လံာ်ပှၤစံၣ်ညီၣ်ကွီၢ် 3:15 - Sgaw Karen Common Bible

¹⁵ တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢကမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲ ပှၤဘံၣ်ယၤမံၣ်ဖိစီၤက့ရၤအဖိခွါစီၤအ့ဟူာ်န့ၣ်လီၤ. ဒီးစီၤအ့ဟူာ်မ့ၢ်ပှၤအစုဆူၣ်လၢစုစ့ၣ်တခီန့ၣ်လီၤ. အံၣ်စရ့လးအပှၤဂီၢ်မုၢ်ဆှၢလီၤစီၤအ့ဟူာ်ဆူကီၢ်မိၤအးအစီၤ ပၤစီၤဧ့းကလိၣ်အအိၣ်ဃုာ်ဒီးတၢ်ဟ့ၣ်တဖၣ်လၢအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:10

စီၤဧမါစၤတပလီၢ်ဘၣ်အသးလၢနးတဘ့ၣ်လၢ စီၤယိၤအာ်ထၢထီၣ်က့ၤဝဲလၢအစုစ့ၣ်တခီဘၣ်, ဒီးစီၤယိၤအာ်ဆဲးအီၤဖဲအဟၢဖၢ ဒီးအဝဲအပှံာ်အကဖုတဖၣ်ဟဲလီၤလဲာ်ဆူဟီၣ်ခိၣ်လိၤန့ၣ်လီၤ. အဝဲသံဝဲတကီၢ်ခါန့ၣ်လီၤ. ဒီးစီၤယိၤအာ်ဆဲးကဒီးအီၤအလီၢ် တအိၣ်လၢၤဘၣ်. တုၤနုၤတစု, စီၤယိၤအာ်ဒီးအဒီပုၢ်ဝဲၢ်ခွါစီၤအဘံၡဲၤ လဲၤဆူညါဒီးလူၤစီၤၡဘၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 20:9

စီၤယိၤအာ်စံးဘၣ်စီၤဧမါစၤ, “ယတံၤသကိးဧၢ, နအိၣ်ဆူအိၣ်ချ့စ့ၢ်ကီးဧါ.” ဒီးစီၤယိၤအာ်ဖီၣ်ဃးစီၤဧမါ စၤအခၣ်ဆူၣ်လၢအစုထွဲဒ်သိးအကနၢမူအီၤအဂီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 12:2

ပှၤတဖၣ်လၢအမ့ၢ်ပှၤဘံၣ်ယၤမံၣ်ဖိအဒူၣ်လၢစီၤစီလူးဘၣ်ထွဲဝဲ န့ၣ်လီၤ. အဝဲသ့ၣ်မ့ၢ်ပှၤတဖၣ်လၢအခးပျၢ်တဖၣ်ဒီးကွံာ်လၢၢ်တဖၣ်, လၢစုထွဲမ့ၢ်ဂ့ၤ, စုစ့ၣ်မ့ၢ်ဂ့ၤသ့ဝဲန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:3

စီၤဘ့လၤအစၢၤအသွဲၣ်တဖၣ်န့ၣ်မ့ၢ်ဝဲစီၤအၤဒၢ်, စီၤက့ၤရၤ, စီၤအဘံဟူာ်,

လံာ်ကွဲးနီၣ်တၢ်အခီၣ်ထံးတဘ့ၣ် 8:5

စီၤက့ရၤ, စီၤၡဖူဖၣ်ဒီးစီၤဃူရၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 9:24

အဝဲသ့ၣ်တဂၤဘၣ်တဂၤစုာ်စုာ်ဟဲစိာ်န့ၢ်စီၤၡလိၤမိၤလၢတၢ်ဟ့ၣ် တဖၣ်လၢအမ့ၢ်ဝဲ, တၢ်ပီးတၢ်လီတဖၣ်လၢတၢ်မၤအီၤလၢစ့ဒီးထူ, ဆ့ကၤဖးထီတဖၣ်, တၢ်စုကဝဲၤတဖၣ်, တၢ်နၢမူတဖၣ်, ကသ့ၣ်တဖၣ်ဒီးကသ့ၣ်ယီၤတဖၣ်န့ၣ်လီၤ. တၢ်တဖၣ်အံၤမၤအသးတနံၣ်ဝံၤတနံၣ်န့ၣ်လီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 78:34

တုၤယွၤမၤသံအဝဲသ့ၣ်တနီၤဒီးအဝဲသ့ၣ်ဃုအီၤ, ဒီးပီၢ်ယၢ်လီၤက့ၤအသးဒီးဃုယွၤလၢ တၢ်သူၣ်ဆူၣ်သးဆူၣ်အပူၤလီၤ.

