လံာ်ပှၤစံၣ်ညီၣ်ကွီၢ် 4:18 - Sgaw Karen Common Bible

¹⁸ နီၢ်ယဧ့လးလဲၤထီၣ်သဂၢၢ်စီၤစံစရၤဒီးစံးဘၣ်အီၤ, “တၢ်ဒိၣ်ဧၢ, ဟဲနုာ်ဆူယဒဲပူၤတက့ၢ်. ပျံၤတၢ်တဂ့ၤ”. မၤသးဒ်န့ၣ်ဒီးအဝဲလဲၤနုာ်ဝဲဒၣ်လီၤ. ဒီးပိာ်မုၣ်န့ၣ်လုးဘၢအီၤလၢယၣ်တဘ့ၣ်လီၤ.

လံာ်ပှၤစံၣ်ညီၣ်ကွီၢ် 4:18 Iomraidhean Croise

လံာ်စီၤပၤခံဘ့ၣ်တဘ့ၣ် 6:19

အန့ၣ်ဝံၤစီၤအလံၤၡါလဲၤဆူအဝဲသ့ၣ်အအိၣ်စံးဝဲဒၣ်, “သုကျဲကမၣ်လံ. တၢ်အံၤတမ့ၢ်ဘၣ်ဝ့ၢ်တဖျၢၣ်လၢသုကွၢ်ဃုန့ၣ် ဘၣ်. ပိာ်ယခံဒီးယကဆှၢသုဆူပှၤတဂၤလၢသုဃုအီၤအအိၣ်န့ၣ်လီၤ.” ဒီးအဝဲဆှၢအဝဲသ့ၣ်ဆူဝ့ၢ်ၡၤမရံန့ၣ်လီၤ.

လံာ်ပှၤစံၣ်ညီၣ်ကွီၢ် 4:17

စီၤစံစရၤဃ့ၢ်နုၢ်ဆူပှၤက့ၣ်ဖိစီၤဃ့ဘ့ၢ်အမါနီၢ်ယဧ့လး အဒဲပူၤလီၤ. အဂ့ၢ်ဒ်အံၤ, ဝ့ၢ်ဃါစိၢ်အစီၤပၤယၤဘံၣ်မၤတ့ၢ်တၢ်ဃူတၢ်ဖိးဒီးပှၤဃ့ဘ့ၢ်အဒူၣ်ဖိထၢဖိ န့ၣ်လီၤ.

လံာ်ပှၤစံၣ်ညီၣ်ကွီၢ် 4:19

ဒီးအဝဲစံးဘၣ်ပိာ်မုၣ်န့ၣ်, “ဟ့ၣ်ဒုးအီယၤလၢထံတလီခီတက့ၢ်. တၢ်သူယသးလၢထံလီၤ”. ပိာ်မုၣ်န့ၣ်အိးထီၣ်ထၢၣ်တၢ်ဖံးလၢတၢ်ဒၢနုာ်တၢ်နုၢ်ထံ ဒီးဒုးအီအီၤဝံၤလုးဘၢကဒါက့ၤကဒီးအီၤန့ၣ်လီၤ.