လံာ်ပှၤစံၣ်ညီၣ်ကွီၢ် 3:28 - Sgaw Karen Common Bible

²⁸ အဝဲစံးဝဲ, “ပိာ်ယခံတက့ၢ်. ယွၤဟ့ၣ်လီၤသုတၢ်မၤနၢၤလၢ သုဒုၣ်သုဒါပှၤမိၤအးဖိတဖၣ်အဖီခိၣ်လံ.” မၤသးဒ်န့ၣ်ဒီးအဝဲသ့ၣ်ပိာ်ထီၣ်စီၤအ့ဟူာ်အခံ ဒီးမၤန့ၢ်တၢ်လီၢ်တတီၤဖဲပှၤမိၤအးဖိတဖၣ်ကခီထံကျိယၢ်ဒ့ၣ်န့ၣ်လီၤ. အဝဲသ့ၣ်တပျဲဘၣ်ပှၤကခီဂာ်တၢ်နီတဂၤဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:28 Iomraidhean Croise

လံာ်စီၤပၤအခီၣ်ထံးတဘ့ၣ် 20:21

စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်စီၤယိၤၡူ 2:7

စီၤပၤအပှၤတဖၣ်ဟးထီၣ်လၢဝ့ၢ်ပူၤ ဝံၤဒီးဝ့ၢ်တြဲၤဘၣ်တၢ်ကးတံၢ်အီၤန့ၣ်လီၤ. အဝဲသ့ၣ်လဲၤဒီးလူၤဃုပှၤအံၣ်စရ့လးဖိအပှၤကွၢ်ဟုၣ်ကွၢ်စုး တၢ်တုၤတၢ်လီၢ်ဖဲကျဲလၢအလဲၤခီဂာ်ထံကျိယၢ်ဒ့ၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:11

ဒီးယွၤစံးဆၢအဝဲသ့ၣ်ဒ်အံၤ, “ပှၤအဲၤကူပတူးဖိ, ပှၤအမိၢ်ဖိ, ပှၤဧၣ်မိၣ်ဖိ, ပှၤဖလ့ၡသးဖိ,

လံာ်ပှၤစံၣ်ညီၣ်ကွီၢ် 12:5

ဒ်သိးပှၤအ့ဖရဲၣ်ဖိအသုတဃ့ၢ်ပူၤဖျဲးတဂ့ၤဒီး, ပှၤကံးလဧးဖိတဖၣ်ဟံးန့ၢ်တၢ်လီၢ်တဖၣ်ဖဲတၢ်ခီဂာ်ထံကျိယၢ် ဒ့ၣ်သ့ဝဲန့ၣ်လီၤ. ဖဲပှၤအ့ဖရဲၣ်ဖိတဂၤဂၤလၢအကျဲးစၢးဒ်သိး ကပူၤဖျဲးအဂီၢ်ဃ့တၢ်ပျဲလၢကခီဂာ်တၢ်န့ၣ်ပှၤကံးလဧးဖိတဖၣ်သံကွၢ်ဝဲ, “နမ့ၢ်ပှၤအ့ဖရဲၣ်ဖိဧါ.” ဒီးအဝဲမ့ၢ်စံးဆၢ, “တမ့ၢ်ဘၣ်”, ဒီး

လံာ်ပှၤစံၣ်ညီၣ်ကွီၢ် 3:29

လၢမုၢ်နံၤအဝဲန့ၣ်, အဝဲသ့ၣ်မၤသံပှၤမိၤအးအသုးဖိလၢအဂ့ၤကတၢၢ်တကလးဒီးပှၤတပူၤဖျဲးဘၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 4:10

လၢတၢ်န့ၣ်အဃိစီၤဘါရးကိးန့ၢ်ပှၤစဘူလိၣ်အဒူၣ်, ဒီးပှၤနးသၤလံအဒူၣ်တဖၣ်ဆူက့ဒ့ၣ် ဒီးပှၤပိာ်ခွါအဂၤတကလးပိာ်ထီၣ်အခံလီၤ. ဒီးနီၢ်ဒဘိရၤလဲၤဃုာ်ဒီးအီၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:14

အတံၤသကိးစံးဆၢအီၤ, “တၢ်န့ၣ်မ့ၢ်ပှၤအံၣ်စရ့လးဖိ စီၤယိၤအၣ်အဖိခွါစီၤကံးဒဧိၣ်အနးန့ၣ်လီၤ. အခီပညီအဂၤတအိၣ်ဘၣ်. ကစၢ်ယွၤဟ့ၣ်လီၤအီၤတၢ်မၤနၢၤလၢပှၤမံးဒယၣ်ဖိဒီးပဝဲသုးမုၢ် ဒီဖုညါအဖီခိၣ်လံ.”

