လံာ်ပှၤစံၣ်ညီၣ်ကွီၢ် 4:6 - Sgaw Karen Common Bible

⁶ တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.

လံာ်ပှၤစံၣ်ညီၣ်ကွီၢ် 4:6 Iomraidhean Croise

စံးထီၣ်ပတြၢၤ 7:6

ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 89:12

နတ့လီၤကယဲၢ်တၢ်အိၣ်လၢကလံၤစိးဒီးကလံၤထံး, ဒီးကစၢၢ်တၤဘိၢ်ဒီးကစၢၢ်ဃ့ရမိၣ်န့ၣ် စံးထီၣ်ပတြၢၤနမံၤလၢတၢ်သးခုအပူၤလီၤ.

စံးထီၣ်ပတြၢၤ 89:13

နအိၣ်ဒီးနစုဒုၣ်လၢအဂံၢ်ဆူၣ်ဘါဆူၣ်, နစုန့ၣ်ဆူၣ်ဝဲဒီးနစုထွဲအိၣ်ထီၣ်ထီလီၤ.

လံာ်ယံးရမံယၤ 46:18

ယၤ, ယွၤသ့တၢ်လၢာ်, ယမ့ၢ်စီၤပၤ, ယမ့ၢ်ကစၢ်ယွၤလၢ အမူဝဲလီၤ. ဒ်ကစၢၢ်တၤဘိၢ်ကစီၤထီၣ်ထီမးလၢကစၢၢ်တဖၣ်အဖီခိၣ်အသိး, ဒီးဒ်ကစၢၢ်ကၢ်မ့ၤလးအိၣ်ထီၣ်ထီဝဲလၢပီၣ်လဲၣ်အဖီခိၣ်အသိးန့ၣ်, ပှၤလၢအဒုးသုတဂၤအဂံၢ်အဘါ ကမ့ၢ်တၢ် ဒ်န့ၣ်အသိးလီၤ.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

မၤတၢ် 13:47

အဂ့ၢ်ဒ်အံၤ, အအံၤမ့ၢ်တၢ်မၤလိာ်လၢကစၢ်ဟ့ၣ်တ့ၢ်ပှၤန့ၣ်လီၤ. ‘ယဒုးကဲလံနၤတၢ်ကပီၤတဖျၢၣ်လၢပှၤကလုာ်ဂၤတဖၣ်အဂီၢ်, ဒ်သိးဟီၣ်ခိၣ်ဒီဘ့ၣ်ကဘၣ်တၢ်အုၣ်က့ၤခီၣ်က့ၤအီၤအဂီၢ်န့ၣ်လီၤ.’ ”

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

လံာ်စီၤယိၤၡူ 1:9

သ့ၣ်နီၣ်ထီၣ်လၢယမၤလိာ်တ့ၢ်နၤလၢနကပာ်ဆူၣ်နသးဒီးသူၣ်ဒူသး ဒူန့ၣ်တက့ၢ်. တဘၣ်ပျံၤတၢ်တဂ့ၤ, ဒီးတဘၣ်တ့ၢ်စၢ်လီၤနဂံၢ်နဘါတဂ့ၤ. ယၤ, ယွၤနကစၢ်အိၣ်ဒီးနၤဖဲနလဲၤတၢ်တပူၤလၢ်လၢ်န့ၣ်လီၤ.”

လံာ်စီၤယိၤၡူ 19:22

ဒီးအကီၢ်ဆၢထိးဘၣ်စ့ၢ်ကီးတၤဘိၢ်, ၡၤကစံမၤ, ဘ့ၤသၡ့မ့ၣ်, ဒီးလဲၤကတၢၢ်ဝဲဖဲထံကျိယၢ်ဒ့ၣ်န့ၣ်လီၤ. ပၣ်ဃုာ်ဒီးဝ့ၢ်တဆံဃုဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 19:32

တၢ်ဖးဃုမံၤတမံၤဟဲထီၣ် လၢနးသၤလံအဒူၣ်အဂီၢ်ဒ်အဒူၣ်ဖိထၢဖိအိၣ်ဝဲအသိးန့ၣ်လီၤ.

