လံာ်ပှၤစံၣ်ညီၣ်ကွီၢ် 21:21 - Sgaw Karen Common Bible

²¹ ဖဲပိာ်မုၣ်ဖိလၢၡံလိၣ်တဖၣ်မ့ၢ်ဟဲထီၣ်ဒ်သိးကဂဲၤကလံာ်ဖဲ မူးအဆၢကတီၢ်န့ၣ်, ဟဲထီၣ်လၢစပံးလီၢ်တဖၣ်အပူၤတက့ၢ်. သုဝဲတဂၤစုာ်စုာ်ဟံးန့ၢ်ဆူၣ်သုမါလၢပိာ်မုၣ်ဖိသၣ်တဖၣ်အကျါ ဒီးစိာ်အီၤဆူဘံၣ်ယၤမံၣ်အပူၤဃုာ်ဒီးသုတက့ၢ်.

လံာ်ပှၤစံၣ်ညီၣ်ကွီၢ် 21:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:14

စီၤဒၤဝံးကူဒၣ်ထဲတၢ်ကံးယာ်လုၣ်ဖီဝါကဆှၣ်ဖိတဘ့ၣ်လၢအယီၢ် ဒ့လိၤဒီးဂဲၤကလံာ်လၢာ်သူၣ်လၢာ်သးလၢတၢ်မၤလၤကပီၤယွၤအဂီၢ် န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 6:21

စီၤဒၤဝံးစံးဆၢဝဲဒၣ်, “ယဂဲၤကလံာ်ဒ်သိးယကမၤလၤကပီၤယွၤ, ပှၤလၢအဃုထၢထီၣ်ယၤလၢနပၢ်ဒီးအဟံၣ်ဖိ ဃီဖိအလီၢ်, ဒ်သိးကဒုးကဲထီၣ်ယၤအပှၤဂီၢ်မုၢ်အခိၣ်အနၢ်တဂၤ န့ၣ်လီၤ. ဒီးယကဂဲၤကလံာ်ဒံးဆူညါလၢတၢ်မၤလၤကပီၤယွၤအဂီၢ်,

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 150:4

စံးထီၣ်ပတြၢၤအီၤလၢဒၢ, ဒီးတၢ်ဂဲၤကလံၣ်တက့ၢ်. စံးထီၣ်ပတြၢၤအီၤလၢတၢ်လၢပှၤဒ့ဝဲဒီး တၢ်လၢပှၤအူဝဲန့ၣ်တက့ၢ်.

လံာ်တၢ်ဟးထီၣ်ကွံာ် 15:20

ဝံမုၣ်နီၢ်မံးရယၣ်လၢအမ့ၢ်စီၤအၤဟရိၣ်အဒီပုၢ်ဝဲၢ်မုၣ်ဟံး ထီၣ်အဒၢတြုၤလၢအစုပူၤဒီးကယဲၢ်ပိာ်မုၣ်ခဲလၢာ်, ပိာ်ထီၣ်အခံအိၣ်ဒီးဒၢတြုၤတဖၣ်ဒီးဂဲၤကလံာ်ဝဲလီၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်တၢ်သးဝံၣ်တဖၣ်အတၢ်သးဝံၣ် 6:13

ပှၤၡူလမးမုၣ်ဧၢ, ဂဲၤကလံၣ်, ဂဲၤကလံၣ်တက့ၢ်. ပျဲပကွၢ်နဂဲၤကလံၣ်တက့ၢ်. ဘၣ်မနုၤသုအဲၣ်ဒိးကွၢ်ယၤ, ဖဲယဂဲၤကလံၣ်လၢပှၤကွၢ်တၢ်ဖိတဖၣ်အဘၢၣ်စၢၤန့ၣ်လဲၣ်.

လံာ်ယံးရမံယၤ 31:13

အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်မးသဲ 10:17

ပလီၢ်သုသးတက့ၢ်. အဂ့ၢ်ဒ်အံၤ ပှၤကအိၣ်ဝဲတနီၤလၢကဖီၣ်န့ၢ်သု ဒီးဆှၢထီၣ်သုဆူတၢ်ဘူၣ်တၢ်ဘါခိၣ်နၢ်တဖၣ်အကီၣ်ကးဒီးပှၤတဖၣ် န့ၣ်ကတီၢ်သုလၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤလီၤ.

လံာ်လူၤကၣ် 17:25

ဘၣ်ဆၣ်ဒီးအဆိကတၢၢ်န့ၣ်, အဝဲကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤတစိၤအံၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:34

ဒီးဖဲစီၤယံးဖသၤက့ၤဆူအဟံၣ်အိၣ်လၢမံးစပၤန့ၣ်အဖိမုၣ်ဟဲ ထီၣ်လၢဟံၣ်ပူၤဒ်သိးအကသဂၢၢ်အီၤ, အိၣ်ဒီးတၢ်ဂဲၤကလံာ်ဒီးတၢ်ပှီၢ်ဒၢန့ၣ်လီၤ. အဝဲမ့ၢ်ဖိမုၣ်ထဲတဂၤဧိၤန့ၣ်လီၤ.

လံာ်ပှၤစံၣ်ညီၣ်ကွီၢ် 21:20

အဝဲသ့ၣ်စံးဘၣ်ပှၤဘံၣ်ယၤမံၣ်ဖိတဖၣ်, “လဲၤဒီးပာ်ခူသူၣ်သုသးလၢ စပံးလီၢ်တဖၣ်အပူၤ, ဒီးခိးကွၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 18:6

ဖဲစီၤဒၤဝံးဟဲက့ၤလၢအတၢ်မၤသံစီၤကၤလယးဝံၤဒီး, ဒီးပှၤသုးဖိတဖၣ်ဟဲက့ၤဆူဟံၣ်န့ၣ်, ပိာ်မုၣ်တဖၣ်လၢဝ့ၢ်ကိးဝ့ၢ်ဒဲး အိၣ်လၢကီၢ်အံၣ်စရ့လးအပူၤဟဲထီၣ်ဒ်သိးကသဂၢၢ်စီၤပၤ စီၤစီလူးလီၤ. အဝဲသ့ၣ်သူၣ်ဝံၣ်သးဆၢတၢ်သးခု အတၢ်သးဝံၣ်တဖၣ်, ဂဲၤကလံာ်ဝဲဒီးဆ့လ့, ဒီးသီတူၢ်တဖၣ်လီၤ.