လံာ်ပှၤစံၣ်ညီၣ်ကွီၢ် 7:15

တုၤစီၤကံးဒဧိၣ်နၢ်ဟူဘၣ်ပှၤတဂၤန့ၣ်အတၢ်မံမီၢ်ဒီးအခီပညီ န့ၣ်အဝဲတီၤလီၤလၢအခီၣ်လ့ၢ်ခိၣ်ဒီးဘူၣ်ထီၣ်ဘါထီၣ်ယွၤန့ၣ် လီၤ. တုၤနုၤတစုအဝဲက့ၤကဒါက့ၤဆူပှၤအံၣ်စရ့လးဖိသူၣ်ဒဲအလီၢ် ဒီးစံးဝဲ, “ဂဲၤထၢၣ်တက့ၢ်. ယွၤဟ့ၣ်လီၤသုတၢ်မၤနၢၤလၢပှၤမံးဒယၣ်ဖိ အသုးမုၢ်အဖီခိၣ်လံ.”

လံာ်ပှၤစံၣ်ညီၣ်ကွီၢ် 7:17

ဒီးစံးဘၣ်အဝဲသ့ၣ်, “ဖဲယတုၤဃီၤဆူဒုၣ်ဒါအသူၣ်ဒဲအလီၢ် အသရ့ၤန့ၣ်, ကွၢ်ယၤဒီးမၤတၢ်ဒ်ယမၤအသိးတက့ၢ်.

လံာ်ပှၤစံၣ်ညီၣ်ကွီၢ် 7:24

ဒီးစီၤကံးဒဧိၣ်ဆှၢလီၤပှၤစိာ်တၢ်ကစီၣ်တဖၣ်သကုၤအ့ဖရဲၣ်အတၢ် လူၢ်ဒီခိၣ်လၢအကစံး, “ဟဲလီၤဒီးဒုးပှၤမံးဒယၣ်ဖိတဖၣ်တက့ၢ်. ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ်တုၤဃီၤဆူဝ့ၢ်ဘ့ၤသဘါရၤ လၢတၢ်တြီဃာ်ပှၤမံးဒယၣ်ဖိဒ်သိးအသုတဟဲခီဂာ်အီၤ တဂ့ၤန့ၣ်တက့ၢ်.” အ့ဖရဲၣ်အပှၤပိာ်ခွါတဖၣ်ဘၣ်တၢ်ကိးဖှိၣ်အီၤ တပူၤဃီဒီးအဝဲသ့ၣ်ဟံးဃာ်ထံကျိယၢ်ဒ့ၣ်ဒီးထံကျိဖိတဖၣ် ပၢၢ်လၢဝ့ၢ်ဘ့ၤသဘါရၤန့ၣ်လီၤ.

လံာ်ပှၤစံၣ်ညီၣ်ကွီၢ် 7:9

လၢမုၢ်နၤအဝဲန့ၣ်ကစၢ်ယွၤမၤလိာ်စီၤကံးဒဧိၣ်စံးဝဲ, “ဂဲၤဆၢထၢၣ်ဒီးလဲၤဒုးပှၤသူၣ်ဒဲအလီၢ်န့ၣ်တက့ၢ်. ယကဟ့ၣ်လီၤနၤတၢ်မၤနၢၤလၢအဝဲသ့ၣ်အဖီခိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:47

ဒီးပှၤအိၣ်ဖဲအံၤကိးဂၤကထံၣ်ဝဲလၢယွၤတလိၣ်ဘၣ်နးတဖၣ်မ့ၢ် ဂ့ၤဘီတဖၣ်မ့ၢ်ဂ့ၤလၢကအုၣ်က့ၤခီၣ်က့ၤအပှၤဂီၢ်မုၢ်အဂီၢ်ဘၣ် န့ၣ်လီၤ. အဝဲမၤန့ၢ်မၤနၢၤတၢ်လၢတၢ်ဒုးတၢ်ယၤအပူၤ, ဒီးအဝဲကပာ်လီၤသုလၢပစိကမီၤအဖီလာ်လီၤ.”