လံာ်စီၤယိၤၡူ 19:35

ဝ့ၢ်အိၣ်ခၢၣ်အနၢၣ်တဖၣ်မ့ၢ်ဝဲစံးဒံၣ်, စ့ၢ်, ဃးမး, ရကး, ကံးနရ့း,

လံာ်စီၤယိၤၡူ 19:37

က့ဒ့ၣ်, အ့ဒြံၤ, ဧ့ၣ်ဃစိၢ်, ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနးဒီးဘ့ၤသၡ့ မ့ၣ်န့ၣ်လီၤ. မ့ၢ်ဝ့ၢ်တဆံနွံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်စီၤယိၤၡူ 21:32

လၢပှၤနးသၤလံအကီၢ်တခီ, အဝဲသ့ၣ်ဒိးန့ၢ်ဘၣ်ဝဲဝ့ၢ်သၢဖျၢၣ်လၢအမ့ၢ်ဝဲက့ဒ့ၣ်လၢကီၢ် ကၤလံၤလါ (တၢ်ပူၤဖျဲးအဝ့ၢ်အကျါတဝ့ၢ်,) ဃၤမိးဒိၣ်ဒီးကၢ်တၢ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:1

ဒီးလၢမုၢ်တနံၤန့ၣ်နီၢ်ဒဘိရၤဒီးစီၤအဘံနိၣ်အဖိခွါစီၤဘါရး သးဝံၣ်တၢ်သးဝံၣ်အံၤန့ၣ်လီၤ.

လံာ်ပှၤစံၣ်ညီၣ်ကွီၢ် 6:35

အဝဲဆှၢလီၤပှၤစိာ်တၢ်ကစီၣ်တဖၣ်သကုၤပှၤမနၤၡ့ၤဖိအကီၢ်ခံကပၤလိာ် လၢကကိးအဝဲသ့ၣ်ဒ်သိးအကပိာ်ထွဲအခံန့ၣ်လီၤ. အဝဲဆှၢလီၤပှၤစိာ်တၢ်ကစီၣ်တဖၣ်ဆူပှၤအၤၡ့ၢ်, ပှၤစဘူလိၣ်ဒီးပှၤနးသၤလံအဒူၣ်တဖၣ်အအိၣ်ဒီး အဝဲသ့ၣ်စ့ၢ်ကီးဟဲပာ်ဖှိၣ်ထီၣ်အသးဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 8:18

တုၤနုၤတစု, စီၤကံးဒဧိၣ်သံကွၢ်စီၤစ့ဘၤဒီးစီၤစးလမူနၤ, “ပှၤလၢသုမၤသံကွံာ်အီၤလၢဝ့ၢ်တၤဘိၢ်တဖၣ်န့ၣ်မ့ၢ်ပှၤဒ်လဲၣ်တဖၣ်လဲၣ်.” ဒီးအဝဲသ့ၣ်စံးဆၢဝဲဒၣ်, “အဝဲသ့ၣ်လီၤဂာ်ဒီးသုလီၤ. အဝဲသ့ၣ်ကိးဂၤဒဲးန့ၣ်, လီၤဂာ်ဒီးစီၤပၤအဖိခွါတဖၣ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 10:3

နကလဲၤတၢ်ဖဲန့ၣ်တုၤလၢနဟဲတုၤဆူသ့ၣ်စီဆှံလၢဝ့ၢ်တၤဘိၣ် ဖဲနကဘၣ်သဂၢၢ်ဒီးပှၤသၢဂၤလၢအလဲၤတၢ်ဒ်သိးကလုၢ်ထီၣ်တၢ်လုၢ်တၢ်ပာ်တမံၤ ဆူယွၤအအိၣ်လၢဝ့ၢ်ဘ့ၤသ့လးန့ၣ်လီၤ. လၢအကျါတဂၤန့ၣ်ကဆှၢမဲာ်တဲးလဲးသးစၢ်ဖိသၢဒု, အဂၤတဂၤန့ၣ်ကစိာ်ကိၣ်သၢဖျၢၣ်ဒီးသၢဂၤတဂၤန့ၣ်ကအိၣ်ဒီးထၢၣ် တၢ်ဖံးပှဲၤဒီးစပံးထံတထၢၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:11

ဒီးယွၤဆှၢလီၤစီၤကံးဒဧိၣ်, ဝံၤဒီးစီၤဘါရးဝံၤဒီးစီၤ ယံးဖသၤဒီးလီၢ်ခံကတၢၢ်မ့ၢ်ယၤန့ၣ်လီၤ. ပဝဲတဂၤစုာ်စုာ်ပအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစု ပူၤဒီးသုအိၣ်မူလၢတၢ်ဘံၣ်တၢ်ဘၢတၢ်ပူၤဖျဲးအပူၤလီၤ.