လံာ်ပှၤစံၣ်ညီၣ်ကွီၢ် 21:1 - Sgaw Karen Common Bible

¹ ဖဲပှၤအံၣ်စရ့လးဖိတဖၣ်ပာ်ဖှိၣ်ထီၣ်အသးဖဲမံးစပၤန့ၣ် အဝဲသ့ၣ်မၤတၢ်အၢၣ်လီၤအီလီၤဒီးယွၤ, “ပတပျဲပှၤဘံၣ်ယၤမံၣ်ဖိ ကထီၣ်ပှၢ်ဒီးပဖိမုၣ်, နီတဂၤဘၣ်.”

လံာ်ပှၤစံၣ်ညီၣ်ကွီၢ် 21:1 Iomraidhean Croise

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 40:6

ယလဲၤဒီးအိၣ်လၢစီၤကဒါလယၤအသကိးလၢဝ့ၢ်မံးစပၤအပူၤဒီး အိၣ်လၢပှၤဂီၢ်မုၢ်လၢအအိၣ်လီၤတဲာ်လၢကီၢ်ပူၤအကျါန့ၣ်လီၤ.

လံာ်မၢ်ကူး 6:23

အဝဲဆိၣ်လီၤအသးဒီးစံးဝဲ, “တၢ်တမံၤလၢ်လၢ်လၢနဃ့န့ၣ်ယကဟ့ၣ်လီၤနၤပၢၢ်တုၤလၢယဘီယမုၢ် တဝာ်ဒၣ်လဲာ်လီၤ.”

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

လံာ်ပှၤစံၣ်ညီၣ်ကွီၢ် 20:1

ဒီးအံၣ်စရ့လးအပှၤဂီၢ်မုၢ်လၢအအိၣ်လၢဒၣ်လၢကလံၤစိးတုၤလၢ ဘ့ၤၡဘၤလၢကလံၤထံး, ဒီးလၢကံးလဧးလၢမုၢ်ထီၣ်ခဲလၢာ်ပာ်ဖှိၣ်ထီၣ်အသးတဖုဃီလၢ ယွၤအမဲာ်ညါဖဲမံးစပၤန့ၣ်လီၤ.

လံာ်ပှၤစံၣ်ညီၣ်ကွီၢ် 20:10

ပှၤဆံဆဲၣ်ပူတပူၤလၢအံၣ်စရ့လးအပူၤကဟ့ၣ်တၢ်အီၣ်တၢ်အီလၢ သုးမုၢ်အဂီၢ်ဒီးပှၤအဂၤတဖၣ်န့ၣ်ကလဲၤစံၣ်ညီၣ်ကံဘဧၤ လၢအတၢ်ဒဲးဘးလၢအမၤတ့ၢ်ဝဲလၢအံၣ်စရ့လးအပူၤအဃိန့ၣ်လီၤ.”

လံာ်ပှၤစံၣ်ညီၣ်ကွီၢ် 20:48

ပှၤအံၣ်စရ့လးဖိတဖၣ်ဃၣ်တရံးထီဒါ ပှၤဘံၣ်ယၤမံၣ်ဖိလၢအအိၣ်လီၤတဲာ်ခဲလၢာ်, ပိာ်ခွါပိာ်မုၣ်, ဖိသၣ်တဖၣ်ဒီးကယဲၢ်ဆၣ်ဖိကီၢ်ဖိ တဖၣ်စ့ၢ်ကီးလီၤ. ဒီးအဝဲသ့ၣ်ဆူးထီၣ်ကွံာ်ကယဲၢ်ဝ့ၢ်တဖၣ်လၢ အအိၣ်လၢတၢ်လီၢ်ဖဲန့ၣ်လီၤ.

လံာ်ပှၤစံၣ်ညီၣ်ကွီၢ် 20:8

ဒီးပှၤဂီၢ်မုၢ်ခဲလၢာ်ဆၢထၢၣ်ဒီးစံး, “ပဝဲလၢအအိၣ်လၢဒဲ အပူၤမ့ၢ်ဂ့ၤ, ဟံၣ်အပူၤမ့ၢ်ဂ့ၤ, တက့ၤဘၣ်ဆူဟံၣ်နီတဂၤဘၣ်.

လံာ်ပှၤစံၣ်ညီၣ်ကွီၢ် 21:18

ဘၣ်ဆၣ်ဒီးပပျဲအဝဲသ့ၣ်ထီၣ်ပှၢ်ဒီးပဖိမုၣ်တဖၣ်တသ့ဘၣ်. အဂ့ၢ်ဒ်အံၤ, ပပာ်တၢ်ဆိၣ်အၢလၢပှၤတဂၤလၢ်လၢ်အလိၤလၢအပျဲပှၤဘံၣ်ယၤမံၣ်ဖိထီၣ်ပှၢ်ဒီး ပဖိမုၣ်တဂၤဂၤန့ၣ်လီၤ.”

လံာ်ပှၤစံၣ်ညီၣ်ကွီၢ် 21:22

အပၢ်ဒီးအဒီပုၢ်ဝဲၢ်ခွါတဖၣ်မ့ၢ်ဟဲဆူသုအိၣ်ဒီးတြီတၢ်န့ၣ်, သုစံးသ့ဝဲလၢ, ပျဲပဟံးဃာ်အဝဲသ့ၣ်တက့ၢ်. အဂ့ၢ်ဒ်အံၤ, ပတဟံးန့ၢ်အဝဲသ့ၣ်လၢသုအိၣ်လၢတၢ်ဒုးတၢ်ယၤအပူၤ ဒ်သိးကကဲထီၣ်ပမါဘၣ်. ဒီးတမ့ၢ်ဘၣ်လၢသုဟ့ၣ်ပှၤအဃိဒီးသုတၢ်ကမၣ်ဘၣ်ဃးဒီးတၢ်မၤဟးဂီၤ သုတၢ်အၢၣ်လီၤအီလီၤအိၣ်ဝဲန့ၣ်ဘၣ်.”

လံာ်ပှၤစံၣ်ညီၣ်ကွီၢ် 21:5

အဝဲသ့ၣ်သံကွၢ်ဝဲ, “မ့ၢ်ပှၤတဖုဖုလၢအံၣ်စရ့လးအဒူၣ်အကျါ လၢအတလဲၤဘၣ်ဆူတၢ်ပာ်ဖှိၣ်ထီၣ်အသးအလီၢ်လၢယွၤ အမဲာ်ညါဖဲမံးစပၤန့ၣ်အိၣ်ဧါ.” (အဝဲသ့ၣ်ဆိၣ်တၢ်လၢပှၤတဂၤလၢ်လၢ်လၢအတလဲၤဘၣ်ဆူမံးစပၤန့ၣ် ကဘၣ်တၢ်မၤသံကွံာ်အီၤန့ၣ်လီၤ.)

လံာ်ပှၤစံၣ်ညီၣ်ကွီၢ် 21:7

လၢပကဃုန့ၢ်မါလၢဘံၣ်ယၤမံၣ်ဖိအိၣ်လီၤတဲာ်တဖၣ်အဂီၢ်န့ၣ် ပကမၤဒ်လဲၣ်. ပအၢၣ်လီၤတ့ၢ်တၢ်ဒီးယွၤလၢပကဟ့ၣ်အဝဲသ့ၣ်လၢပဖိမုၣ်နီတဂၤဘၣ်.”

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.