လံာ်ပှၤစံၣ်ညီၣ်ကွီၢ် 3:16 - Sgaw Karen Common Bible

¹⁶ စီၤအ့ဟူာ်မၤနးအကနၣ်အ့ၣ်ခံခီလိာ်လၢအထီအိၣ်တပျၢ်တဘ့ၣ်လၢအဂီၢ်လီၤ. အဝဲစၢထီၣ်နးန့ၣ်လၢအကံၣ်ဒုၣ်အထွဲအလိၤလၢ အတၢ်ကူတၢ်သိးအဖီလာ်လီၤ.

လံာ်ပှၤစံၣ်ညီၣ်ကွီၢ် 3:16 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:8

ဖဲအဝဲသ့ၣ်လဲၤတုၤဝဲလၢလၢၢ်ဖးဒိၣ်တဖျၢၣ်လၢအအိၣ်ဖဲ ဝ့ၢ်ကံးဘဧၤန့ၣ်စီၤဧမါစၤဟဲသဂၢၢ်အဝဲသ့ၣ်န့ၣ်လီၤ. စီၤယိၤအာ်ကူဝဲသိးဝဲဒီးတၢ်ဒုးတၢ်ယၤအကူအသိး, အိၣ်ဒီးနးတဘ့ၣ်အိၣ်လၢအတြိးပူၤစၢဃာ်အသးလၢအဝဲ အယီၢ်တကိးအလိၤန့ၣ်လီၤ. ဖဲအဝဲလဲၤထီၣ်ဆူညါအခါန့ၣ်အနး လီၤတဲာ်ကွံာ်ဝဲလီၤ.

စံးထီၣ်ပတြၢၤ 149:6

ဖဲအဝဲသ့ၣ်စံးထီၣ်ပတြၢၤယွၤန့ၣ် မ်အဝဲသ့ၣ် ကိးထီၣ်ဒိၣ်ဒိၣ်, အိၣ်ဒီးနးလၢအကနၣ်အ့ၣ်တဖၣ်လၢ အစုပူၤ,

စံးထီၣ်ပတြၢၤ 45:3

စီၤပၤလၢအစိကမီၤဒိၣ်ဧၢ, သိးထီၣ်နနး, နမ့ၢ်ပှၤလၢအအိၣ်ဒီးနတၢ်လၤတၢ်ကပီၤ ဒီးနတၢ်ကဟုကညီၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:8

အဝဲသ့ၣ်ကိးဂၤဒဲး, သ့ဒုးတၢ်ဒီးနး, အဝဲသ့ၣ်မ့ၢ်တ့ၢ်သုးဖိလီၢ်လံၤလၢအဒုးတ့ၢ်တၢ်အါမးန့ၣ်လီၤ. အဝဲသ့ၣ်တဂၤစုာ်စုာ်ကံာ်တူာ်ဃးအနးဒၣ်ဝဲ, ဒ်သိးကတြီဆၢဒုၣ်ဒါလၢမုၢ်နၤခီအကတီၢ်လီၤ.

ဧ့ၤဘြံၤ 4:12

အဂ့ၢ်ဒ်အံၤယွၤအကလုၢ်ကထါန့ၣ်မူဝဲဒီးမၤတၢ်သ့ဒီး အကနၣ်အ့ၣ်န့ၢ်ဒံးနးလၢအကနၣ်အိၣ်ခံကပၤလၢာ်တက့ၢ် လီၤ. အဝဲဆဲးဖျိတၢ်ပၢၢ်တုၤတၢ်အကံၢ်အလဲဒီးနီၤဖးသး သမူဒီးနီၢ်သး, တၢ်အဆၢဒီးတၢ်အနူာ်ကံၢ်န့ၣ်လီၤ. အဝဲစံၣ်ညီၣ်ပဲာ်ဖးနီၤဖးပှၤကညီအသးအတၢ်ဆိကမိၣ်ဒီး အတၢ်ဆၢမိၣ်န့ၢ်သးလီတဖၣ်န့ၣ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 2:12

ဆူဝ့ၢ်ပ့ၢ်ကမူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးနးလၢ အကနၣ်အိၣ်ခံကပၤန့ၣ်အအိၣ်လီၤ.

လံာ်ပှၤစံၣ်ညီၣ်ကွီၢ် 3:15

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:17

အန့ၣ်ဝံၤဒီးအဝဲလဲၤစိာ်တၢ်ဟ့ၣ်တဖၣ်ဆူစီၤပၤဧ့းကလိၣ်လၢ အမ့ၢ်ပှၤအဘီၣ်ဒိၣ်မးတဂၤအအိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:21

စီၤအ့ဟူာ်ထုးထီၣ်နးလၢအအိၣ်လၢအကံၣ်ဒုၣ်အထွဲတကပၤန့ၣ် လၢအစုစ့ၣ်ဒီးဆဲးဖျိစီၤပၤအဟၢဖၢန့ၣ်လီၤ.