စံးထီၣ်ပတြၢၤ 90:15

ဟ့ၣ်လၢ်ပှၤတၢ်သူၣ်ခုသးခုဒိၣ်ဒိၣ်အါအါခဲအံၤ, ဒ်နဟ့ၣ်တ့ၢ်ပှၤတၢ်သူၣ်အုးသးအုး လၢတၢ်သူၣ်ကိၢ်သးဂီၤအနံၣ်အလါ တဖၣ်အပူၤအသိးန့ၣ်တက့ၢ်.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

တၢ်ကတိၤဒိ. 21:14

ပှၤတဂၤဂၤမ့ၢ်သးဒိၣ်ဘၣ်နၤဒီး, တၢ်ဟ့ၣ်ဖိတမံၤလၢတၢ်ခူသူၣ် အပူၤန့ၣ်, ကမၤသးခုၣ်လီၤအသးန့ၣ်လီၤ.

လံာ်ယၡါယၤ 36:16

ဒိကနၣ်စီၤပၤဃံးစကံယၤတဂ့ၤ. ကီၢ်အၤၡူၢ်အစီၤပၤဖးဒိၣ် ဟ့ၣ်လီၤအကလုၢ်လၢသုကဟဲထီၣ်လၢဝ့ၢ်အပူၤဒီးဟ့ၣ်လီၤသုသး န့ၣ်လီၤ. သုဝဲခဲလၢာ်တၢ်ကပျဲသုအီၣ်စပံးသၣ်တဖၣ်လၢသုစပံးလီၢ်ဒၣ်ဝဲ ဒီးချၢၣ်ဒၢသၣ်တဖၣ်လၢသုချၢၣ်ဒၢအထူၣ်ဒၣ်ဝဲ, ဒီးသုကအီထံလၢသုထံပူၤဒၣ်ဝဲတဖၣ်,

လံာ်ယံးရမံယၤ 33:3

ကိးထီၣ်ယၤတက့ၢ် “ဒီးယကစံးဆၢနၤလီၤ. ယကဒုးနဲၣ်နၤလၢ တၢ်အဒိၣ်အထီဒီး တၢ်လီၤ လးတဖၣ်လၢ နတသ့ၣ်ညါ လၢအဂ့ၢ်နီတမံၤ ဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 2:16

တုၤနုၤတစုယွၤဟ့ၣ်လီၤပှၤအံၣ်စရ့လးဖိတဖၣ်လၢခိၣ်နၢ်တဖၣ် လၢကအုၣ်က့ၤခီၣ်က့ၤအဝဲသ့ၣ်လၢပှၤဂုာ်ဆူၣ်ပျိဆူၣ်တၢ်တဖၣ်အစုပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:16

အဝဲသ့ၣ်ကိးဂၤဒဲးန့ၣ်ကွံာ်လၢၢ်လၢနီၣ်ဘျုးသ့တုၤခိၣ်သူတဘိဒၣ်လဲာ်, ကွံာ်ဝဲဘၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:14

ဒီးပှၤအံၣ်စရ့လးဖိတဖၣ်ဘၣ်တၢ်ပၢအီၤလၢစီၤပၤဧ့းကလိၣ် တဆံဃိးနံၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:16

စီၤအ့ဟူာ်မၤနးအကနၣ်အ့ၣ်ခံခီလိာ်လၢအထီအိၣ်တပျၢ်တဘ့ၣ်လၢအဂီၢ်လီၤ. အဝဲစၢထီၣ်နးန့ၣ်လၢအကံၣ်ဒုၣ်အထွဲအလိၤလၢ အတၢ်ကူတၢ်သိးအဖီလာ်လီၤ.

လံာ်ပှၤစံၣ်ညီၣ်ကွီၢ် 3:9

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.

လံာ်ပှၤစံၣ်ညီၣ်ကွီၢ် 4:3

စီၤပၤယၤဘံၣ်အိၣ်ဒီးလ့ၣ်ကဟၣ်ဒုးသုးထးအဆိခွံကယၤ, ဒီးအဝဲပၢအံၣ်စရ့လးအပှၤဂီၢ်မုၢ်လၢတၢ်အၢတၢ်သီဒီး တၢ်မၤအၢမၤနးဖးဒိၣ်အပူၤအနံၣ်ခံဆံန့ၣ်လီၤ. တုၤနုၤတစုအံၣ်စရ့လးအပှၤဂီၢ်မုၢ်ကိးပသူထီၣ်ဆူယွၤအအိၣ် လၢတၢ်မၤစၢၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:27

ဘၣ်ဆၣ်ဒီးပှၤကလီကလီတနီၤစံးဝဲဒၣ်, ပှၤတဂၤအံၤမၤတၢ်ဂ့ၤလၢ ပဂီၢ်တမံၤမံၤကသ့ဝဲမနုၤလဲၣ်. အဝဲသ့ၣ်တကနၣ်ဃုာ်စီၤစီလူးဒီးတဟဲစိာ်န့ၢ်အီၤလၢ တၢ်ဟ့ၣ်ကနၢၤနီတမံၤဘၣ်.