လံာ်ပှၤစံၣ်ညီၣ်ကွီၢ် 4:11 - Sgaw Karen Common Bible

¹¹ ဖဲအကတီၢ်အဝဲန့ၣ်, ပှၤက့ၣ်ဖိစီၤဃ့ဘ့ၢ်သူၣ်ထီၣ်အဒဲဘူးဒီးက့ဒ့ၣ်, ဖဲပျီစၤဧနဲၣ်အသ့ထိးဖၣ်တထံးအဃၢၤန့ၣ်လီၤ. အဝဲဟးဖးတ့ၢ်ဒီးပှၤက့ၣ်ဖိအဂၤတဖၣ်လၢအမ့ၢ်စီၤမိၤၡ့အမံၤပှၢ်စီၤဃိဘာ်အစၢၤအသွဲၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:11 Iomraidhean Croise

လံာ်တၢ်ဟးထီၣ်ကွံာ် 18:1

စီၤမိၤၡ့အမံၤပှၢ်ပိာ်ခွါ, ပှၤမံးဒယၣ်ဖိအပှၤလုၢ်တၢ်အခိၣ် စီၤယံးသရိၤနၢ်ဟူတၢ်ဂ့ၢ်ကိးမံၤလၢကစၢ်ယွၤမၤတၢ်လၢစီၤမိၤၡ့အဂီၢ်ဒီးကီၢ်အံၣ်စရ့လးအပှၤဂီၢ်မုၢ်အဂီၢ်ဖဲအထုးထီၣ်ကွံာ်အဝဲသ့ၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 2:18

ဒီးဖဲအဝဲသ့ၣ်က့ၤတုၤဆူအပၢ်စီၤရူၤအ့လးအအိၣ်န့ၣ်အပၢ်သံ ကွၢ်အဝဲသ့ၣ်, “တနံၤအံၤဘၣ်မနုၤလၢသုဟဲက့ၤဆိဝဲန့ၣ်လဲၣ်.”

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်တၢ်ဂံၢ် 10:29

ဒီးစီၤမိၤၡ့စံးဘၣ်အမါအဒီပုၢ်ဝဲၢ်ခွါ, ပှၤမံးဒယၣ်ဖိစီၤယံးသရိၣ်အဖိခွါစီၤဃိဘးစံးဝဲ, “ပကစးထီၣ်ပတၢ်လဲၤဆူတၢ်လီၢ်လၢယွၤစံးတ့ၢ်ဝဲလၢကဟ့ၣ်ပှၤ န့ၣ်လီၤ. အဝဲအၢၣ်လီၤအီလီၤတ့ၢ်ဝဲလၢကဒုးဘီၣ်ထီၣ်ညီထီၣ်အံၣ်စရ့လး အဃိဟဲဃုာ်ဒီးပှၤ, ဒီးပကဟ့ၣ်နီၤလီၤနၤလၢပတၢ်ဘီၣ်ထီၣ်ညီထီၣ်န့ၣ်လီၤ.”

လံာ်တၢ်ဂံၢ် 10:32

နမ့ၢ်ဟဲဃုာ်ဒီးပှၤန့ၣ်, ပကနီၤဟ့ၣ်နၤလၢကယဲၢ်တၢ်ဆိၣ်ဂ့ၤတဖၣ် လၢယွၤဟ့ၣ်လီၤပှၤတဖၣ်န့ၣ်လီၤ.”

လံာ်တၢ်ဂံၢ် 24:21

လၢအတၢ်ထံၣ်လၢညါခီအပူၤန့ၣ်အဝဲထံၣ်ဘၣ်ပှၤက့ၣ်ဖိတဖၣ်ဒီး အဲးထီၣ်အထးခိၣ်လၢဝံအကျိာ်ဒ်အံၤလီၤ. “တၢ်လီၢ်ဖဲသုအိၣ်ဆိးန့ၣ်အိၣ်လၢတၢ်ပူၤဖျဲးအပူၤ, အိၣ်ဘံၣ်အိၣ်ဘၢဒ်ထိၣ်အသွံတခါလၢအအိၣ်လၢလ့ဖးထီအဒီခိၣ်,

