လံာ်ပှၤစံၣ်ညီၣ်ကွီၢ် 4:21 - Sgaw Karen Common Bible

²¹ စီၤစံစရၤလီၤဘှံးလီၤတီၤတုၤဒၣ်လဲာ်အဝဲမံဘၣ်အသးလၢတၢ်မံယိာ်အပူၤလီၤ. တုၤနုၤတစုနီၢ်ယဧ့လးဟံးန့ၢ်ခံၣ်ခူၣ်တဘိဒီးဒဲအနီၣ်စဲတဘိ ဝံၤလဲၤဝဲကယီကယီဆူအအိၣ် ဒီးတီၢ်နုာ်နီၣ်ခိၣ်စူန့ၣ်လိၤလိၤဖဲအနၢ်သက့ၤထံးတုၤအဖျိကွံာ် ဒီးဆဲးတံၢ်အသးလၢဟီၣ်ခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:21 Iomraidhean Croise

စံးထီၣ်ပတြၢၤ 3:7

ယွၤဧၢ, ဂဲၤဆၢထၢၣ်တက့ၢ်. ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. နကျီကွံာ်လံယဒုၣ်ယဒါအခၣ်ဃံခဲလၢာ်လံ. နမၤပိာ်လံပှၤတတီတလိၤဘၣ်တဖၣ်အမဲလံ.

1 ကရံၣ်သူး 1:19

အဂ့ၢ်ဒ်အံၤတၢ်ကွဲးအသးစံးဝဲ, “ယကမၤဟးဂီၤကွံာ်ပှၤကူၣ်သ့အတၢ်ကူၣ်ဘၣ်ကူၣ်သ့ဒီး တၢၤကွံာ်ပှၤသ့လံာ်သ့လဲၢ်တဖၣ်အတၢ်သ့ၣ်ညါနၢ်ပၢၢ်န့ၣ် လီၤ.”

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.

လံာ်ပှၤစံၣ်ညီၣ်ကွီၢ် 15:15

တုၤနုၤတစု, အဝဲထံၣ်န့ၢ်ကသ့ၣ်ယီၤသံတယံာ်ဒံးဘၣ်အခၣ်ဃံတဘိ န့ၣ်လီၤ. အဝဲထၢထီၣ်ဝဲဒီးမၤသံကွံာ်ပှၤတကထိဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:21

စီၤအ့ဟူာ်ထုးထီၣ်နးလၢအအိၣ်လၢအကံၣ်ဒုၣ်အထွဲတကပၤန့ၣ် လၢအစုစ့ၣ်ဒီးဆဲးဖျိစီၤပၤအဟၢဖၢန့ၣ်လီၤ.

လံာ်ပှၤစံၣ်ညီၣ်ကွီၢ် 3:31

ပှၤခိၣ်ပှၤနၢ်လၢခံတဂၤန့ၣ်မ့ၢ်ဝဲစီၤဧးနးအဖိခွါစီၤၡးမကၢ်န့ၣ်လီၤ. အဝဲစ့ၢ်ကီးမၤပူၤဖျဲးပှၤအံၣ်စရ့လးဖိခီဖျိအမၤသံပှၤ ဖလ့ၡသးဖိအဂၤဃုကယၤ လၢနီၣ်ဆဲးကျီၢ်တဘီန့ၣ်လီၤ.

လံာ်ပှၤစံၣ်ညီၣ်ကွီၢ် 4:20

တုၤနုၤတစုအဝဲစံးဘၣ်ပိာ်မုၣ်န့ၣ်, “ဆၢထၢၣ်ဖဲဒဲအကျဲစၢၤ န့ၣ်, ဒီးပှၤတဂၤဂၤမ့ၢ်သံကွၢ်နၤလၢမ့ၢ်ပှၤအိၣ်ဖဲအံၤတဂၤဂၤဧါန့ၣ်, စံးလၢတအိၣ်ဘၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 4:22

ဖဲစီၤဘါရးဟဲလူၤဃုစီၤစံစရၤန့ၣ်, နီၢ်ယဧ့လးဟဲထီၣ်သဂၢၢ်အီၤဒီးစံးဘၣ်အီၤ, “ဟဲဖဲအံၤတက့ၢ်. ယကဒုးနဲၣ်နၤပှၤလၢနဃုအီၤတဂၤန့ၣ်လီၤ.” မၤသးဒ်န့ၣ်ဒီးအဝဲလဲၤပိာ်ထွဲပိာ်မုၣ်န့ၣ်အခံ, ဒီးထံၣ်ဘၣ်စီၤစံစရၤသံလၢဟီၣ်ခိၣ်လိၤအိၣ်ဒီးနီၣ်ပျၤဆဲးဖျိအခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:9

နီၢ်ဒဘိရၤစံးဆၢဝဲဒၣ်, “ဂ့ၤလံ. ယကလဲၤဒီးနၤလီၤ. ဘၣ်ဆၣ်ဒီးနတမၤန့ၢ်တၢ်မၤနၢၤအတၢ်လၤကပီၤအံၤဘၣ်. အဂ့ၢ်ဒ်အံၤ, ကစၢ်ယွၤကဟ့ၣ်လီၤစီၤစံစရၤဆူပိာ်မုၣ်တဂၤအစုပူၤန့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:43

အဝဲစံးဘၣ်စီၤဒၤဝံး, “နီၣ်က့တဘိန့ၣ်မ့ၢ်လၢမနုၤအဂီၢ်လဲၣ်. နဆိကမိၣ်ယမ့ၢ်ထွံၣ်တဒုဧါ.” ဒီးအဝဲဆိၣ်အၢစီၤဒၤဝံးလၢအဝဲအကစၢ်တဖၣ်အမံၤလီၤ.