လံာ်ပှၤစံၣ်ညီၣ်ကွီၢ် 4:5 - Sgaw Karen Common Bible

⁵ အဝဲညီနုၢ်ဆ့ၣ်နီၤလၢသ့ၣ်စူၣ်ပလိၣ်တထံးအဖီလာ်ဖဲဝ့ၢ်ရၤမါ ဒီးဝ့ၢ်ဘ့ၤသ့လးအဘၢၣ်စၢၤလၢအ့ဖရဲၣ်ကစၢၢ်ကလိ, ဒီးအံၣ်စရ့လးအပှၤဂီၢ်မုၢ်ဘၣ်လဲၤဖဲန့ၣ် လၢအဝဲတၢ်စံၣ်ညီၣ်နီၤဖးအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:5 Iomraidhean Croise

လံာ်တၢ်ကဲထီၣ်အခီၣ်ထံး 35:8

နီၢ်ဒဘိရၣ်, ပှၤလၢအကွၢ်နီၢ်ရံးဘကၤသံဝဲဒီးဘၣ်တၢ်ခူၣ်လီၤ အီၤဖဲသ့ၣ်သ့ထိးဖၣ်အခီၣ်ထံးလၢအအိၣ်ဝဲဖဲဝ့ၢ်ဘ့ၤသ့လးအက လံၤထံးန့ၣ်လီၤ. ဒီးတၢ်လီၢ်အံၤဘၣ်တၢ်ကိးအီၤလၢ “အးလိၣ်ဘၤ ကူာ်” အခီပညီ, “တၢ်ဟီၣ်တၢ်ယၢၤအသ့ၣ်သ့ထိးဖၣ်” န့ၣ်လီၤ.

လံာ်တၢ်ဟးထီၣ်ကွံာ် 18:13

လၢခံတနံၤန့ၣ်စီၤမိၤၡ့မၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်လၢပှၤဂီၢ်မုၢ်အကျါဒီးအတၢ်မၤအါဝဲစးထီၣ်လၢမုၢ်ဂီၤ တုၤလီၤလၢမုၢ်နၤတစုန့ၣ်လီၤ.

လံာ်တၢ်ဟးထီၣ်ကွံာ် 18:16

ဖဲပှၤခံဂၤအိၣ်ဒီးတၢ်ဂ့ၢ်လိာ်ဘှီလိာ်တမံၤန့ၣ်အဝဲသ့ၣ်ဟဲ ဆူယအိၣ်ဒီးယစံၣ်ညီၣ်တဲာ်လၢအဝဲသ့ၣ်ခံဂၤအကျါမ့ၢ်မတၤအတၢ် ဘၣ်လဲၣ်ဒီးယတဲဘၣ်အဝဲသ့ၣ်လၢကစၢ်ယွၤအတၢ်မၤလိာ်တဖၣ်ဒီးအတၢ် သိၣ်တၢ်သီတဖၣ်န့ၣ်လီၤ.”

လံာ်တၢ်ဟးထီၣ်ကွံာ် 18:19

ခဲကနံၣ်အံၤ, ပျဲယဟ့ၣ်နၤလၢတၢ်ဟ့ၣ်ကူၣ်အဂ့ၤတနီၤတက့ၢ်. ဒီးကစၢ်ယွၤကအိၣ်ဒီးနၤလီၤ. တၢ်အိၣ်လၢကစၢ်ယွၤအမဲာ်ညါဒ်ပှၤဂီၢ်မုၢ်အခၢၣ်စးဒီးဟဲစိာ်အဝဲ သ့ၣ်အတၢ်ဂ့ၢ်လိာ်ဘှီလိာ်တဖၣ်ဆူအအိၣ်န့ၣ်မ့ၢ်တၢ်အဘၣ်လၢနဂီၢ် လီၤ.