လံာ်စီၤယိၤၡူ 19:33

ဒီးအကီၢ်ဆၢန့ၣ်စးထီၣ်လၢတၢ် လီၢ်ယ့လ့ာ်ဒီးလဲၤဆူစဧးနဲၣ်အသ့ထိးဖၣ်အထူၣ်ဒီးအဒၣ်မံၤ, န့က့ာ်, ဒီးဝ့ၢ်ယးဘန့လးပၢၢ်တုၤလၢတၢ်လီၢ်လးကူၣ်ဒီးလဲၤ ကတၢၢ်လၢထံကျိယၢ်ဒ့ၣ်န့ၣ်လီၤ.

လံာ်စီၤယိၤၡူ 19:37

က့ဒ့ၣ်, အ့ဒြံၤ, ဧ့ၣ်ဃစိၢ်, ယံးရိၣ်, မံးကဒၤလ့လး, ဃိးရ့ၣ်, ဘ့ၤသၤနးဒီးဘ့ၤသၡ့ မ့ၣ်န့ၣ်လီၤ. မ့ၢ်ဝ့ၢ်တဆံနွံဖျၢၣ်ဃုာ်ဒီးဝ့ၢ်ဖိလၢအအိၣ်ဝးတရံးအီၤတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:12

ဖဲစီၤစံစရၤသ့ၣ်ညါလၢစီၤဘါရးလဲၤထီၣ်ဆူကစၢၢ်တၤဘိၢ်အလိၤန့ၣ်ဒီး,

လံာ်ပှၤစံၣ်ညီၣ်ကွီၢ် 4:6

တနံၤန့ၣ်အဝဲမၢပှၤလဲၤကိးစီၤအဘံနိၣ်အဖိခွါစီၤဘါရးအိၣ် လၢဝ့ၢ်က့ဒ့ၣ်လၢကီၢ်နးသးလံအပူၤဒီးစံးဘၣ်အီၤ, “ယွၤ, အံၣ်စရ့လးအကစၢ်ယွၤဟ့ၣ်လီၤနၤတၢ်မၤလိာ်တထံၣ်အံၤလီၤ. ဟံးန့ၢ်ပှၤနးသၤလံဖိဒီးပှၤစဘူလိၣ်ဖိအဒူၣ်အကျါအဂၤတကလး ဒီးဆှၢအီၤဆူကစၢၢ်တၤဘိၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 15:6

အဝဲဆှၢလီၤတၢ်ဟ့ၣ်ပလီၢ်ဆူပှၤက့ၣ်ဖိတဖၣ်, ပှၤလၢအမိၢ်ပၢ်ဖံဖုလၢပျၢၤတဖၣ်သူၣ်အိၣ်သးအိၣ်တ့ၢ်ပှၤ အံၣ်စရ့လးဖိတဖၣ်ဖဲအဝဲသ့ၣ်ဟးက့ၤလၢကီၢ်အဲၤကူပတူးအပူၤဒီးစံးဝဲ, “ဟးထီၣ်ကွံာ်ဒီးပာ်တ့ၢ်ပှၤဧမၤလ့းဖိတဖၣ်ဒ်သိးယသုတမၤသံ ဘၣ်သုဃုာ်ဒီးအဝဲသ့ၣ်တဖၣ်န့ၣ်တက့ၢ်.” မၤသးဒ်န့ၣ်ဒီး, ပှၤက့ၣ်ဖိတဖၣ်ဟးထီၣ်ကွံာ်ဝဲဒၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 27:10

စီၤအၤကံၣ်သံကွၢ်အီၤ, “ခဲအံၤတဘျီနလဲၤဒုးတၢ်ဂုာ်တၢ်ဖဲလဲၣ်.” စီၤဒၤဝံးစံးဆၢဝဲလၢ, အဝဲလဲၤလီၤဆူကီၢ်ယူဒၤအကလံၤထံး, မ့တမ့ၢ်ဆူပှၤယရၤဃမအ့လးဖိအဒူၣ်ထၢအလီၢ်ကဝီၤ, မ့တမ့ၢ်ပှၤက့ၣ်ဖိအိၣ်ဆိးအလီၢ်ကဝီၤန့ၣ်လီၤ.