လံာ်ပှၤစံၣ်ညီၣ်ကွီၢ် 21:19 - Sgaw Karen Common Bible

¹⁹ တုၤနုၤတစု, အဝဲသ့ၣ်ဆိကမိၣ်ထီၣ်ဝဲ, “ယွၤအဘူၣ်တနံၣ်တဘျီဖဲ ၡံလိၣ်ကဘၣ်ဘူးထီၣ်လံ.” (ၡံလိၣ်န့ၣ်အိၣ်လၢဘ့ၤသ့လးအကလံၤစိး, လဘိနၤအကလံၤထံးဒီးကျဲမုၢ်လၢဘ့ၤသ့လးဒီးၡက့ၣ်အဘၢၣ်စၢၤအမုၢ်ထီၣ်န့ၣ်လီၤ.)

လံာ်ပှၤစံၣ်ညီၣ်ကွီၢ် 21:19 Iomraidhean Croise

စံးထီၣ်ပတြၢၤ 81:3

အူထီၣ်ကွဲၤလၢဘူၣ်အဂီၢ်, ဖဲလါထီၣ်သီဒီးဖဲလါပှဲၤအနံၤန့ၣ်တက့ၢ်.

လံာ်တၢ်ဘူၣ်ထီၣ်ဘါထီၣ် 23:4

အအံၤမ့ၢ်တၢ်ဘူၣ်တၢ်ဘါအမူးတဖၣ်လၢသုဘၣ်ဒုးဟူထီသါလီၤအီၤ ဖဲအဆၢကတီၢ်ဘၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:6

ဒီးလၢတဆံယဲၢ်နံၤတနံၤန့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ် အမူးဘၣ်တၢ်စးထီၣ်မၤအီၤန့ၣ်လီၤ. နွံနံၤန့ၣ်သုဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်လီၤ.

လံာ်တၢ်ဂံၢ် 10:10

ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

လံာ်တၢ်ဂံၢ် 28:16

တၢ်မၤလၤကပီၤယွၤအဘူၣ်လဲၤကပာ်န့ၣ်ကဘၣ်တၢ်မၤအီၤဖဲလါ အခီၣ်ထံးကတၢၢ်တလါထီၣ်တဆံလွံၢ်သီတသီအနံၤန့ၣ်လီၤ.

လံာ်တၢ်ဂံၢ် 28:26

လၢတၢ်ကူးဘုမူးဖးဒိၣ်အကတီၢ်အဆိကတၢၢ်တသီဖဲ သုဟ့ၣ်ထီၣ်ဘုဧိၤဟုဧိၤအသီဆူယွၤအအိၣ်န့ၣ်, သုကဘၣ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်, ဒီးပှၤတဘၣ်မၤတၢ်မၤနီတဂၤဘၣ်.

လံာ်တၢ်ဂံၢ် 29:12

လၢလါနွံလါတလါထီၣ်တဆံယဲၢ်သီန့ၣ်ပာ်ဖှိၣ်ထီၣ်သုသးလၢတၢ် ဘူၣ်ထီၣ်ဘါထီၣ်ယွၤအဂီၢ်တက့ၢ်. မၤမူးဖးဒိၣ်အံၤလၢတၢ်မၤလၤကပီၤယွၤအဂီၢ်လၢနွံသီအတီၢ် ပူၤဒီးမၤတၢ်မၤနီတမံၤတဂ့ၤ.

လံာ်ယိၤဟၣ် 5:1

အန့ၣ်ဝံၤအလီၢ်ခံဒီး, ယ့ၣ်ၡူးလဲၤထီၣ်ဆူဝ့ၢ်ယရူၤၡလ့ၣ် လၢပှၤယူဒၤဖိအဘူၣ်တဘူၣ်အဂီၢ်န့ၣ်လီၤ.

လံာ်ယိၤဟၣ် 7:2

ပှၤယူဒၤဖိအဘူၣ်ဒဲကဘၣ်ဘူးထီၣ်လံအဃိ,

လံာ်သိၣ်လီၤသီလီၤတၢ် 16:1

မၤလၤကပီၤယွၤသုကစၢ်ယွၤခီဖျိတၢ်မၤဘူၣ်လဲၤကပာ်လၢလါအါ ဘံာ်အပူၤန့ၣ်တက့ၢ်. လၢလါန့ၣ်အပူၤအမုၢ်တနံၤန့ၣ်, အဝဲမၤထူၣ်ဖျဲးသုလၢကီၢ်အဲၤကူပတူးန့ၣ်လီၤ.

လံာ်သိၣ်လီၤသီလီၤတၢ် 16:13

တုၤသုယီၢ်သုဘုဧိၤဟုဧိၤခဲလၢာ်ဒီးသုစံၢ်လီၤသုစပံးသၣ် တဖၣ်ဝံၤခဲလၢာ်န့ၣ်မၤဘူၣ်ဒဲလၢနွံသီအတီၢ်ပူၤတက့ၢ်.

လံာ်စီၤယိၤၡူ 18:1

ပှၤအံၣ်စရ့လးဖိတဖၣ်မၤနၢၤကီၢ်န့ၣ်ဝံၤဒီး, အဝဲသ့ၣ်ခဲလၢာ်ပာ်ဖှိၣ်အသးဖဲဝ့ၢ်ၡံလိၤ ဒီးသူၣ်ထီၣ်တၢ်ဘူၣ်ထီၣ်ဘါထီၣ်ယွၤအဒဲန့ၣ်လီၤ.

လံာ်ပှၤစံၣ်ညီၣ်ကွီၢ် 18:31

ဒီးစီၤမံၤကါအတၢ်ဂီၤစိးပျၤအသးအိၣ်ဝဲဖဲန့ၣ်ယံာ်ထဲသိးဒီးဒဲစီဆှံ အိၣ်ဖဲဝ့ၢ်ၡံလိၣ်အပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 21:20

အဝဲသ့ၣ်စံးဘၣ်ပှၤဘံၣ်ယၤမံၣ်ဖိတဖၣ်, “လဲၤဒီးပာ်ခူသူၣ်သုသးလၢ စပံးလီၢ်တဖၣ်အပူၤ, ဒီးခိးကွၢ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 1:3

ကိးနံၣ်ဒဲးန့ၣ်စီၤအ့ကါနၤလဲၤလၢဝ့ၢ်ရၤမါဆူဝ့ၢ်ၡံလိၤ ဒ်သိးအကဘူၣ်တၢ်ဘါတၢ်ဒီးမၤဘူၣ်တၢ်လုၢ်တၢ်ပာ်တဖၣ်ဆူ ယွၤသ့တၢ်လၢာ်အအိၣ်န့ၣ်လီၤ. ဖဲန့ၣ်စီၤဧ့လံၤအဖိခွါစီၤဃၤဖနံၤဒီးစီၤဖံနဃၤခံဂၤ န့ၣ်မ့ၢ်ဝဲပှၤလုၢ်တၢ်အခိၣ်တဖၣ်န့ၣ်လီၤ.