လံာ်ပှၤစံၣ်ညီၣ်ကွီၢ် 5:11 - Sgaw Karen Common Bible

¹¹ ဒိကနၣ်တက့ၢ်. ပှၤဂီၢ်မုၢ်လၢအသီၣ်အသဲဝးတရံးထံပူၤတဖၣ်န့ၣ် စံၣ်ဃဲၤတဲဃဲၤယွၤအတၢ်မၤနၢၤတဖၣ်, အံၣ်စရ့လးအပှၤဂီၢ်မုၢ်အတၢ်မၤနၢၤတဖၣ်န့ၣ်လီၤ. အန့ၣ်ဝံၤဒီးယွၤအပှၤဂီၢ်မုၢ်ဟးထီၣ်ဝဲလၢအဝ့ၢ်တဖၣ်ဒီးလဲၤတၢ်လီၤ.

လံာ်ပှၤစံၣ်ညီၣ်ကွီၢ် 5:11 Iomraidhean Croise

လံာ်တၢ်ကဲထီၣ်အခီၣ်ထံး 24:11

ဒီးဖဲအလဲၤတုၤဝဲအခါန့ၣ်, အဝဲဒုးကိာ်လီၤကီၤလၤအူးတဖၣ် ဖဲ ထံပူၤအိၣ်လၢဝ့ၢ်အချၢန့ၣ်လီၤ. တၢ်အကတီၢ်အံၤန့ၣ်မ့ၢ်ဝဲ ဘူးမုၢ်ကဟါလီၤအကတီၢ်ဖဲပှၤပိာ်မုၣ်သ့ၣ်တဖၣ်ဟဲထီၣ်ဒ်သိး ကဒၢၣ်ထံန့ၣ်လီၤ.

လံာ်တၢ်ကဲထီၣ်အခီၣ်ထံး 29:2

သတူၢ်ကလာ်အဝဲဟဲတုၤဝဲဆူထံပူၤတပူၤလၢအအိၣ်လၢစံာ်ပျီတဖၣ် အပူၤ, အိၣ်ဒီးသိအဖုသၢဖုကိာ်လီၤဝးတရံးအီၤန့ၣ်လီၤ. ထံပူၤအံၤမ့ၢ်တၢ်လီၢ်လၢသိအဖုအဂီၢ်တဖၣ်ဘၣ်တၢ်ဒုးအီအီၤထံ အလီၢ်, ဒီးလၢၢ်ဖးဒိၣ်အိၣ်ဝဲတဖျၢၣ်လၢထံပူၤအံၤအခိၣ်ထိးန့ၣ်လီၤ.

လံာ်တၢ်ကဲထီၣ်အခီၣ်ထံး 29:3

ဒီးဖဲလၢသိအဖုအဂီၢ်ခဲလၢာ်ဟဲတုၤဖှိၣ်ဖဲန့ၣ်တဘျီဂ့ၤ တဘျီဂ့ၤန့ၣ်ပှၤကွၢ်သိတဖၣ်တလ့ၣ်ကွံာ်လၢၢ်န့ၣ်ဒီးဒုးအီသိ တဖၣ်လၢထံန့ၣ်လီၤ. အန့ၣ်ဝံၤဒီး, တလ့ၣ်ကဒါက့ၤလၢၢ်လၢအလီၢ်ဒၣ်ဝဲ န့ၣ်လီၤ.

လံာ်စီၤယိၤဘး 29:7

တုၤဝ့ၢ်အသူၣ်က့သးပှၢ်တဖၣ်အိၣ်ဖှိၣ်ရိဖှိၣ်တဘျီလၢ်လၢ်န့ၣ် ယဟံးန့ၢ်ယလီၢ်လၢအဝဲသ့ၣ်အကျါလီၤ.

