လံာ်ပှၤစံၣ်ညီၣ်ကွီၢ် 21:25 - Sgaw Karen Common Bible

²⁵ ဒီးအကတီၢ်ဖဲန့ၣ်, စီၤပၤတအိၣ်ဘၣ်နီတဂၤဘၣ်လၢအံၣ်စရ့လးအပူၤဘၣ်. ပှၤကိးဂၤဒဲးမၤဒ်တၢ်ဘၣ်အသးဒၣ်ဝဲအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 21:25 Iomraidhean Croise

စံးထီၣ်ပတြၢၤ 12:4

“လၢပတၢ်ကတိၤတဖၣ်အဃိ ပဒိးန့ၢ်ဘၣ်တၢ်လၢပလိၣ်ဘၣ်လီၤ. ပကစံးတၢ်လၢပသးအိၣ်စံး ဒီးပှၤတြီပှၤတသ့နီတဂၤဘၣ်လီၤ.”

တၢ်ကတိၤဒိ. 14:12

တၢ်လၢနဆိကမိၣ်မ့ၢ်ကျဲအဘၣ်န့ၣ်, ဆှၢနၤဆူတၢ်သံသ့ဝဲလီၤ.

တၢ်ကတိၤဒိ. 3:5

သန့ၤနသးလၢယွၤလၢနသးဒီဖျၢၣ်ညါတက့ၢ်. ဒီးသုတသန့ၤနသးလၢတၢ်လၢနဆိကမိၣ်နသ့ၣ်ညါန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 66:3

ပှၤဂီၢ်မုၢ်မၤတၢ်ဒ်တၢ်ဘၣ်အသးဒၣ်ဝဲအသိးလီၤ. တၢ်မၤသံကျီၢ်ဖါတဒုလၢတၢ်လုၢ်တၢ်ပာ်တမံၤအဂီၢ်မ့ၢ်ဂ့ၤ, တၢ်လုၢ်ပှၤကညီတဂၤမ့ၢ်ဂ့ၤ, တၢ်လုၢ်ထီၣ်သိဖိတဒုမ့ၢ်ဂ့ၤ, တၢ်ဘိးကၢ်ကွံာ်ထွံၣ်တဒုအကိာ်မ့ၢ်ဂ့ၤ, တၢ်လုၢ်ထီၣ်ဘုဧိၤဟုဧိၤအတၢ်မၤဘူၣ်တမံၤမ့ၢ်ဂ့ၤ, တၢ်လုၢ်ထီၣ်ထိးအသွံၣ်မ့ၢ်ဂ့ၤ, တၢ်လုၢ်ထီၣ်တၢ်နၢမူမ့ၢ်ဂ့ၤ, တၢ်ထုကဖၣ်ဆူတၢ်ဂီၤတၢ်ဖီၣ်မ့ၢ်ဂ့ၤ, တၢ်ခဲလၢာ်အံၤမ့ၢ်ဒၣ်တၢ်ဒ်သိးသိးလၢအဝဲသ့ၣ်အဂီၢ်န့ၣ်လီၤ. အဝဲသ့ၣ်မုာ်လၤသးခုဝဲလၢတၢ်ဘူၣ်ထီၣ်ဘါထီၣ်အကျဲတဖၣ် လၢအလီၤသးဘၣ်အၢအံၤအပူၤန့ၣ်လီၤ.

လံာ်သိၣ်လီၤသီလီၤတၢ် 12:8

ဖဲတၢ်ဆၢကတီၢ်န့ၣ်ဟဲဝဲဒီးသုတဘၣ်မၤတၢ်ဒ်တၢ်လၢသုမၤတ့ၢ် ခဲအံၤအသိးန့ၣ်ဘၣ်. တုၤလၢခဲကနံၣ်အံၤဒၣ်လဲာ်သုဝဲခဲလၢာ်သု ဘူၣ်ထီၣ်ဘါထီၣ်တၢ်ဒ်အဂ့ၤလၢသုမဲာ်အသိး,

