လံာ်ပှၤစံၣ်ညီၣ်ကွီၢ် 3:9 - Sgaw Karen Common Bible

⁹ တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.

လံာ်ပှၤစံၣ်ညီၣ်ကွီၢ် 3:9 Iomraidhean Croise

လံာ်စီၤနဃ့မယၤ 9:27

ဒီးလၢတၢ်န့ၣ်အဃိနပျဲအဝဲသ့ၣ်အဒုၣ်အဒါတဖၣ်မၤနၢၤအီၤဒီး ပၢဘၣ်အဝဲသ့ၣ်န့ၣ်လီၤ. လၢအဝဲသ့ၣ်အတၢ်ကိၢ်တၢ်ဂီၤအပူၤန့ၣ်, အဝဲသ့ၣ်ကိးထီၣ်နၤလၢတၢ် မၤစၢၤအဂီၢ်, ဒီးနစံးဆၢအဝဲသ့ၣ်လၢမူခိၣ်န့ၣ်လီၤ. ဒီးလၢနတၢ်သးကညီၤဖးဒိၣ်အပူၤနဆှၢလီၤန့ၢ်အဝဲသ့ၣ်လၢခိၣ် နၢ်တဖၣ်လၢကအုၣ်က့ၤခီၣ်က့ၤအဝဲသ့ၣ်လၢအဒုၣ်အဒါတဖၣ်န့ၣ်လီၤ.

စံးထီၣ်ပတြၢၤ 22:5

အဝဲသ့ၣ်ကိးထီၣ်နၤဒီးနမၤပူၤဖျဲးအဝဲသ့ၣ်န့ၣ်လီၤ. အဝဲသ့ၣ်နာ်နၤ, ဒီးအသးတဟးဂီၤဘၣ်ဝဲဘၣ်.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

လံာ်စီၤယိၤၡူ 15:17

ဒီးစီၤကၤလ့းအဒီပုၢ်ဝဲၢ်စီၤ ကနးစးအဖိခွါစီၤဧီၤသန့လးဒုးန့ၢ်ဝ့ၢ်န့ၣ်သတးဒီး စီၤကၤလ့းဟ့ၣ်လီၤအဖိမုၣ်နီၢ်ဧၤကစ့ၤ လၢတၢ်တ့တၢ်ဖျီအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:13

စီၤကၤလ့းအပုၢ်စီၤကနးစးအဖိခွါစီၤဧီၤသန့လးမၤနၢၤဝ့ၢ်န့ၣ်သတးဒီး, စီၤကၤလ့းဖျီအီၤဒီးအဖိမုၣ်နီၢ်ဧၤကစ့ၤန့ၣ်လီၤ.

လံာ်ပှၤစံၣ်ညီၣ်ကွီၢ် 10:10

တုၤနုၤတစု, ပှၤအံၣ်စရ့လးဖိတဖၣ်ကိးထီၣ်ဆူယွၤအအိၣ်ဒီးစံး, “ပမၤတ့ၢ်တၢ်ဒဲးဘးထီဒါနၤလံ. အဂ့ၢ်ဒ်အံၤပညိကွံာ်တ့ၢ်နၤ, ပကစၢ်ယွၤဒီးဘူၣ်ထီၣ်ဘါထီၣ်ဘဧၤလးတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 2:16

တုၤနုၤတစုယွၤဟ့ၣ်လီၤပှၤအံၣ်စရ့လးဖိတဖၣ်လၢခိၣ်နၢ်တဖၣ် လၢကအုၣ်က့ၤခီၣ်က့ၤအဝဲသ့ၣ်လၢပှၤဂုာ်ဆူၣ်ပျိဆူၣ်တၢ်တဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:18

ဖဲယွၤဟ့ၣ်လီၤပှၤအံၣ်စရ့လးဖိလၢခိၣ်နၢ်တဘျီလၢ်လၢ်န့ၣ်, ယွၤမၤစၢၤအီၤဒီးအုၣ်က့ၤခီၣ်က့ၤပှၤဂီၢ်မုၢ်လၢအဒုၣ်အဒါတဖၣ်အစုပူၤဖဲခိၣ်နၢ်တဂၤန့ၣ်အိၣ်မူဒံးဝဲအဆၢကတီၢ်န့ၣ်လီၤ. ယွၤသးကညီၤအဝဲသ့ၣ်မ့ၢ်လၢအဝဲသ့ၣ်ကအုကစွါဝဲလၢ အတၢ်နးတၢ်ဖှီၣ်ဒီးတၢ်မၤအၢမၤနးအပူၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:8

မၤသးဒ်န့ၣ်ဒီးယွၤသးဒိၣ်ထီၣ်ပှၤအံၣ်စရ့လးဖိဒီးပျဲကီၢ်မ့းစပတၤမံအစီၤပၤကူၡၣ်ရံးၡၤသဲၣ် မၤနၢၤအဝဲသ့ၣ်ဒီးအဝဲပၢပှၤအံၣ်စရ့လးဖိဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 6:7

တုၤနုၤတစု, အံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်ထီဒါပှၤမံးဒယၣ်ဖိတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:10

အန့ၣ်တစု, အဝဲသ့ၣ်ကိးထီၣ်ဆူယွၤအအိၣ်လၢတၢ်မၤစၢၤအဂီၢ်ဒီး စံးဝဲ, “ပမၤတ့ၢ်တၢ်ဒဲးဘးလံ. အဂ့ၢ်ဒ်အံၤ, ပဃၣ်ကွံာ်ပသးလၢနအိၣ်ယွၤဧၢ, ဒီးဘူၣ်ထီၣ်ဘါထီၣ်ဘဧၤလးဒီးအၤၡတြိးတဖၣ်အတၢ်ဂီၤသိအသး န့ၣ်လီၤ. အုၣ်က့ၤခီၣ်က့ၤပှၤလၢပဒုၣ်ပဒါတဖၣ်အစုပူၤ, ဒီးပကဘူၣ်ထီၣ်ဘါထီၣ်နၤလီၤ.