လံာ်ပှၤစံၣ်ညီၣ်ကွီၢ် 4:17 - Sgaw Karen Common Bible

¹⁷ စီၤစံစရၤဃ့ၢ်နုၢ်ဆူပှၤက့ၣ်ဖိစီၤဃ့ဘ့ၢ်အမါနီၢ်ယဧ့လး အဒဲပူၤလီၤ. အဂ့ၢ်ဒ်အံၤ, ဝ့ၢ်ဃါစိၢ်အစီၤပၤယၤဘံၣ်မၤတ့ၢ်တၢ်ဃူတၢ်ဖိးဒီးပှၤဃ့ဘ့ၢ်အဒူၣ်ဖိထၢဖိ န့ၣ်လီၤ.

လံာ်ပှၤစံၣ်ညီၣ်ကွီၢ် 4:17 Iomraidhean Croise

စံးထီၣ်ပတြၢၤ 107:40

အဝဲဒုးနဲၣ်အတၢ်သးဘၣ်အၢလၢ ပှၤလၢအမၤအၢမၤနးအဝဲသ့ၣ်, ဒီးဒုးလဲၤဝ့ၤဝီၤအဝဲသ့ၣ်လၢမဲးမုၢ်ခိၣ် လၢကျဲတအိၣ်ဘၣ်အပူၤန့ၣ်လီၤ.

စံးထီၣ်ပတြၢၤ 69:22

မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်. မ်အတၢ်အီၣ်လုၢ်ထီၣ်ပာ်ထီၣ်တဖၣ်အံၤ ကဲထီၣ်ပျံၤသကွီၤန့ၣ်တက့ၢ်.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

လံာ်ယၡါယၤ 57:21

ပှၤတၢ်ဒဲးဘးဖိတဖၣ်အဂီၢ်န့ၣ်, တၢ်ပူၤဖျဲးတအိၣ်ဘၣ်.” ယွၤစံးဝဲဒၣ်.

လံာ်ဧၤမိၣ် 2:16

လၢမုၢ်တနံၤန့ၣ်ပှၤသုးဖိလၢအဒူအဃိၤကတၢၢ်တဖၣ် ဒၣ်လဲာ်ကတ့ၢ်လီၤကွံာ်အစုကဝဲၤဒီးဃ့ၢ်ကွံာ်လီၤ.” ယွၤကတိၤလံတၢ်လံ.

လံာ်ပှၤစံၣ်ညီၣ်ကွီၢ် 4:16

စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 4:18

နီၢ်ယဧ့လးလဲၤထီၣ်သဂၢၢ်စီၤစံစရၤဒီးစံးဘၣ်အီၤ, “တၢ်ဒိၣ်ဧၢ, ဟဲနုာ်ဆူယဒဲပူၤတက့ၢ်. ပျံၤတၢ်တဂ့ၤ”. မၤသးဒ်န့ၣ်ဒီးအဝဲလဲၤနုာ်ဝဲဒၣ်လီၤ. ဒီးပိာ်မုၣ်န့ၣ်လုးဘၢအီၤလၢယၣ်တဘ့ၣ်လီၤ.

လံာ်ပှၤစံၣ်ညီၣ်ကွီၢ် 5:24

ပိာ်မုၣ်လၢအဘူၣ်အတီၢ်ဂ့ၤကတၢၢ်မ့ၢ်ဝဲနီၢ်ယဧ့လး, ပှၤက့ၣ်ဖိစီၤဃ့ဘ့ၢ်အမါ, ပှၤအဘူၣ်အတီၤဂ့ၤကတၢၢ်လၢပိာ်မုၣ်တဖၣ်အကျါလၢအအိၣ်ဆိးလၢဒဲ တဖၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 5:6

လၢစီၤဧးနးအဖိခွါစီၤၡးမကၢ်အမုၢ်နံၤတဖၣ်လၢ နီၢ်ယဧ့လးအမုၢ်နံၤတဖၣ်အပူၤ, ပှၤလဲၤသကိးတၢ်ဒီဖုတဖၣ်တလဲၤခီဖျိလၢၤကီၢ်န့ၣ် အပူၤဘၣ်. ဒီးပှၤလဲၤတၢ်ဖိတဖၣ်သူဝဲကျဲအဂၤတဖၣ်န့ၣ်လီၤ.