လံာ်ပှၤစံၣ်ညီၣ်ကွီၢ် 21:15 - Sgaw Karen Common Bible

¹⁵ ဒီးပှၤဂီၢ်မုၢ်သူၣ်အုးသးအုးလၢပှၤဘံၣ်ယၤမံၣ်ဖိတဖၣ်အဂီၢ် မ့ၢ်လၢယွၤမၤဟးဂီၤတၢ်ဃူတၢ်ဖိးလၢအံၣ်စရ့လးအဒူၣ်တဖၣ် အကျါအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 21:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 13:11

လၢတၢ်န့ၣ်အဃိစးထီၣ်လၢန့ၣ်လံၤလံၤ, တၢ်လီၢ်အဝဲန့ၣ်ဘၣ်တၢ် ကိးအီၤလၢဖ့ရးဧူးစၤန့ၣ်လီၤ. စီၤဒၤဝံးအသးဒိၣ်ထီၣ်နးနးကလဲာ်မ့ၢ်လၢယွၤစံၣ်ညီၣ်စီၤဧူး စၤလၢတၢ်သးထီၣ်အပူၤအဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်ယၡါယၤ 30:13

သုတၢ်ကမၣ်အိၣ်လီၤ. သုလီၤဂာ်ဒီးတၢ်အခိၣ်ဒူအထီၣ်ထီလၢ အအိၣ်ဒီးအတၢ်တဲၤဖးလၢအခိၣ်ဒီးတုၤလၢအခီၣ်ထံးလီၤ. သုကလီၤပှီၢ်သတူၢ်ကလာ်လီၤ.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ပှၤစံၣ်ညီၣ်ကွီၢ် 21:14

ပှၤဘံၣ်ယၤမံၣ်ဖိတဖၣ်ဟဲက့ၤဒီးပှၤအံၣ်စရ့လးဖိအဂၤတဖၣ်ဟ့ၣ် လီၤအဝဲသ့ၣ်လၢပိာ်မုၣ်ဖိတဖၣ်လၢတၢ်တမၤသံဘၣ်အီၤဖဲယၤဘ့ၣ် အပူၤန့ၣ်လီၤ. ဘၣ်ဆၣ်ဒီးတလၢ, လၢအဝဲသ့ၣ်အဂီၢ်ဘၣ်.

လံာ်ပှၤစံၣ်ညီၣ်ကွီၢ် 21:16

ဒီးပှၤခိၣ်ပှၤနၢ်တဖၣ်လၢတၢ်ပာ်ဖှိၣ်ထီၣ်သးအလီၢ်န့ၣ်စံးဝဲ, “ပိာ်မုၣ်လၢဘံၣ်ယၤမံၣ်အဒူၣ်အကျါတအိၣ်လၢၤဘၣ်. ပကဃုန့ၢ်မါလၢပိာ်ခွါအိၣ်လီၤတဲာ်တဖၣ်အဂီၢ်ဒ်လဲၣ်.

လံာ်ပှၤစံၣ်ညီၣ်ကွီၢ် 21:17

အံၣ်စရ့လးတဘၣ်ပျဲပှၤတဆံခံဒူၣ်လီၤမၢ်နီတဒူၣ်ဘၣ်. ပကဘၣ်ဃုကျဲလၢဘံၣ်ယၤမံၣ်အဒူၣ်ကမူဝဲအဂီၢ်လီၤ.

လံာ်ပှၤစံၣ်ညီၣ်ကွီၢ် 21:6

ပှၤအံၣ်စရ့လးတဖၣ်သူၣ်အုးသးအုးဝဲလၢအဒီပုၢ်ဝဲၢ်ပှၤဘံၣ်ယၤ မံၣ်ဖိတဖၣ်အဂီၢ်ဒီးစံး, “တနံၤအံၤအံၣ်စရ့လးအဒူၣ်တဒူၣ်လီၤမၢ်ကွံာ်လံ.