣ်စရ့လးဖိဒီးမၤန့ၢ်ဝ့ၢ်ယရံၤဃိလၢအမ့ၢ် သ့ၣ်စူၣ်ပလိၣ်အဝ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:27

ဖဲအဝဲတုၤဆူကီၢ်အ့ဖရဲၣ်ကစၢၢ်ကလိဒီး, အဝဲအူထီၣ်ကွဲၤဒ်သိးကကိးဃီၤကီၢ်အံၣ်စရ့လးအပှၤပိာ်ခွါတဖၣ်လၢကလဲၤထီၣ်ဒုးတၢ်အဂီၢ်လီၤ. ဒီးအဝဲဆှၢပှၤတဖၣ်န့ၣ်ဆူတၢ်ပၢၤခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:14

တုၤနုၤတစုနီၢ်ဒဘိရၤစံးဘၣ်စီၤဘါရး, “လဲၤတက့ၢ်. ယွၤဆှၢနၤလီၤ. တနံၤအံၤအဝဲဟ့ၣ်လီၤနၤတၢ်မၤနၢၤလၢစီၤစံစရၤအဖီခိၣ်လီၤ.” မၤသးဒ်န့ၣ်ဒီးစီၤဘါရးဟဲလီၤလၢကစၢၢ်တၤဘိၢ်အဒီခိၣ်ဃုာ်ဒီးအပှၤတကလးဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:13

တုၤနုၤတစုပှၤအသူၣ်တီအသးလိၤတဖၣ်ဟဲလီၤဆူအခိၣ်အနၢ်တဖၣ်အအိၣ်, ယွၤအပှၤဂီၢ်မုၢ်ဟဲဆူအအိၣ်, အိၣ်ကတဲာ်ကတီၤသးလၢတၢ်ဒုးအဂီၢ်လီၤ.