လံာ်ပှၤစံၣ်ညီၣ်ကွီၢ် 4:1 - Sgaw Karen Common Bible

¹ ဖဲစီၤအ့ဟူာ်သံဝံၤအလီၢ်ခံန့ၣ်အံၣ်စရ့လးအပှၤဂီၢ်မုၢ် မၤကဒီးတၢ်ဒဲးဘးထီဒါယွၤန့ၣ်လီၤ.

လံာ်ပှၤစံၣ်ညီၣ်ကွီၢ် 4:1 Iomraidhean Croise

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

ဧ့ၤဘြံၤ 11:32

ယကဘၣ်စံးအါထီၣ်ဒံးတၢ်မနုၤလဲၣ်. အဂ့ၢ်ဒ်အံၤယမ့ၢ်စံး ကတိၤလၢစီၤကံးဒဧိၣ်, စီၤဘါရး, စီၤၡံၣ်ၡိၣ်, စီၤယံးဖသၤ, စီၤဒၤဝံး, စီၤၡမူၤအ့လးဒီးဝံတဖၣ်အဂ့ၢ်န့ၣ်တၢ်ဆၢကတီၢ် တမ့ၢ်ကလၢလၢယဂီၢ်ဘၣ်.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

လံာ်ပှၤစံၣ်ညီၣ်ကွီၢ် 10:6

မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:11

တုၤနုၤတစုကီၢ်အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါ ယွၤဒီးစးထီၣ်မၤဘဧၤလးအတၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 3:7

ကီၢ်အံၣ်စရ့လးအပှၤဂီၢ်မုၢ်သးပ့ၤနီၣ်ကွံာ်အကစၢ်ယွၤ, ဒီးမၤတၢ်ဒဲးဘးထီဒါအီၤ, ဒီးဘူၣ်ထီၣ်ဘါထီၣ်ဘဧၤလးဒီး အၡ့ရၤအတၢ်ဂီၤတၢ်ဖီၣ်တဖၣ်လီၤ.

လံာ်ပှၤစံၣ်ညီၣ်ကွီၢ် 6:1

မၤကဒီးတစု, အံၣ်စရ့လးအပှၤဂီၢ်မုၢ်မၤတၢ်ဒဲးဘးထီဒါယွၤ အဃိဒီး, အဝဲပျဲကီၢ်မံးဒယၣ်အပှၤဂီၢ်မုၢ်ပၢအဝဲသ့ၣ်နွံနံၣ်လီၤ.