လံာ်ပှၤစံၣ်ညီၣ်ကွီၢ် 4:3 - Sgaw Karen Common Bible

³ စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:3 Iomraidhean Croise

စံးထီၣ်ပတြၢၤ 106:42

အဒုၣ်အဒါတဖၣ်မၤနးမၤဖှီၣ်အီၤ ဒီးအဝဲသ့ၣ်ဘၣ်တၢ်ဆီၣ်လီၤအီၤလၢ အဒုၣ်အဒါတဖၣ်အတၢ်စိတၢ်ကမီၤအဖီလာ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

လံာ်တၢ်ဟးထီၣ်ကွံာ် 2:23

အါနံၣ်အါလါပူၤကွံာ်ဝံၤအလီၢ်ခံန့ၣ်ကီၢ်အဲၤကူပတူးအစီၤ ပၤသံဝဲဒၣ်လီၤ. ဘၣ်ဆၣ်ဒီးပှၤအံၣ်စရ့လးဖိတဖၣ်ကအုကစွါဝဲ လၢအဘၣ်တၢ်မၢကဲကုၢ်အဃိဒီးကိးပသူထီၣ်လၢတၢ်မၤစၢၤအဂီၢ် လီၤ. ဒီးအဝဲသ့ၣ်အတၢ်ကိးပသူထီၣ်ဘးဆူကစၢ်ယွၤအအိၣ်လီၤ.

လံာ်သိၣ်လီၤသီလီၤတၢ် 28:29

သုကဟးပုာ်ကလၢၢ်တၢ်လၢမုၢ်ထူၣ်အခါဒ်ပှၤမဲာ်ဘျီၣ်တဂၤအသိး, ဒီးသုဃုထံၣ်သုကျဲတသ့ဝဲဘၣ်. လၢသုမၤတၢ်တမံၤလၢ်လၢ်အပူၤန့ၣ်, သုတဘီၣ်ထီၣ်ညီထီၣ်ဘၣ်. သုကဘၣ်တၢ်မၤနၢၤမၤပ့ၤသုဒီးဂုာ်န့ၢ်ဝာ်န့ၢ်သုတပယူာ်ဃီ ဒီးပှၤတအိၣ်ဘၣ်လၢကမၤစၢၤသုနီတဂၤဘၣ်.

လံာ်သိၣ်လီၤသီလီၤတၢ် 28:33

ပှၤကလုာ်တကလုာ်လၢထံဂၤကီၢ်ဂၤတခီကဟံးန့ၢ်ကွံာ်ကယဲၢ်တၢ်မုၢ် တၢ်ဘိတၤသူတၤသၣ်တဖၣ်လၢသုကျဲးစၢးမၤတ့ၢ်ဆူၣ်ဆူၣ်ဒီးသူၣ် လီၤဖျးလီၤအီၤ, ဖဲသုတဒိးန့ၢ်တၢ်နီတမံၤဘၣ်, မ့မ့ၢ်တခီသုဘၣ်တၢ်မၤနၢၤမၤပ့ၤ, မၤအၢမၤနးသုဆါဆါကလဲာ် တပယူာ်ဃီန့ၣ်လီၤ.

လံာ်စီၤယိၤၡူ 17:16

အဝဲသ့ၣ်စံးဆၢဝဲ, “ကစၢၢ်ကလိအကီၢ်အံၤတလၢလၢပဂီၢ်ဘၣ်. ဘၣ်ဆၣ်ဒီးပှၤကနၤဧၣ်ဖိလၢပျီတဖၣ်န့ၣ်အိၣ်ဒီးလ့ၣ်ကဟၣ်ထးဒီးဒ်န့ၣ်အသိး, ပှၤလၢအအိၣ်လၢဝ့ၢ်ဘ့ၤသၡၣ်ဒီးဝ့ၢ်ဖိဝးတရံးအီၤတဖၣ်ဒီးပှၤ လၢအအိၣ်လၢဝ့ၢ်ယံးစရ့လးအကစၢၢ်ကဆူးတဖၣ်န့ၣ်အိၣ်စ့ၢ်ကီးဒီး လ့ၣ်ကဟၣ်ထးလီၤ.”

လံာ်ပှၤစံၣ်ညီၣ်ကွီၢ် 1:19

ယွၤအိၣ်ဒီးယူဒၤ, ဒီးအဝဲမၤန့ၢ်ကွံာ်ကစၢၢ်ကလိအထံ အကီၢ်ဒ်အတၢ်န့ၢ်သါ, ဘၣ်ဆၣ်နီၣ်ထီၣ်ကွံာ်ပှၤအိၣ်ဝဲ ဆိးဝဲလၢတၢ်ပၢၤခိၣ်တဖၣ်တသ့ဘၣ်, မ့ၢ်လၢအဝဲသ့ၣ်အိၣ်ဒီးအလ့ၣ်ကဟၣ်ထးတဖၣ်အဃိန့ၣ်လီၤ.

လံာ်ပှၤစံၣ်ညီၣ်ကွီၢ် 10:10

တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:9

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.

လံာ်ပှၤစံၣ်ညီၣ်ကွီၢ် 4:13

အဝဲကိးဖှိၣ်အလ့ၣ်ကဟၣ်ဒုးသုးထးအဆိခွံကယၤဒီးအပှၤတဖၣ်ခဲလၢာ်ဒီး ဆှၢအီၤစးထီၣ်လၢပှၤကလုာ်ဂၤတဖၣ်အဝ့ၢ်ဃရိၡ့းတုၤဆူ ထံကျိကံၡိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:4

ဒီးစီၤလံးပံအမါနီၢ်ဒဘိရၤမ့ၢ်ဝံမုၣ်တဂၤလၢအမၤတၢ်ဒ်ပှၤစံၣ်ညီၣ်ကွီၢ်တဂၤ လၢပှၤအံၣ်စရ့လးဖိတဖၣ်အဂီၢ်ဖဲအကတီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 5:8

ဒီးဖဲပှၤအံၣ်စရ့လးဖိဃုထၢကစၢ်အသီတဖၣ်န့ၣ်, တၢ်ဒုးတၢ်ယၤအိၣ်ထီၣ်လၢကီၢ်န့ၣ်အပူၤလီၤ. လၢအံၣ်စရ့လးပိာ်ခွါလွံၢ်ကလးအကျါမ့ၢ်ပှၤစိာ်ကတီၤမ့ၢ်ဂ့ၤ, ဘီမ့ၢ်ဂ့ၤတဂၤဂၤန့ၣ်ဧါ.

လံာ်ပှၤစံၣ်ညီၣ်ကွီၢ် 6:6

ဒီးပှၤအံၣ်စရ့လးဖိမၤစၢၤလီၤအသးလၢကထီဒါအဝဲသ့ၣ်တသ့ဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:8

ဒီးအဝဲသ့ၣ်စံးဘၣ်စီၤၡမူၤအ့လး, “ဘါထုကဖၣ်တၢ်တထံၣ်ဃီဆူကစၢ်ယွၤ အအိၣ်လၢအကအုၣ်က့ၤခီၣ်က့ၤပှၤလၢပှၤဖလ့ၡသးဖိအစုပူၤတက့ၢ်.”