လံာ်ပှၤစံၣ်ညီၣ်ကွီၢ် 3:3 - Sgaw Karen Common Bible

³ ပှၤတဖၣ်လၢအအိၣ်လီၤတဲာ်လၢကီၢ်ပူၤမ့ၢ်ဝဲ, ပှၤဖလ့ၡသးဖိ အပဒိၣ်ယဲၢ်ဂၤ, ပှၤကနၤဧၣ်ဖိခဲလၢာ်, ပှၤစံဒိၣ်ဖိတဖၣ်, ဒီးပှၤဃံၤဝံဖိတဖၣ်လၢအအိၣ်ဆိးလၢလဘၤနိၣ်အကစၢၢ်ကလိအကျါ စးထီၣ်လၢကစၢၢ်ဘဧၤလးဃ့ရမိၣ်တုၤလၢဝ့ၢ်ဃမါသးအတၢ်ဟဲနုာ်ဟးထီၣ်အကျဲန့ၣ်လီၤ.

လံာ်ပှၤစံၣ်ညီၣ်ကွီၢ် 3:3 Iomraidhean Croise

လံာ်တၢ်ကဲထီၣ်အခီၣ်ထံး 49:13

စီၤစဘူလိၣ်ကအိၣ်ကဆိးလၢပီၣ်လဲၣ်နံၤလီၤ. အထံကၢၢ်ခိၣ်ကမ့ၢ်သန့တခါလၢကဘီတဖၣ်အဂီၢ်လီၤ. အတၢ်န့ၢ်သါအကီၢ်န့ၣ်ကလဲၤဝဲယံၤတုၤလၢဝ့ၢ်စံဒိၣ်ဒၣ်လဲာ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 24:7

အန့ၣ်ဝံၤဒီးအဝဲသ့ၣ်လဲၤဆူကလံၤထံးဆူဝ့ၢ်ထါယၢၣ်လၢအအိၣ် ဒီးအတိာ်ခၢၣ်သနၢၣ်, လဲၤကဒီးဆူညါတုၤဆူ ကယဲၢ်ပှၤဃံၤဝံဖိဒီးပှၤကနၤဧၣ်ဖိအဝ့ၢ်ခဲလၢာ်, ဒီးလၢခံကတၢၢ်န့ၣ်တုၤဆူ ဝ့ၢ်ဘ့ၢ်ၡဘၤအိၣ်လၢကီၢ်ယူဒၤကလံၤထံးတခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:20

လၢအဝဲအတၢ်မၢဆူၣ်မၢနၢၤအဂီၢ်န့ၣ်, စီၤၡလိၤမိၤသူတ့ၢ်ကီၢ်ကနၤဧၣ်အပှၤဂီၢ်မုၢ်အစၢၤအသွဲၣ်တဖၣ်လၢ အမ့ၢ်ဝဲဒီးပှၤအမိၢ်ဖိ, ပှၤဃ့ၤသးဖိ, ပှၤဃံၤဝံဖိဒီးပှၤယဘူၣ်ဖိ တဖၣ်န့ၣ်လီၤ.

လံာ်ယဃ့းစက့လး 47:20

ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်မ့ၢ်မုၢ်နုာ်ကီၢ်ဆၢဒီးလဲၤဝဲဆူကလံၤစိး တကပၤတုၤဆူတၢ်လီၢ်တတီၤလၢအအိၣ်လၢဝ့ၢ်ဃမါသးအကျဲ မုၢ်နုာ်တကပၤန့ၣ်လီၤ.

လံာ်တၢ်ဂံၢ် 13:29

ပှၤဧမၤလ့းဖိတဖၣ်အိၣ်လၢကီၢ်န့ၣ်အကလံၤထံးတခီ, ပှၤဃ့ၤသးဖိ, ပှၤယဘူၣ်ဖိ, ပှၤအမိၢ်ဖိတဖၣ်အိၣ်လၢကီၢ်အတၢ်လူၢ် ဒီခိၣ်ဒီးပှၤကနၤဧၣ်ဖိတဖၣ်အိၣ်လၢပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အဃၢၤဒီးထံကျိယၢ်ဒ့ၣ်အကၢၢ်နံၤဒီတရဲၣ်ညါန့ၣ် လီၤ.”

