လံာ်ပှၤစံၣ်ညီၣ်ကွီၢ် 3:11 - Sgaw Karen Common Bible

¹¹ ဒီးတၢ်မုာ်တၢ်ခုၣ်အိၣ်လၢကီၢ်ပူၤအနံၣ်လွံၢ်ဆံဝံၤအလီၢ်ခံ ဒီးစီၤဧီၤသန့လးသံဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 4:13

စီၤကနးစးအိၣ်ဒီးအဖိခွါခံဂၤလၢအမ့ၢ်ဝဲစီၤဧီၤသန့လး ဒီးစီၤစရါယၤန့ၣ်လီၤ. စီၤဧီၤသန့လးအိၣ်ဒီးအဖိခွါခံဂၤလၢအမ့ၢ်ဝဲစီၤဃသးဒီး စီၤမဧိနိၤသဲန့ၣ်လီၤ.

လံာ်စီၤနဃ့မယၤ 9:28

တုၤတၢ်ဃူတၢ်ဖိးန့ၢ်ကဒါန့ၣ်, အဝဲသ့ၣ်မၤဒဲးဘးတ့ၢ်ကဒီးတၢ် ဒီးနပျဲက ဒီးအဒုၣ်အဒါမၤနၢၤအဝဲသ့ၣ်န့ၣ်လီၤ. အန့ၣ်ဒၣ်လဲာ်ဖဲအဝဲသ့ၣ်ပီၢ်ယၢ်လီၤက့ၤအသး, ဒီးဃ့တၢ်မၤစၢၤလၢနၤလၢနကမၤပူၤဖျဲးအဝဲသ့ၣ်န့ၣ်, နနၢ်ဟူအတၢ်ဃ့လၢမူခိၣ်ဒီးလၢနတၢ်သးကညီၤဖးဒိၣ်အပူၤ, နမၤပူၤဖျဲးအဝဲသ့ၣ်တဘျီဝံၤတဘျီန့ၣ်လီၤ.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

လံာ်စီၤယိၤၡူ 11:23

အန့ၣ်ဒီးစီၤယိၤၡူမၤန့ၢ်ကီၢ်ဒီ ဘ့ၣ်ညါဒ်ယွၤကတိၤတ့ၢ်တၢ်ဒီးစီၤမိၤၡ့အသိးန့ၣ်လီၤ. ဒီးစီၤယိၤၡူဟ့ၣ်လီၤပှၤအံၣ်စရ့လးဖိ တဖၣ်ဒ်အတၢ်န့ၢ်သါအသိး ဒီးနီၤဖးလီၤဝဲတဒူၣ်ဘၣ်တဒူၣ်အဂီၢ်အတၢ်န့ၢ်သါစုာ်စုာ်န့ၣ်လီၤ. ဒီးပှၤအိၣ်ဘှံးလၢတၢ်ဒုးတၢ်ယၤလီၤ.

လံာ်စီၤယိၤၡူ 15:17

ဒီးစီၤကၤလ့းအဒီပုၢ်ဝဲၢ်စီၤ ကနးစးအဖိခွါစီၤဧီၤသန့လးဒုးန့ၢ်ဝ့ၢ်န့ၣ်သတးဒီး စီၤကၤလ့းဟ့ၣ်လီၤအဖိမုၣ်နီၢ်ဧၤကစ့ၤ လၢတၢ်တ့တၢ်ဖျီအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 3:10

ယွၤအသးလီၤဘၣ်လၢအဝဲအလိၤဒီးအဝဲကဲထီၣ်ပှၤအံၣ်စရ့လးဖိ အခိၣ်န့ၣ်လီၤ. စီၤဧီၤသန့လးလဲၤဒုးတၢ်ယၤတၢ်ဒီး ယွၤဟ့ၣ်အီၤတၢ်မၤနၢၤလၢကီၢ်မံးစပတၤမံအစီၤပၤအဖီခိၣ်လီၤ.

လံာ်ပှၤစံၣ်ညီၣ်ကွီၢ် 3:12

ကီၢ်အံၣ်စရ့လးအပှၤဂီၢ်မုၢ်မၤကဒီးတၢ်ဒဲးဘးထီဒါယွၤန့ၣ် လီၤ. လၢတၢ်အံၤအဃိယွၤဒုးဆူၣ်ထီၣ်ကီၢ်မိၤအးအစီၤပၤဧ့းကလိၣ် အဂံၢ်အဘါအါန့ၢ်ပှၤအံၣ်စရ့လးဖိန့ၣ်လီၤ.

လံာ်ပှၤစံၣ်ညီၣ်ကွီၢ် 3:30

ဒီးလၢနံၤအဝဲန့ၣ်ပှၤအံၣ်စရ့လးဖိမၤနၢၤကွံာ်ပှၤမိၤအးဖိ ဒီးဖဲန့ၣ်တၢ်မုာ်တၢ်ခုၣ်အိၣ်လၢကီၢ်အပူၤအနံၣ်ဃိးဆံန့ၣ်လီၤ.

လံာ်ပှၤစံၣ်ညီၣ်ကွီၢ် 3:9

တုၤနုၤတစုပှၤအံၣ်စရ့လးဖိတဖၣ်ကိးထီၣ်ယွၤဒီးအဝဲဆှၢလီၤ ပှၤတဂၤလၢအမၤထူၣ်ဖျဲးထီၣ်အဝဲသ့ၣ်န့ၣ်လီၤ. ပှၤအံၤမ့ၢ်ဝဲစီၤကၤလ့းအပုၢ်ပိာ်ခွါစီၤကနးစးအဖိခွါ စီၤဧီၤသန့လးန့ၣ်လီၤ.

လံာ်ပှၤစံၣ်ညီၣ်ကွီၢ် 5:31

မ်နဒုၣ်နဒါခဲလၢာ်သံဝဲဒ်န့ၣ်အသိး, ယွၤဧၢ, ဘၣ်ဆၣ်ဒီးမ်နတံၤသကိးတဖၣ်ကပီၤထီၣ်ဒ်မုၢ်ဟဲထီၣ်အသိးတက့ၢ်. ဒီးတၢ်မုာ်တၢ်ခုၣ်အိၣ်ထီၣ်လၢကီၢ်ပူၤအနံၣ်လွံၢ်ဆံန့ၣ်လီၤ.

လံာ်ပှၤစံၣ်ညီၣ်ကွီၢ် 8:28

မၤသးဒ်န့ၣ်ဒီး, ပှၤမံးဒယၣ်ဖိတဖၣ်ဘၣ်တၢ်မၤနၢၤကွံာ်အီၤလၢပှၤအံၣ်စရ့လးဖိ ဒီးတကဲလၢၤဘၣ်တၢ်မၤပျံၤမၤဖုးအလီၢ်လၢၤဘၣ်. ဒီးကီၢ်န့ၢ်အိၣ်မုာ်အိၣ်ခုၣ်ဝဲအနံၣ်လွံၢ်ဆံ, တုၤလၢစီၤကံးဒဧိၣ်သံဝဲတစုန့ၣ်လီၤ.