လံာ်ပှၤစံၣ်ညီၣ်ကွီၢ် 3:5 - Sgaw Karen Common Bible

⁵ လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်အိၣ်ဝဲဆိးဝဲလၢပှၤကနၤဧၣ်ဖိ, ပှၤဃံၤဝံဖိ, ပှၤအမိၢ်ဖိ, ပှၤပရးစၤဖိဒီးပှၤယဘူၣ်ဖိတဖၣ်အကျါန့ၣ်လီၤ.

လံာ်ပှၤစံၣ်ညီၣ်ကွီၢ် 3:5 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်စီၤပၤအခီၣ်ထံးတဘ့ၣ် 9:20

လၢအဝဲအတၢ်မၢဆူၣ်မၢနၢၤအဂီၢ်န့ၣ်, စီၤၡလိၤမိၤသူတ့ၢ်ကီၢ်ကနၤဧၣ်အပှၤဂီၢ်မုၢ်အစၢၤအသွဲၣ်တဖၣ်လၢ အမ့ၢ်ဝဲဒီးပှၤအမိၢ်ဖိ, ပှၤဃ့ၤသးဖိ, ပှၤဃံၤဝံဖိဒီးပှၤယဘူၣ်ဖိ တဖၣ်န့ၣ်လီၤ.

လံာ်စီၤနဃ့မယၤ 9:8

နထံၣ်တ့ၢ်လၢအဝဲမ့ၢ်ပှၤသးတီဒီးနၤ ဒီးနမၤတၢ်အၢၣ်လီၤအီလီၤတမံၤဒီးအီၤန့ၣ်လီၤ. နအၢၣ်လီၤတ့ၢ်လၢနကဟ့ၣ်အီၤလၢပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤယဘူၣ်ဖိ, ဒီးပှၤကံၣ်ကၣ်ဖိတဖၣ်အကီၢ် လၢကမ့ၢ်ကီၢ်တဘ့ၣ်လၢအဝဲအစၢၤအသွဲၣ်တဖၣ်ကအိၣ်ဝဲဆိးဝဲန့ၣ် လီၤ. နဟံးဃာ်ဂၢၢ်ကျၢၤနတၢ်အၢၣ်လီၤမ့ၢ်လၢနကလုၢ်တီဝဲ အဃိန့ၣ်လီၤ.

လံာ်တၢ်ဟးထီၣ်ကွံာ် 3:17

ဒီးယပာ်လီၤတ့ၢ်လံယသးလၢယကထုးထီၣ်ကွံာ်အဝဲသ့ၣ်လၢကီၢ် အဲၤကူပတူး, တၢ်လီၢ်ဖဲအဝဲသ့ၣ်ဘၣ်တၢ်မၤအၢမၤနးအီၤ နးမးဒီးကဆှၢအီၤဆူပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အကီၢ်, ကီၢ်တဘ့ၣ်လၢအယွၤဝဲဒီးတၢ်နုၢ်ထံဒီးကနဲစီန့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 34:16

ဒီးသုဖိခွါတဖၣ်ကဖျီဃုာ်အသးဒီးပှၤတခီဘီမုၢ်ဖိပိာ်မုၣ် တဖၣ်လၢအကမၢန့ၢ်ဆီၣ်ထွဲအဝဲသ့ၣ်ဆူတၢ်သူၣ်တတီသး တလိၤဒီးယၤဒီးဘူၣ်ထီၣ်ဘါထီၣ်အဝဲသ့ၣ်အပှၤတစူၢ် တနာ်တၢ်အယွၤတဖၣ်န့ၣ်လီၤ.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်သိၣ်လီၤသီလီၤတၢ် 7:1

ယွၤ, သုကစၢ်ယွၤကဆှၢနုာ်သုဆူကီၢ်လၢသုကလဲၤနုာ်မၤန့ၢ် အီၤအပူၤ, ဒီးအဝဲဒၣ်ကနီၣ်ထီၣ်ကွံာ်ပှၤအါကလုာ်လၢကီၢ်န့ၣ်အပူၤလီၤ. တုၤသုလဲၤထီၣ်ဒုးတၢ်န့ၣ်, အဝဲကနီၣ်ထီၣ်ကွံာ်ပှၤကလုာ်နွံ ကလုာ်လၢအဒိၣ်န့ၢ်သုဒီးအဂံၢ်အဘါဆူၣ်န့ၢ်သုလၢအမ့ၢ်ပှၤဃ့ၤ သးဖိတဖၣ်, ပှၤကံၣ်ကၣ်ဖိတဖၣ်, ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီး ပှၤယဘူၣ်ဖိတဖၣ်န့ၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 9:1

အံၣ်စရ့လးအတၢ်မၤနၢၤအံၤဘၣ်တၢ်သ့ၣ်ညါအီၤလၢစီၤပၤတဖၣ်လၢ ထံကျိယၢ်ဒ့ၣ်အမုၢ်နုာ်လၢကစၢၢ်ကလိတဖၣ်, လၢကစၢၢ်ခီၣ်ထံးတဖၣ်, ဒီးလၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အဃၢၤ, ဒီးလၢကလံၤစိးန့ၣ်ယံၤဝဲတုၤလၢလဘၤနိၣ်, လၢအမ့ၢ်ပှၤဃ့ၤသးဖိ, ပှၤအမိၢ်ဖိ, ပှၤကနၤဧၣ်ဖိ, ပှၤပရးစၤဖိ, ပှၤဃံၤဝံဖိ, ဒီးပှၤယဘူၣ်ဖိ အစီၤပၤတဖၣ်အအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 1:4

ဒီးယွၤဟ့ၣ်လီၤကွံာ်ပှၤကနၤဧၣ်ဒီးပှၤပရးစၤဖိတဖၣ်လၢအဝဲ သ့ၣ်အစုပူၤဒီးအဝဲသ့ၣ်တဖၣ်မၤနၢၤမၤဃၣ်ကွံာ်ပှၤအဂၤတကလးဖဲ ဝ့ၢ်ဘ့စ့းအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 1:5

ဒီးအဝဲသ့ၣ်ထံၣ်န့ၢ်စီၤပၤအဒိနံၤဘ့စ့းဖဲန့ၣ်ဒီးဒုးအီၤလီၤ.