လံာ်တၢ်ဂံၢ် 34:8

ဒီးဖဲန့ၣ်တုၤလၢဃမါသးအကျဲစၢၤလီၤ. ဒီးကလဲၤဆူညါဆူစဒး,

လံာ်သိၣ်လီၤသီလီၤတၢ် 1:7

ဘိၣ်ထီၣ်စှၢၤထီၣ်သုတၢ်ဖိတၢ်လံၤဒီးလဲၤဆူညါတက့ၢ်. လဲၤဆူပှၤဧၣ်မိၣ်ဖိတဖၣ်အကီၢ်လၢအအိၣ်ဒီးတၢ်လူၢ်တၢ်တြီၤဒီး ဆူကယဲၢ်တၢ်လီၢ်အိၣ်ခိၣ်အိၣ်ဃၢၤတဖၣ်, လၢအမ့ၢ်ဆူထံကျိယၢ်ဒ့ၣ်အတြီၤပူၤ, ဆူတၢ်လူၢ်တၢ်တြီၤဒီး တၢ်ပၢၤခိၣ်တဖၣ်, ဆူလီၢ်ကဝီၤလၢကလံၤထံးတကပၤဒီးဆူပီၣ်လဲၣ်ဖးဒိၣ်မဲးဒံး ထၢၣ်ရ့နယၢၣ်အကၢၢ်နံၤန့ၣ်တက့ၢ်. လဲၤဆူကီၢ်ကနၤဧၣ်ဒီးဆူညါဆူကီၢ်လဘၤနိၣ်အကစၢၢ်ကလိ တဖၣ်ယံၤဝဲတုၤဆူထံကျိမိၢ်ပှၢ်ဖရၤသးန့ၣ်တက့ၢ်.

လံာ်သိၣ်လီၤသီလီၤတၢ် 3:9

(ကစၢၢ်ဃ့ရမိၣ်န့ၣ်ဘၣ်တၢ်ကိးအီၤလၢကစၢၢ်စံရယိၣ်လၢပှၤစံဒိၣ် ဖိတဖၣ်ဒီးကစၢၢ်စနံၢ်လၢပှၤဧၣ်မိၣ်ဖိတဖၣ်န့ၣ်လီၤ.)

လံာ်စီၤယိၤၡူ 11:19

ဝ့ၢ်ထဲတဝ့ၢ်ဧိၤလၢအမၤတၢ်ဃူတၢ်ဖိး ဒီးပှၤအံၣ်စရ့လးဖိတဖၣ်န့ၣ်မ့ၢ်ဝ့ၢ်ကံးဘိၣ်, ဖဲပှၤဃံၤဝံဖိတနီၤအိၣ်ဝဲန့ၣ်လီၤ. မ့မ့ၢ်ဝ့ၢ်အဂၤတဖၣ်ဘၣ်တၢ်ဒုးန့ၢ်အီၤခဲလၢာ်န့ၣ်လီၤ.

လံာ်စီၤယိၤၡူ 11:3

အဝဲဆှၢလီၤစ့ၢ်ကီးတၢ်ကစီၣ်ဆူပှၤကနၤဧၣ်ဖိလၢထံကျိယၢ်ဒ့ၣ် ခံကပၤလိာ်, ပှၤအမိၢ်ဖိ, ပှၤဃ့ၤသးဖိ, ပှၤပရးစၤဖိဒီးပှၤယဘူၣ်ဖိလၢကစၢၢ်ကလိအလိၤ, ဒီးဆူပှၤဃံၤဝံဖိလၢအအိၣ်လၢကစၢၢ်ဃ့ရမိၣ်အခီၣ်ထံးလၢကီၢ် မံးစပၤအပူၤအအိၣ်န့ၣ်လီၤ.

လံာ်စီၤယိၤၡူ 13:3

ဃုာ်ဒီးပှၤဧၤဝံဖိအကီၢ်လၢကလံၤထံးန့ၣ်လီၤ. (ကီၢ်လၢထံကျိဖိၡံဃိၢ်လၢကီၢ်အဲၤကူပတူးအမုၢ်ထီၣ်ဆူကလံၤစိး တုၤဆူဧ့ကြိၣ်အကီၢ်ဆၢလၢတၢ် ပာ်လၢပှၤကနၤဧၣ်ဖိအဂီၢ်န့ၣ်လီၤ. ပှၤဖလ့ၡသးဖိအစီၤပၤအိၣ်ဝဲယဲၢ်ဂၤ လၢအမ့ၢ်ဝဲဂါစၤအၤစဒိာ်, အၤၡကလိၣ်, ကၤသး, ဧ့ကြိၣ်အစီၤပၤန့ၣ်လီၤ).