စံးထီၣ်ပတြၢၤ 145:7

အဝဲသ့ၣ်ကစံးကကတိၤဝဲလၢနတၢ်မၤဂ့ၤအါအါကလဲာ်အဂ့ၢ် ဒီးကသးဝံၣ်ထီၣ်တၢ်ဘၣ်ဃးဒီး နတၢ်သးကညီၤအဂ့ၢ်န့ၣ်လီၤ.

စံးထီၣ်ပတြၢၤ 71:15

ယထးခိၣ်ကတဲဖျါထီၣ်နတၢ်တီတၢ်လိၤ အတၢ်ဖံးတၢ်မၤတဖၣ်, နတၢ်အုၣ်က့ၤခီၣ်က့ၤသ့သ့တနံၤလီၤ. အဂ့ၢ်ဒ်အံၤ, ယတသ့ၣ်ညါဘၣ် အတၢ်ဂံၢ်တဖၣ်ဘၣ်.

လံာ်ယၡါယၤ 12:3

ဒ်ထံအဆှံဟဲစိာ်တၢ်သးခုလၢပှၤ လၢတၢ်သူအသးလၢထံအဂီၢ်အသိး, ကစၢ်ယွၤအပှၤဂီၢ်မုၢ်သူၣ်ခုသးခုဖဲအဝဲဒၣ်အုၣ်က့ၤခီၣ်က့ၤ အဝဲသ့ၣ်န့ၣ်လီၤ.”

လံာ်ယၡါယၤ 28:6

အဝဲကဟ့ၣ်လီၤသးတမံၤလၢအစံၣ်ညီၣ်တီတၢ်ဆူပှၤလၢအမၤ စံၣ်ညီၣ်ကွီၢ်အတၢ်မၤတဖၣ်, ဒီးတၢ်သူၣ်ဒူသးဒူဆူပှၤလၢအက ဟုကယာ်ဝ့ၢ်အတြဲၤတဖၣ်လၢတၢ်ဟဲထီဒုၣ်ထီဒါအီၤန့ၣ်လီၤ.

လံာ်ယံးရမံယၤ 7:2

အဝဲတဲဘၣ်ယၤလၢယကဆၢထၢၣ်ဖဲန့ၣ်ဒီးဘိးဘၣ်သ့ၣ်ညါ တၢ်လၢယွၤသ့တၢ်လၢာ်, အံၣ်စရ့လးအကစၢ်ယွၤအဲၣ်ဒိးစံး ဘၣ်တ့ၢ်အဝဲသ့ၣ်, န့ၣ်လီၤ.

လံာ်သးသယုၢ်တၢ် 5:4

ပကဘၣ်ဟ့ၣ်တၢ်အပှ့ၤလၢထံလၢပအီအီၤအဂီၢ်ဒီး သ့ၣ်မုၣ်လၢပဆူးကဲၤအီၤအဂီၢ်လီၤ.

လံာ်သးသယုၢ်တၢ် 5:9

ပှၤမၤသံမၤဝီတၢ်တဖၣ်လဲၤဝ့ၤဝီၤတၢ်လၢထံကီၢ် အခိၣ်အဃၢၤ ဒီးပဘၣ်လိာ်ဒူပသးဖဲပဃ့တၢ်လၢတၢ်အီၣ် အဂီၢ်န့ၣ်လီၤ.

လံာ်မံကၤ 6:5

ယပှၤဂီၢ်မုၢ်ဧၢ, သ့ၣ်နီၣ်ထီၣ်က့ၤကီၢ်မိၤအးအစီၤပၤစီၤဘၤလးကူၣ်ထီၣ်ဖးလီၤဝဲလၢ အကမၤသုဒ်လဲၣ်ဒီးစီၤဘဧိၢ်အဖိခွါစီၤဘံးလၣ်စံးဆၢအီၤဒ်လဲၣ်န့ၣ်တ က့ၢ်. သ့ၣ်နီၣ်ထီၣ်က့ၤတၢ်မၤအသးတဖၣ်လၢကျဲစးထီၣ်လၢသူၣ်ဒဲအလီၢ် ၡံးတံၣ်ပၢၢ်လၢဝ့ၢ်ကံးလကၤလးတက့ၢ်. သ့ၣ်နီၣ်တၢ်တဖၣ်အံၤဒီးသုကသ့ၣ်ညါနၢ်ပၢၢ်ယမၤတ့ၢ်တၢ်အံၤလၢ ယကအုၣ်က့ၤခီၣ်က့ၤသုအဂီၢ်လီၤ”.