လံာ်ပှၤစံၣ်ညီၣ်ကွီၢ် 17:6

ဖဲန့ၣ်အကတီၢ်န့ၣ်စီၤပၤတအိၣ်ဝဲလၢကီၢ်အံၣ်စရ့လးအပူၤနီတဂၤဘၣ်. ဒီးပှၤကိးဂၤမၤဖဲဒၣ်အသးအိၣ်မၤဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 18:1

ဒီးအကတီၢ်ဖဲန့ၣ်စီၤပၤတအိၣ်ဒံးလၢအံၣ်စရ့လးအပူၤဘၣ်. လၢမုၢ်နံၤတဖၣ်အပူၤန့ၣ်ဒၣ်အဒူၣ်ဃုန့ၢ်တၢ်လီၢ်လၢအတၢ်န့ၢ်သါအဂီၢ် ဒ်သိးကအိၣ်ကဆိးဝဲလၢအပူၤလီၤ. အဂ့ၢ်ဒ်အံၤ, အဝဲသ့ၣ်တဒိးန့ၢ်ဒံးဘၣ်တၢ်လီၢ်နီတတီၤလၢအဂီၢ်ဒၣ်ဝဲ လၢအံၣ်စရ့လးအဒူၣ်တဖၣ်အကျါန့ၣ်ဘၣ်.

လံာ်ပှၤစံၣ်ညီၣ်ကွီၢ် 18:7

မၤသးဒ်န့ၣ်ဒီး, ပှၤယဲၢ်ဂၤန့ၣ်ဟးထီၣ်ဒီးလဲၤဆူဝ့ၢ်လ့ၡ့ၣ်လီၤ. အဝဲသ့ၣ်ထံၣ်ပှၤအိၣ်ဖဲန့ၣ်တဖၣ်အိၣ်မူပူၤဒုၣ်ပူၤဒါဒ်ပှၤစံဒိၣ်ဖိတဖၣ်အသိးန့ၣ်လီၤ. အဝဲသ့ၣ်မ့ၢ်ပှၤအိၣ်ခုၣ်ခုၣ်မုာ်မုာ်ဒီးမ့ၢ်ပှၤကစုဒုတဖၣ်လီၤ. တဂ့ၢ်လိာ်ဘှီလိာ်ဒီးပှၤနီတဂၤဘၣ်. အဝဲသ့ၣ်အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. အဝဲသ့ၣ်အိၣ်ယံၤဒီးပှၤစံဒိၣ်ဖိတဖၣ် ဒီးတမၤဃုာ်လိာ်အသးဒီးပှၤနီတဖုဘၣ်.

လံာ်ပှၤစံၣ်ညီၣ်ကွီၢ် 19:1

တချုးလၢအံၣ်စရ့လးအိၣ်ဒီးအစီၤပၤဒံးဘၣ်အမုၢ်နံၤတဖၣ်န့ၣ် ပှၤလ့ၤဝံဖိတဂၤအိၣ်ဝဲလၢတၢ်လီၢ်ဖးယံၤဖဲအ့ဖရဲၣ်အကစၢၢ် ကလိန့ၣ်လီၤ. အဝဲဟံးန့ၢ်ပိာ်မုၣ်ဖိတဂၤလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤဒ်အသံၣ်မါအသိးန့ၣ်လီၤ.

လံာ်ပှၤစံၣ်ညီၣ်ကွီၢ် 21:24

တကတီၢ်ဃီန့ၣ်, ပှၤအံၣ်စရ့လးဖိအဂၤတဖၣ်ဟးထီၣ်ကွံာ်ဝဲ, ဒီးပှၤကိးဂၤဒဲးက့ၤကဒါက့ၤဆူအဒူၣ်ဒၣ်ဝဲဒီး အဟံၣ်ဖိဃီဖိဒၣ်ဝဲဒီးဆူအတၢ်စုလီၢ်ခီၣ်ခိၣ်ဒၣ်ဝဲန့ၣ်လီၤ.