လံာ်ပှၤစံၣ်ညီၣ်ကွီၢ် 4:16 - Sgaw Karen Common Bible

¹⁶ စီၤဘါရးလူၤထွဲလ့ၣ်ကဟၣ်ဒုးသုးတဖၣ်ဒီးပှၤသုးဖိတဖၣ်အခံ တုၤဆူပှၤကလုာ်ဂၤတဖၣ်အဝ့ၢ်ဃရိၡ့းဒီးစီၤစံစရၤအသုးမုၢ် ဒီဖုဘၣ်တၢ်မၤသံကွံာ်အီၤခဲလၢာ်လီၤ. ပှၤတအိၣ်လီၤတဲာ်ဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 4:16 Iomraidhean Croise

စံးထီၣ်ပတြၢၤ 104:35

မ်ပှၤတၢ်ဒဲးဘးဖိတဖၣ်ကလၢာ်ကွံာ်ဝဲလၢ ဟီၣ်ခိၣ်ချၢတက့ၢ်. ဒီးမ်ပှၤတတီတလိၤတဖၣ်သုတအိၣ်လၢၤတဂ့ၤ. ယသးဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 83:10

နမၤနၢၤကွံာ်အဝဲသ့ၣ်လၢဧံၤဒိၣ် ဒီးအခိၣ်တဖၣ်အုၣ်ကွံာ်လၢ ဟီၣ်ခိၣ်လိၤလီၤ.

စံးထီၣ်ပတြၢၤ 83:9

မၤအဝဲသ့ၣ်ဒ်နမၤပှၤမံးဒယၣ်ဖိအသိး, ဒီးဒ်စီၤစံစရၤ, ဒီးစီၤယၤဘံၣ်လၢထံကျိကံၡိၣ် အသိးန့ၣ်တက့ၢ်.

လံာ်တၢ်ဟးထီၣ်ကွံာ် 14:28

ထံဟဲက့ၤကဒါက့ၤဒီးလုၣ်ဘၢကွံာ်လ့ၣ်ကဟၣ်ဒုးသုးတဖၣ်, ပှၤနီၣ်တၢ်တဖၣ်ဒီးကယဲၢ်ပှၤအဲၤကူပတူးအသုးမုၢ်လၢအလူၤထွဲ ပှၤအံၣ်စရ့လးဖိတဖၣ်အခံဆူပီၣ်လဲၣ်ပူၤန့ၣ်လီၤ. ပှၤတဂၤဒၣ်လဲာ်တအိၣ်တ့ၢ်ဘၣ်.

လံာ်ယၡါယၤ 43:17

အဝဲဆှၢသုးမုၢ်ဂံၢ်ဆူၣ်ဘါဆူၣ်တဖုဆူတၢ်ဟးဂီၤ, သုးမုၢ်တဖုလၢအအိၣ်ဒီးလ့ၣ်ကဟၣ်တဖၣ်ဒီး ကသ့ၣ်တဖၣ်လီၤ. အဝဲသ့ၣ်လီၤဃံၤကွံာ်ဝဲဒီးတဂဲၤဆၢထၢၣ်က့ၤ နီတဘျီလၢၤဘၣ်. အဝဲသ့ၣ်ဘၣ်တၢ်မၤပံာ်ကွံာ်အီၤဒ်မ့ၣ်အူဒၢ အမ့ၣ်အူလၣ်အသိးလီၤ.

ရိမ့ၤ 2:12

ပှၤလၢတအိၣ်ဘၣ်ဒီးတၢ်သိၣ်တၢ်သီဒီးမၤတၢ်ဒဲးဘးတဖၣ်န့ၣ်, ကတုၤလၢတၢ်ဟးဂီၤလၢအတၢ်တအိၣ်ဘၣ်ဒီးတၢ်သိၣ်တၢ်သီ အဃိ, ဒီးပှၤလၢအမၤတၢ်ဒဲးဘးလၢတၢ်သိၣ်တၢ်သီအဖီလာ် တဖၣ်န့ၣ်, ကဘၣ်တၢ်စံၣ်ညီၣ်အီၤလၢတၢ်သိၣ်တၢ်သီန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်စီၤယိၤၡူ 10:10

ဒီးယွၤဒုးလီၤဘၣ်တၢ်ပျံၤတၢ်ဖုးလၢပှၤအမိၢ်ဖိတဖၣ်အလိၤဖဲ အထံၣ်ဘၣ်အံၣ်စရ့လးအသုးမုၢ်န့ၣ်လီၤ. ပှၤအံၣ်စရ့လးဖိ တဖၣ်မၤသံကွံာ်အဝဲသ့ၣ်ဖဲဝ့ၢ်ကံးဘိၣ်ဒီးလူၤလီၤအဝဲသ့ၣ် လၢကျဲလဲၤဆူဝ့ၢ်ဘ့ၤသဃိရိၣ်, ဒီးကျီကွံာ်အီၤပၢၢ်လၢဝ့ၢ်ဧစ့ ကၤဒီးဝ့ၢ်မးက့ဒၤန့ၣ်လီၤ.

လံာ်စီၤယိၤၡူ 11:8

ဒီးယွၤဟ့ၣ်လီၤအဝဲသ့ၣ်လၢအံၣ်စရ့လးဖိအစုပူၤဒီးဘၣ်တၢ်ကျီ သံကွံာ်အီၤဒီးလူၤအီၤပၢၢ်တုၤလၢဝ့ၢ်စံဒိၣ်ဖးဒိၣ်ဒီး ဝ့ၢ်မံးစြဖိးမၤယံၣ်လၢကလံၤစိးတကပၤ, ဒီးပၢၢ်တုၤလၢမံးစပၤ တၢ်ပၢၤခိၣ်ကစၢၢ်ကဆူးလၢမုၢ်ထီၣ်တကပၤန့ၣ်လီၤ. တၢ်ဒုးမၤအသးတုၤလၢဒုၣ်ဒါတအိၣ်မူလၢၤနီတဂၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:17

စီၤစံစရၤဃ့ၢ်နုၢ်ဆူပှၤက့ၣ်ဖိစီၤဃ့ဘ့ၢ်အမါနီၢ်ယဧ့လး အဒဲပူၤလီၤ. အဂ့ၢ်ဒ်အံၤ, ဝ့ၢ်ဃါစိၢ်အစီၤပၤယၤဘံၣ်မၤတ့ၢ်တၢ်ဃူတၢ်ဖိးဒီးပှၤဃ့ဘ့ၢ်အဒူၣ်ဖိထၢဖိ န့ၣ်လီၤ.

လံာ်ပှၤစံၣ်ညီၣ်ကွီၢ် 4:2

လၢတၢ်န့ၣ်အဃိယွၤပျဲကနၤဧၣ်အစီၤပၤယၤဘံၣ်လၢအပၢတၢ်ဖဲ ဝ့ၢ်ဃါစိၢ်အပူၤ, လၢအကမၤနၢၤအဝဲသ့ၣ်န့ၣ်လီၤ. အဝဲအသုးခိၣ်ဖးဒိၣ်မ့ၢ်ဝဲစီၤစံစရၤလၢအအိၣ်လၢဝ့ၢ်ဃရိၡ့းဘၣ်ဃး ဒီးပှၤကလုာ်ဂၤတဖၣ်န့ၣ်လီၤ.