လံာ်တၢ်ဟးထီၣ်ကွံာ် 18:26

ဒီးအဝဲသ့ၣ်မၤတၢ်လၢပှၤဂီၢ်မုၢ်အဂီၢ်ဒ်ပှၤစံၣ်ညီၣ်ကွီၢ်တဖၣ် အသိးထီဘိလီၤ. ကွီၢ်လၢအကီအခဲတဖၣ်န့ၣ်ဟဲစိာ်ဝဲဆူစီၤမိၤၡ့အအိၣ်ဒီးမ့ မ့ၢ်တၢ်ဂ့ၢ်လိာ်ဘှီလိာ်အဆံးတဖၣ်န့ၣ်စံၣ်ညီၣ်တဲာ်ဝဲလၢအဝဲ သ့ၣ်အကစၢ်ဒၣ်ဝဲန့ၣ်လီၤ.

လံာ်ယံးရမံယၤ 31:15

ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်စီၤယိၤၡူ 16:2

ဝံၤဒီးလဲၤထီၣ်လၢဝ့ၢ်ဘ့ၤသ့လးဆူဝ့ၢ်လူးစးဒီးလဲၤတုၤ လၢဧးတၤရိးလၢအမ့ၢ်ပှၤအၢ်ကံဖိအကီၢ်,

လံာ်စီၤယိၤၡူ 18:22

ဘ့ၤသဧါရဘၤ, စမၤရဲၣ်, ဘ့ၤသ့လး,

လံာ်စီၤယိၤၡူ 18:25

အိၣ်စ့ၢ်ကီးဒီးဝ့ၢ်ကံးဘိၣ်, ရၤမါ, ဘအ့ရိး, မံးစပၤ, ကဖံရၤ, မိစၤ,

လံာ်ပှၤစံၣ်ညီၣ်ကွီၢ် 4:4

ဒီးစီၤလံးပံအမါနီၢ်ဒဘိရၤမ့ၢ်ဝံမုၣ်တဂၤလၢအမၤတၢ်ဒ်ပှၤစံၣ်ညီၣ်ကွီၢ်တဂၤ လၢပှၤအံၣ်စရ့လးဖိတဖၣ်အဂီၢ်ဖဲအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:19

မုၢ်ဆ့ၣ်ထီၣ်တနံၤန့ၣ်, စီၤအ့လကါနၤဒီးအဟံၣ်ဖိဃီဖိပၢၢ်ထီၣ်ဂီၤဂီၤဒီးဘူၣ်ထီၣ်ဘါထီၣ်ယွၤဝံၤ, အဝဲသ့ၣ်က့ၤကဒါက့ၤဆူဝ့ၢ်ရၤမါလီၤ. စီၤအ့လကါနၤမံဃုာ်ဒီးအမါနီၢ်ဃးနၤဒီး ယွၤစံးဆၢပိာ်မုၣ်န့ၣ်အတၢ်ထုကဖၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:6

ဘၣ်မုၢ်တနံၤန့ၣ်စီၤစီလူးအိၣ်လၢဝ့ၢ်ကံဘဧၤဒီးဆ့ၣ်နီၤလၢ သ့ၣ်ဒိၣ်ဃံဒိၣ်ကမီာ်ဖိတထံးအဖီလာ်လၢတၢ်လူၢ်ဒီခိၣ်ဒီးစိာ် ဃာ်ဝဲဘီလၢအစုပူၤဒီးအသုးခိၣ်သုးနၢ်တဖၣ်ဆၢထၢၣ်ဝးတရံး အီၤန့ၣ်လီၤ. အဝဲဘၣ်တၢ်တဲဘၣ်အီၤလၢစီၤဒၤဝံး ဒီးအပှၤတဖၣ်ဘၣ်တၢ်ထံၣ်န့ၢ်အီၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:1

စီၤၡမူၤအ့လးသံဝဲဒီးကယဲၢ်ပှၤအံၣ်စရ့လးဖိတဖၣ်ဟဲသကိး ဒီးဟီၣ်တၢ်ယၢၤတၢ်လၢအဃိလီၤ. အန့ၣ်ဝံၤဒီးအဝဲသ့ၣ်ခူၣ်လီၤအီၤလၢအဟံၣ်လၢဝ့ၢ်ရၤမါအပူၤ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.