လံာ်ပှၤစံၣ်ညီၣ်ကွီၢ် 4:19 - Sgaw Karen Common Bible

¹⁹ ဒီးအဝဲစံးဘၣ်ပိာ်မုၣ်န့ၣ်, “ဟ့ၣ်ဒုးအီယၤလၢထံတလီခီတက့ၢ်. တၢ်သူယသးလၢထံလီၤ”. ပိာ်မုၣ်န့ၣ်အိးထီၣ်ထၢၣ်တၢ်ဖံးလၢတၢ်ဒၢနုာ်တၢ်နုၢ်ထံ ဒီးဒုးအီအီၤဝံၤလုးဘၢကဒါက့ၤကဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:19 Iomraidhean Croise

လံာ်တၢ်ကဲထီၣ်အခီၣ်ထံး 24:43

အခဲအံၤယအိၣ်ဖဲထံပူၤအံၤလီၤ. ဒီးတုၤပိာ်မုၣ်သးစၢ်တဂၤဟဲ ထီၣ်ဒ်သိးအကဒၢၣ်ထံန့ၣ်ယကဃ့အီအီၤထံလၢထံသပၢၤအပူၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 17:10

လၢတၢ်န့ၣ်အဃိစီၤအ့ၤလံယၤလဲၤဃီၤဆူဝ့ၢ်စၤရဖၤသး, ဒီးတုၤအဟဲဝဲဆူဝ့ၢ်အတြဲၤဖးဒိၣ်န့ၣ်အဝဲထံၣ်ဃီၤမုၣ်ကမဲ တဂၤထၢဖှိၣ်သ့ၣ်မုၣ်ဒ့လီၤ. အဝဲစံးဘၣ်အီၤ, “ဝံသးစူၤဟဲစိာ်န့ၢ်ယၤထံအီတခွးတက့ၢ်.”

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယိၤဟၣ် 4:7

ပှၤၡၤမရံမုၣ်တဂၤဟဲဒၢၣ်ထံဒီးယ့ၣ်ၡူးစံးဘၣ် အီၤ, “ဟ့ၣ်ဒုးအီယၤလၢထံတက့ၢ်.”

လံာ်ပှၤစံၣ်ညီၣ်ကွီၢ် 4:18

နီၢ်ယဧ့လးလဲၤထီၣ်သဂၢၢ်စီၤစံစရၤဒီးစံးဘၣ်အီၤ, “တၢ်ဒိၣ်ဧၢ, ဟဲနုာ်ဆူယဒဲပူၤတက့ၢ်. ပျံၤတၢ်တဂ့ၤ”. မၤသးဒ်န့ၣ်ဒီးအဝဲလဲၤနုာ်ဝဲဒၣ်လီၤ. ဒီးပိာ်မုၣ်န့ၣ်လုးဘၢအီၤလၢယၣ်တဘ့ၣ်လီၤ.

လံာ်ပှၤစံၣ်ညီၣ်ကွီၢ် 4:20

တုၤနုၤတစုအဝဲစံးဘၣ်ပိာ်မုၣ်န့ၣ်, “ဆၢထၢၣ်ဖဲဒဲအကျဲစၢၤ န့ၣ်, ဒီးပှၤတဂၤဂၤမ့ၢ်သံကွၢ်နၤလၢမ့ၢ်ပှၤအိၣ်ဖဲအံၤတဂၤဂၤဧါန့ၣ်, စံးလၢတအိၣ်ဘၣ်န့ၣ်တက့ၢ်.”

လံာ်ပှၤစံၣ်ညီၣ်ကွီၢ် 5:24

ပိာ်မုၣ်လၢအဘူၣ်အတီၢ်ဂ့ၤကတၢၢ်မ့ၢ်ဝဲနီၢ်ယဧ့လး, ပှၤက့ၣ်ဖိစီၤဃ့ဘ့ၢ်အမါ, ပှၤအဘူၣ်အတီၤဂ့ၤကတၢၢ်လၢပိာ်မုၣ်တဖၣ်အကျါလၢအအိၣ်ဆိးလၢဒဲ တဖၣ်အပူၤန့ၣ်လီၤ.