လံာ်သိၣ်လီၤသီလီၤတၢ် 22:24

သုကဘၣ်ထုးထီၣ်ကွံာ်အဝဲသ့ၣ်ဆူဝ့ၢ်အချၢဒီးကွံာ်သံအီၤလၢလၢၢ်န့ၣ်လီၤ. ပိာ်မုၣ်ဖိန့ၣ်ကဘၣ်သံဝဲမ့ၢ်လၢအဝဲတကိးထီၣ်ဃ့လၢတၢ်မၤစၢၤအဂီၢ်, ဖဲအဝဲအိၣ်ဒၣ်လၢဝ့ၢ်တဖျၢၣ်အပူၤ, တၢ်လီၢ်ဖဲအဝဲကိးပှၤနၢ်ဟူအီၤသ့ဝဲအဃိန့ၣ်လီၤ. ဒီးပိာ်ခွါန့ၣ်ကဘၣ်သံဝဲမ့ၢ်လၢအမံဃုာ်အိၣ်ဃုာ်ဒီးပိာ်မုၣ် ဖိတဂၤလၢအမၤတၢ်တ့တၢ်ဖျီအတၢ်အၢၣ်လီၤဝံၤလံအဃိန့ၣ်လီၤ. လၢကျဲဒ်အံၤန့ၣ်သုကပူၤဖျဲးဒီးတၢ်အၢတၢ်သီၤအံၤန့ၣ်လီၤ.

လံာ်သိၣ်လီၤသီလီၤတၢ် 33:21

အဝဲသ့ၣ်ဟံးန့ၢ်ကီၢ်အတၢ်လီၢ်အဂ့ၤကတၢၢ်လၢအဂီၢ်ဒၣ်ဝဲ, ခိၣ်နၢ်တဂၤအတၢ်နီၤဟ့ၣ်ဘၣ်တၢ်ဟ့ၣ်လီၤအီၤဆူအဝဲသ့ၣ်အအိၣ်န့ၣ် လီၤ. အဝဲသ့ၣ်စူၢ်တ့ၢ်ယွၤအတၢ်မၤလိာ်တဖၣ်ဒီးတၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဖဲကီၢ်အံၣ်စရ့လးအခိၣ်အနၢ်တဖၣ်ပာ်ဖှိၣ်အသး တပူၤဃီအခါန့ၣ်လီၤ.”

လံာ်ပှၤစံၣ်ညီၣ်ကွီၢ် 11:40

လၢပိာ်မုၣ်သးစၢ်တဖၣ်ကဟးထီၣ်တနံၣ်လွံၢ်သီ လၢအကသူၣ်အုးသးအုးလၢပှၤကံးလဧးဖိ စီၤယံးဖသၤအဖိမုၣ်အဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.

လံာ်စီၤၡမူၤအ့လးအခီၣ်ထံးတဘ့ၣ် 12:7

ခဲအံၤဆၢထၢၣ်ဖဲသုအိၣ်အလီၢ်ဒီး ယကဆှိးသုလၢယွၤအမဲာ်ညါခီဖျိတၢ်မၤသ့ၣ်နီၣ်သုလၢ ကယဲၢ်တၢ်မၤအဒိၣ်အဆူၣ်လၢယွၤမၤတ့ၢ် လၢကအုၣ်က့ၤခီၣ်က့ၤသုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.