လံာ်ပှၤစံၣ်ညီၣ်ကွီၢ် 4:14 - Sgaw Karen Common Bible

¹⁴ တုၤနုၤတစုနီၢ်ဒဘိရၤစံးဘၣ်စီၤဘါရး, “လဲၤတက့ၢ်. ယွၤဆှၢနၤလီၤ. တနံၤအံၤအဝဲဟ့ၣ်လီၤနၤတၢ်မၤနၢၤလၢစီၤစံစရၤအဖီခိၣ်လီၤ.” မၤသးဒ်န့ၣ်ဒီးစီၤဘါရးဟဲလီၤလၢကစၢၢ်တၤဘိၢ်အဒီခိၣ်ဃုာ်ဒီးအပှၤတကလးဂၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:14 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 44:4

ဖဲအဝဲသ့ၣ်ဟးပူၤထီၣ်ဒီးဝ့ၢ်တယံၤအါအါဘၣ်န့ၣ်, စီၤယိၤသးစံးဘၣ်ဟံၣ်အတၢ်ခ့တၢ်ပှၤအခိၣ်, “လူၤပိာ်ထွဲပှၤတဖၣ်န့ၣ်အခံချ့ချ့တက့ၢ်. ဖဲနချုးန့ၢ်အဝဲသ့ၣ်န့ၣ်, သံကွၢ်အီၤ, ဘၣ်မနုၤအဟ့ၣ်ဆၢတၢ်အၢလၢတၢ်ဂ့ၤအဂီၢ်န့ၣ်လဲၣ်.

လံာ်စီၤၡမူၤအ့လးခံဘ့ၣ်တဘ့ၣ် 5:24

ဖဲသုနၢ်ဟူတၢ်လဲၤထီၣ်ဒုးတၢ်အသီၣ်လၢသ့ၣ်တဖၣ်အစိးခံန့ၣ်, လဲၤထီၣ်ဒုးတၢ်တက့ၢ်. အဂ့ၢ်ဒ်အံၤ, ယကလဲၤထီၣ်ဆိ လၢသုမဲာ်ညါလၢတၢ်မၤနၢၤကွံာ်ပှၤဖလ့ၡသးဖိအသုးမုၢ်အဂီၢ် န့ၣ်လီၤ.”

လံာ်ယၡါယၤ 52:12

တဘျီညါအံၤသုတဟးထီၣ်ဘၣ် လၢတၢ်ချ့ဒံးချ့ဒူးအပူၤဘၣ်. တမ့ၢ်သုကကျဲးစၢးဃ့ၢ်ပူၤဖျဲးကွံာ်န့ၣ်ဘၣ်. ယွၤသုကစၢ်ယွၤကဆှၢသုဒီးဒီဒၣ်အိၣ်ပှိၤသုလၢတၢ်ကိးကပၤ ဒဲးလီၤ.

လံာ်မံကၤ 2:13

ယွၤကအိးထီၣ်ကျဲလၢအဝဲသ့ၣ်အဂီၢ်ဒီးဆှၢပူၤထီၣ်အီၤလၢတၢ် စိာ်မၢကဲကုၢ်အလီၢ်န့ၣ်လီၤ. အဝဲသ့ၣ်ကလဲၤဖျိကွံာ်ဝ့ၢ်အတြဲၤတဖၣ်ဒီးဟးထီၣ်လၢတၢ်သဘျ့ အပူၤလီၤ. အဝဲသ့ၣ်အစီၤပၤ, ယွၤအနီၢ်ကစၢ်ဒၣ်ဝဲကဆှၢထီၣ်အီၤလီၤ.

လံာ်သိၣ်လီၤသီလီၤတၢ် 9:3

မ့မ့ၢ်ခဲကနံၣ်အံၤ, သုကထံၣ်ဘၣ်လၢသုနီၢ်ကစၢ်ဒၣ်သုဝဲလၢ ယွၤ, သုကစၢ်ယွၤကလဲၤဆိတၢ်လၢသုမဲာ်ညါလီၤဂာ်ဒ်မ့ၣ်အူအီၣ်တၢ် တပျုာ်တပျီၤအသိးန့ၣ်လီၤ. ယွၤကမၤနၢၤကွံာ်အဝဲသ့ၣ်, ဖဲသုလဲၤထီၣ်ဒုးတၢ်အခါ, ဒ်သိးသုကနီၣ်ထီၣ်ကွံာ်အဝဲသ့ၣ် ဒီးမၤဟးဂီၤကွံာ်အီၤချ့သဒံးဒ်အဝဲအၢၣ်လီၤတ့ၢ်ဝဲအသိး န့ၣ်လီၤ.

လံာ်စီၤယိၤၡူ 10:8

ယွၤစံးဘၣ်စီၤယိၤၡူ, “တဘၣ်ပျံၤအဝဲသ့ၣ်တဂ့ၤ. ယဟ့ၣ်လီၤတ့ၢ်နၤတၢ်မၤနၢၤလံ. ပှၤလၢအဆၢထၢၣ်ထီဒါနၤသ့တအိၣ်နီတဂၤဘၣ်.”

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 19:28

ဒီးအဝဲစံး, “ဂဲၤဆၢထၢၣ်ဒီးမ်ပလဲၤသကိးတက့ၢ်.” ဘၣ်ဆၣ်ဒီးတၢ်စံးဆၢတအိၣ်ဘၣ်နီတမံၤဘၣ်. ဒီးပာ်ထီၣ်အသံၣ်မါ လၢကသ့ၣ်ယီၤအလိၤ ဒီးစးထီၣ်အတၢ်လဲၤဆူဟံၣ်လီၤ.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:26

လၢမုၢ်ဆ့ၣ်ထီၣ်ဂီၤဂီၤတၢ်ခံးဒံးန့ၣ်စီၤၡမူၤအ့လးကိးစီၤ စီလူးလၢဟံၣ်ခိၣ်ဒုးအလိၤန့ၣ်, “ဂဲၤထၢၣ်တက့ၢ်. ယကဆှၢနၤဆူနကျဲအဖီခိၣ်လီၤ.” စီၤစီလူးဂဲၤထၢၣ်ဒီးအဝဲဒၣ်ဒီးစီၤၡမူၤအ့လးလဲၤထီၣ် သကိးဆူကျဲမုၢ်လိၤန့ၣ်လီၤ.