လံာ်ပှၤစံၣ်ညီၣ်ကွီၢ် 21:23 - Sgaw Karen Common Bible

²³ ပှၤဘံၣ်ယၤမံၣ်ဖိတဖၣ်မၤတၢ်ဒ်အံၤန့ၣ်လီၤပှၤတဂၤစုာ်စုာ် ဃုထၢအမါလၢပိာ်မုၣ်ဖိတဖၣ်အကျါလၢအဂဲၤကလံာ်ဖဲၡံလိၣ်ဒီးစိာ်ကွံာ်အီၤန့ၣ်လီၤ. တုၤနုၤတစု, အဝဲသ့ၣ်က့ၤကဒါက့ၤဆူအကီၢ်ဒၣ်ဝဲ, သူၣ်ထီၣ်အဝ့ၢ်တဖၣ်ဒီးအိၣ်ဆိးဝဲဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 21:23 Iomraidhean Croise

လံာ်ပှၤစံၣ်ညီၣ်ကွီၢ် 20:48

ပှၤအံၣ်စရ့လးဖိတဖၣ်ဃၣ်တရံးထီဒါ ပှၤဘံၣ်ယၤမံၣ်ဖိလၢအအိၣ်လီၤတဲာ်ခဲလၢာ်, ပိာ်ခွါပိာ်မုၣ်, ဖိသၣ်တဖၣ်ဒီးကယဲၢ်ဆၣ်ဖိကီၢ်ဖိ တဖၣ်စ့ၢ်ကီးလီၤ. ဒီးအဝဲသ့ၣ်ဆူးထီၣ်ကွံာ်ကယဲၢ်ဝ့ၢ်တဖၣ်လၢ အအိၣ်လၢတၢ်လီၢ်ဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 21:24

တကတီၢ်ဃီန့ၣ်, ပှၤအံၣ်စရ့လးဖိအဂၤတဖၣ်ဟးထီၣ်ကွံာ်ဝဲ, ဒီးပှၤကိးဂၤဒဲးက့ၤကဒါက့ၤဆူအဒူၣ်ဒၣ်ဝဲဒီး အဟံၣ်ဖိဃီဖိဒၣ်ဝဲဒီးဆူအတၢ်စုလီၢ်ခီၣ်ခိၣ်ဒၣ်ဝဲန့ၣ်လီၤ.