လံာ်စီၤယိၤၡူ 13:5

ဒီးပှၤကံးဘလးဖိအကီၢ်, ကီၢ်လဘၤနိၣ်ဒီဘ့ၣ်တုၤလၢမုၢ်ထီၣ်, စးထီၣ်လၢဝ့ၢ်ဘဧၤလးကးလၢအအိၣ်လၢကစၢၢ်ဃ့ရမိၣ်အက လံၤထံးတုၤလၢတၢ်လဲၤနုာ်ဆူဝ့ၢ်ဃမါသးလီၤ.

လံာ်စီၤယိၤၡူ 19:28

ဒီးဃ့ဘြိၣ်, ရဃိၣ်, ဃမိၤ, ကါနၤ, ပၢၢ်လၢစံဒိၣ်ဖးဒိၣ်လီၤ.

လံာ်စီၤယိၤၡူ 9:7

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ပှၤဃ့ၤဝံဖိတဖၣ်, “ဘၣ်တဘၣ်သုအိၣ်သုဆိးလၢပကျါအဃိဒီး, ပမၤတၢ်အၢၣ်လီၤအီ လီၤဒီးသုကသ့ဒ်လဲၣ်.”

လံာ်ပှၤစံၣ်ညီၣ်ကွီၢ် 10:12

ပှၤစံဒိၣ်ဖိ, ပှၤဧမၤလ့းဖိ, ဒီးပှၤမၤဧိၣ်ဖိတဖၣ်ဆီၣ်ဘံၣ်ဆီၣ်ဘၢတ့ၢ်သုလၢ အပူၤကွံာ်ဒီးသုကိးထီၣ်တ့ၢ်ယၤလီၤ. မ့ၢ်ယတအုၣ်က့ၤခီၣ်က့ၤသုလၢအဝဲသ့ၣ်အစုပူၤဘၣ်ဧါ.

လံာ်ပှၤစံၣ်ညီၣ်ကွီၢ် 10:7

မၤသးဒ်န့ၣ်ဒီး, ယွၤသးဒိၣ်ထီၣ်ဘၣ်ပှၤအံၣ်စရ့လးဖိတဖၣ်ဒီး ပျဲပှၤဖလ့ၡသးဖိဒီးပှၤဧၤမိၣ်ဖိတဖၣ်မၤနၢၤအဝဲသ့ၣ်လီၤ.

လံာ်ပှၤစံၣ်ညီၣ်ကွီၢ် 14:4

အမိၢ်အပၢ်တဖၣ်တသ့ၣ်ညါလၢတၢ်န့ၣ်မ့ၢ်ယွၤအတၢ်ဆှၢစီၤၡံၣ်ၡိၣ် လၢအကမၤတၢ်န့ၢ်အဂ့ၢ်ဘၣ်န့ၣ်လီၤ. အဂ့ၢ်ဒ်အံၤ, ယွၤဃုတၢ်အခွဲးအယာ်လၢကဒုးပှၤဖလ့ၡသးဖိတဖၣ်န့ၣ်လီၤ. အကတီၢ်ဖဲအံၤပှၤဖလ့ၡသးဖိတဖၣ်ပၢကီၢ်အံၣ်စရ့လးန့ၣ်လီၤ.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 3:2

အဝဲမၤတၢ်အံၤမ့ၢ်ဒ်သိးကသိၣ်လိပှၤအံၣ်စရ့လးဖိတစိၤဘၣ်တစိၤလၢတၢ်ဒုးတၢ်ယၤအဂ့ၢ်, လီၤဆီဒၣ်တၢ်ပှၤလၢအတလဲၤခီဖျိ ဘၣ်ဒံးတၢ်ဒုးတၢ်ယၤနီတဘျီဘၣ်တဖၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 4:2

လၢတၢ်န့ၣ်အဃိယွၤပျဲကနၤဧၣ်အစီၤပၤယၤဘံၣ်လၢအပၢတၢ်ဖဲ ဝ့ၢ်ဃါစိၢ်အပူၤ, လၢအကမၤနၢၤအဝဲသ့ၣ်န့ၣ်လီၤ. အဝဲအသုးခိၣ်ဖးဒိၣ်မ့ၢ်ဝဲစီၤစံစရၤလၢအအိၣ်လၢဝ့ၢ်ဃရိၡ့းဘၣ်ဃး ဒီးပှၤကလုာ်ဂၤတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 13:5

