လံာ်ပှၤစံၣ်ညီၣ်ကွီၢ် 21:6 - Sgaw Karen Common Bible

⁶ ပှၤအံၣ်စရ့လးတဖၣ်သူၣ်အုးသးအုးဝဲလၢအဒီပုၢ်ဝဲၢ်ပှၤဘံၣ်ယၤ မံၣ်ဖိတဖၣ်အဂီၢ်ဒီးစံး, “တနံၤအံၤအံၣ်စရ့လးအဒူၣ်တဒူၣ်လီၤမၢ်ကွံာ်လံ.

လံာ်ပှၤစံၣ်ညီၣ်ကွီၢ် 21:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:26

စီၤအဘံန့ၢ်ကိးထီၣ်ဆူစီၤယိၤအာ်အအိၣ်ဒီးစံးဝဲ, “မ့ၢ်ပကဘၣ်ဒုးတၢ်ဆူညါတဘိယူၢ်ဃီန့ၣ်ဧါ. လၢတၢ်အကတၢၢ်န့ၣ်တၢ်အဂၤတအိၣ်နီတမံၤဘၣ်. မ့မ့ၢ်ကအိၣ်ဒၣ်ထဲတၢ်သူၣ်ခၣ်သးခၣ်ဧိၤန့ၣ်နထံၣ်တသ့ဘၣ်ဧါ. ပမ့ၢ်ဒၣ်နထံဖိကီၢ်ဖိကဒဲကဒဲလီၤ. လၢနကဟ့ၣ်လီၤနကလုၢ်ဒ်သိးနပှၤတဖၣ်ကဆိကတီၢ်ဒုးပှၤအဂီၢ်န့ၣ်, ကယံာ်ဒံးဆံးယံာ်လဲၣ်.”

လံာ်ဟိၤၡ့ 11:8

ကီၢ်အံၣ်စရ့လးဧၢ, ယပျဲစုပျၢ်ခီၣ်ကွံာ်နၤကသ့ဒ်လဲၣ်ယစူးကွံာ်ညိကွံာ်နၤကသ့ဒ်လဲၣ်. မ့ၢ်ယကမၤဟးဂီၤတ့ၢ်နၤဒ်ယမၤတ့ၢ်ဝ့ၢ်အၤဒမၤအသိးမ့ၢ်ဂ့ၤ, မၤဘၣ်နၤဒ်ယမၤတ့ၢ်ဝ့ၢ်စဘိအံၣ်အသိးမ့ၢ်ဂ့ၤတဘျီဘျီဧါ. တမ့ၢ်ယသးကပျဲယမၤတၢ်န့ၣ်ဘၣ်. ယတၢ်အဲၣ်နၤအံၤဆူၣ်ဒိၣ်မးလီၤ.

လံာ်ပှၤစံၣ်ညီၣ်ကွီၢ် 11:35

ဒီးဖဲအထံၣ်ဘၣ်အဖိမုၣ်န့ၣ်အဝဲဖှီယာ်အဆ့ကၤလၢတၢ်သးအုးအပူၤဒီးစံး, “အိ, ယဖိမုၣ်ဧၢ, နမၤသ့ၣ်ဖးယသးလီၤ. ဘၣ်မနုၤအဃိလၢနဘၣ်မ့ၢ်ပှၤမၤဘၣ်ဒိဆါယၤန့ၣ်လဲၣ်. ယမၤတ့ၢ်တၢ်အၢၣ်လီၤသညူးသပှၢ်ဆူယွၤဒီးယထုးက့ၤတသ့လၢၤဘၣ်.”

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 21:15

ဒီးပှၤဂီၢ်မုၢ်သူၣ်အုးသးအုးလၢပှၤဘံၣ်ယၤမံၣ်ဖိတဖၣ်အဂီၢ် မ့ၢ်လၢယွၤမၤဟးဂီၤတၢ်ဃူတၢ်ဖိးလၢအံၣ်စရ့လးအဒူၣ်တဖၣ် အကျါအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 21:5

အဝဲသ့ၣ်သံကွၢ်ဝဲ, “မ့ၢ်ပှၤတဖုဖုလၢအံၣ်စရ့လးအဒူၣ်အကျါ လၢအတလဲၤဘၣ်ဆူတၢ်ပာ်ဖှိၣ်ထီၣ်အသးအလီၢ်လၢယွၤ အမဲာ်ညါဖဲမံးစပၤန့ၣ်အိၣ်ဧါ.” (အဝဲသ့ၣ်ဆိၣ်တၢ်လၢပှၤတဂၤလၢ်လၢ်လၢအတလဲၤဘၣ်ဆူမံးစပၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.)

လံာ်ပှၤစံၣ်ညီၣ်ကွီၢ် 21:7

လၢပကဃုန့ၢ်မါလၢဘံၣ်ယၤမံၣ်ဖိအိၣ်လီၤတဲာ်တဖၣ်အဂီၢ်န့ၣ် ပကမၤဒ်လဲၣ်. ပအၢၣ်လီၤတ့ၢ်တၢ်ဒီးယွၤလၢပကဟ့ၣ်အဝဲသ့ၣ်လၢပဖိမုၣ်နီတဂၤဘၣ်.”