ပှၤဖလ့ၡသးဖိတဖၣ်အိၣ်ဖှိၣ်ရိဖှိၣ်ဒ်သိးကဒုးပှၤအံၣ်စရ့လး ဖိတဖၣ်လီၤ. အဝဲသ့ၣ်အိၣ်ဒီးလ့ၣ်ကဟၣ်ဒုးသုးသၢကလး, ပှၤဒိးကသ့ၣ်သုးမုၢ်အဂၤဃုကထိ ဒီးပှၤသုးဖိအါထဲသိးမဲးဧိၤဟီၣ်ဧိၤလၢပီၣ်လဲၣ်အနံၤလီၤ. အဝဲသ့ၣ်လဲၤဆူဝ့ၢ်မံးကမၣ်အိၣ်လၢ ဝ့ၢ်ဘ့ၤသအၤဝ့ၣ်အမုၢ်ထီၣ်န့ၣ်ဒီးသူၣ်ထီၣ်အဒဲဖဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 29:2

ပှၤဖလ့ၡသးဖိအစီၤပၤယဲၢ်ဂၤဟဲထီၣ်ဃုာ်ဒီးအပှၤအဂၤတကယၤဒီး အဂၤတကထိအကရူၢ်တဖၣ်လီၤ. စီၤဒၤဝံးဒီးအပှၤတဖၣ်လဲၤထီၣ်လၢတၢ်လီၢ်ခံဒီးစီၤပၤအၤ ကံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:16

ပှၤဖလ့ၡသးဖိအစီၤပၤယဲၢ်ဂၤကွၢ်အဝဲသ့ၣ်မၤတၢ်အံၤဝံၤဒီး က့ၤကဒါက့ၤဝဲဆူဝ့ၢ်ဧ့ကြိၣ်တနံၤဃီန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:18

အဝဲသ့ၣ်ဆှၢလီၤစ့ၢ်ကီးယုၢ်အဂီၤသိအသးလၢထူလၢဝ့ၢ်တဖၣ်လၢ အဘၣ်တၢ်ပၢအီၤလၢပှၤဖလ့ၡသးဖိအစီၤပၤယဲၢ်ဂၤအဂီၢ်, တဒုစုာ်စုာ်န့ၣ်, လၢဝ့ၢ်အိၣ်ဒီးအခိၣ်ဒူတဖၣ်အဂီၢ်ဒီးဒူသဝီ လၢတအိၣ်ဒီးအခိၣ်ဒူတဖၣ်အဂီၢ်စ့ၢ်ကီးလီၤ. လ့ဖးဒိၣ်လၢအအိၣ်လၢစီၤယိၤၡူအစံာ်ပျီပူၤလၢဝ့ၢ်ဘ့ၤသၡ့မ့ၣ်, လၢတၢ်ပာ်ထီၣ်ယွၤအတၢ်အၢၣ်လီၤအီလီၤအတလါန့ၣ်အိၣ်ဒံးဝဲဖဲန့ၣ် ဒ်တၢ်အုၣ်အသးတမံၤလၢတၢ်မၤတ့ၢ်အသးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:4

ပှၤဂီၢ်မုၢ်သံကွၢ်ဝဲ, “ပကဘၣ်ဆှၢလီၤတၢ်ဟ့ၣ်ကနၢၤမနုၤလဲၣ်.” ဒီးအဝဲသ့ၣ်စံးဆၢဝဲဒၣ်, “တၢ်အချံထီၣ်ဒီးညိးအဂီၤသိအသး လၢထူယဲၢ်ခါဒီးယုၢ်ဖိသိအသးလၢထူအဂီၤယဲၢ်ဒု, တခါစုာ်စုာ်န့ၣ်လၢပှၤဖလ့ၡသးဖိအစီၤပၤတဂၤစုာ်စုာ်အဂီၢ်လီၤ. တၢ်ဆါသံသတြိာ်တမံၤဃီန့ၣ်ဘၣ်တၢ်ဒုးလီၤဘၣ်အီၤလၢစီၤပၤ ယဲၢ်ဂၤအလိၤလီၤ.